Rom 14:1 - Sơ̆p Hlabơar Nơ̆r 'Bok Kei-Dei

¹ Gah lu bơngai lui mă ưh tam mă hlôh tôm tơdrong, bơ̆n athei 'mêm kơ sư mơ̆n. Bơ̆n 'nĕ kơ pơjah pơjăng tơdrong sư ưh tam mă hlôh noh.

Rom 14:1 Iomraidhean Croise

Jop 4:3

Ki sơ̆, ih đei bơtho pơlung lơ bơngai, Ih đei tơgŭm bơih ti rơdu jing pran.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Êsai 42:3

Sư ưh kơ gơ̆ lê̆ 'long gơlăr wă tơgơ̆ bơih păng ưh kơ pĭt lê̆ ŭnh oei khơ̆ng kơplah brai wă jê̆ tôch. Sư gô ba tơdrong tơpăt hơnơ̆ng hăm tơdrong sĭt.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Êsêkiên 34:4

Lu kon triu tơrăn, iĕm ưh kơ tơgŭm ăn kơ lu sư pran; lu triu jĭ, iĕm ưh kơ ming hơmet wă kơ klaih; lu triu rơka, iĕm ưh kơ đei hơmet lu triu mă jrok tơklah tơklang, lu iĕm ưh kơ chông brŏk lu kon triu mă jrok hiong lu iĕm ưh kơ năm chă. Lu iĕm wei rong sư hăm tơdrong pơgŏ pơđep.

Sa 11:16

Yua kơ âu, Inh gô tơiung ăn minh 'nu bơngai plơ̆ng jing bơngai wei-lăng triu kơpal teh âu. Mă-lei sư ưh kơ hiơ̆k kơ triu ôh, kư̆m ưh kơ chơchă lu triu hiong, ưh kơ wă ming lu triu rơka, ưh kơ wă rong lu triu bek jăng, mă-lei 'buh sa lu triu mă bek 'lơ̆ng noh păng hek lê̆ kơchôp lu sư.

Mathiơ 12:20

Sư bơngai dim khôn dêh. Mă đe lui rơdu dang hla 'long wă jê̆ hơlŭng, Sư ưh kơ phĕ tŭk ôh; Mă đe lui rơdu dang ŭnh kơđeng wă jê̆ păt, Sư kư̆m ưh kơ pĭt tŭk ôh; Sư kư̆ kơ jang truh tơ kon bơngai pơm 'lơ̆ng tơpăt dih băl.

Mathiơ 14:31

Yêsu thar tơkan rôp ti păng khan: “Liơ ih lui rơdu dêh, liơ ih ưh kơ lui ngeh kơ Inh?”

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Markôs 7:19

Mă tơmam sa kiơ mơ̆t lăm klak kon bơngai ưh kơ sĭ mơ̆t lăm jơhngơ̆m sư pơm kơ sư jing yoch ôh. Tơmam sa mơ̆t lăm klak klaih kơ noh lĕch đĭ.” Thoi noh bơ̆n băt tôm kơ tơmam sa kiơ̆ kơ Yêsu khan tơmam sa rơgoh 'lơ̆ng ngăl ưh kơ đei giĕng kơ sa ôh.

Luka 17:2

Bơngai bu dang ei juăt pơhlŭ lu bơngai 'nao lui pơm yoch, pơtih gia đe dah chô̆ ako sư tơ tơpăl tơmo sơ̆, hơtat lê̆ sư tơ klŏng đak dơsĭ, lei sư hiôk 'biơ̆, yua kơ sư huay kơ gơh pơhlŭ đe pơm yoch dang ei.

Yo 13:20

Inh khan kơ iĕm tơpă wă kơ iĕm băt: Bơngai bu sơng iŏk bơngai mă Inh wơh, bơngai 'noh dang sơng iŏk Inh. Bơngai bu sơng iŏk Inh, noh dang sư sơng iŏk 'Bă Inh mă wơh Inh.”

Jang 28:2

Lu bơngai nai oei tơ bŏl đak ei mơnat kơ nhôn na tơgŭm nhôn, yua kơ tơ ei bơyan 'mi păng tơngiĕt. Na lu bơngai ei rŭk ŭnh, na pơtơm nhôn nhur ŭnh sư ei.

Rom 11:15

'Bok Kei-Dei ưh kơ iŏk lu bơngai Isơrael dang ei yua kơ lu sư ưh kơ lui kơ Yêsu; noh na Sư ăn kơ iĕm lui hơdrol kơ lu sư, na dang ei iĕm hiôk hăm 'Bok Kei-Dei boih. Ning-mônh lu bơngai Isơrael kư̆m lui kơ Yêsu, 'Bok Kei-Dei kư̆m iŏk lu sư mơ̆n, lu sư gô hiôk dang kơ bơngai iung arih đơ̆ng lôch boih.

Rom 14:2

Pơtih gia minh 'nu bơngai lui, sư hlôh boih tơdrong 'Bok Kei-Dei na sư gơh sa tôm tơdrong tơmam sa. Minh 'nu bơngai lui nai ưh tam mă hlôh, sư sŏng sa mơh 'nhot đĕch, ưh kơ sa 'nhĕm.

Rom 14:21

Tơ̆ng bơ̆n kuă kơ pơyoch 'nhŏng oh bôl buăl, lei bơ̆n 'nĕ kơ pơm minh tơdrong kiơ kiơ hli kơ sư yoch, thoi lĕ kơ sa 'nhĕm 'nhot, dah et sik, dah tơdrong kiơ kiơ nai.

Rom 14:3

Na bơngai mă gơh sa tôm tơdrong 'nhĕm 'nhot noh 'nĕ kơ pơjăm bơngai mă giĕng kơ sa. Bơngai mă giĕng kơ sa kư̆m 'nĕ kơ pơjăm bơngai mă gơh sa, yua kơ bơngai mă gơh sa noh 'Bok Kei-Dei kư̆m jô̆ khan kon Sư mơ̆n.

Rom 15:1

Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

Rom 15:7

Yua kơ thoi noh na iĕm 'nĕ kơ pơdê dih băl, kư̆m thoi Yêsu Krist ưh kơ layơ Sư pơdê bơ̆n, Sư wă kơ đe ư-ang 'Bok Kei-Dei ngăl.

I Kor 9:22

Kơplah inh chă bơtho kơ lu bơngai ưh kơ gan hlôh tôm tơdrong 'Bok Kei-Dei, inh kư̆m pơm thoi sư mơ̆n wă kơ pơlung sư lui kơjăp. Inh druh kiơ̆ rim đon kon bơngai wă kơ gơh pơlung lu sư lui kơ Yêsu Krist na klaih đơ̆ng dôm tơdrong yoch.

Philip 2:29

Thoi noh na iĕm sơng iŏk sư bĕ păng iĕm athei bơnê kơ sư yua kơ sư jang tơgŭm inh. Iĕm băt boih tơdrong bơ̆n lui kơ Yêsu Krist athei sơng iŏk dih băl mă 'lơ̆ng.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

Hêbrơ 5:14

Pôm lu bơngai pơm kră đĕch gơh sa tơmam arăng, lu sư pơhrăm đunh boih, lu sư băt kơnăl kơ tơdrong 'lơ̆ng, tơdrong kơnê̆ boih.

II Yo 1:10

Bơngai bu năm ngôi hơpong tơ iĕm, na sư bơtho iĕm ưh kơ trŏ thoi Yêsu Krist bơtho, bơngai 'noh iĕm 'nĕ kơ sơng iŏk sư mơ̆t tơ hnam iĕm. Păng lăp sư wă brŏk iĕm 'nĕ khan kơ sư khan: Yak mă 'lơ̆ng kơ ih.