Rom 13:8 - Sơ̆p Hlabơar Nơ̆r 'Bok Kei-Dei

⁸ Tơdrong bơ̆n hre kơ đe, bơ̆n athei jah ăn na jah tôch. Mă gah tơdrong 'mêm kơ bôl buăl ưh kơ tôch ôh. Bơngai bu 'mêm kơ bôl buăl, bơngai noh ưh kơ hŭt ôh dôm tơdrong juăt 'Bok Kei-Dei pơkă.

Rom 13:8 Iomraidhean Croise

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

Rom 13:10

'Noh na tơ̆ng bơ̆n 'mêm kơ bôl buăl, bơ̆n ưh kơ pơm kơnê̆ kơ bôl buăl ôh. Tơ̆ng bơ̆n 'mêm kơ bôl buăl bơ̆n gô răk đĭ dôm tơdrong 'Bok Kei-Dei pơkă kơ bơ̆n noh.

Rom 13:7

Păng yua kơ thoi noh na tơdrong kiơ trŏ kơ bơ̆n ăn, bơ̆n athei ăn; 'bok pơgơ̆r sư wă iŏk thuê̆ đơ̆ng bơ̆n, bơ̆n athei ăn kơ sư; sư wă kơ bơ̆n pơm kiơ, bơ̆n chu pơm.

Galati 5:14

Yua kơ 'Bok Kei-Dei pơkă boih kơ bơ̆n thoi âu: “Bơ̆n athei 'mêm kơ bôl buăl thoi bơ̆n 'mêm akâu kơdih.” Bơngai bu răk tơdrong noh sư dang kiơ̆ tôm dôm tơdrong juăt 'Bok Kei-Dei pơkă.

Kôlôsê 3:14

Kăl tơpă tơdrong 'mêm mơnat dih băl; dah bơ̆n đei tơdrong 'mêm mơnat dih băl boih, bơ̆n gô 'bôh tôm tơdrong bơ̆n pơm 'lơ̆ng.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

Ya 2:8

Dah iĕm rok kiơ̆ tơdrong juăt 'Bok Kei-Dei mă đe chih tơ lăm sơ̆p hla bơar Sư, Sư athei bơ̆n 'mêm kơ bôl buăl thoi bơ̆n 'mêm kơ akâu kơdih, tơ̆ng iĕm pơm thoi noh tơpă lei 'lơ̆ng boih.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.