Rom 13:6 - Sơ̆p Hlabơar Nơ̆r 'Bok Kei-Dei

⁶ Thoi noh na mă sư iŏk thuê̆ đơ̆ng bơ̆n trŏ tơpă, yua kơ lu sư dang jang tơdrong 'Bok Kei-Dei.

Rom 13:6 Iomraidhean Croise

II Sam 8:5

Lu linh bơngai Siri đơ̆ng pơlei Đamas wă dŏng pơtao Hadadêser dêh Sôba; Đawit blah pơrăm, păng pơlôch hloi lu sư 'bar-jĭt 'bar-rơbâu 'nu.

I Ho 18:14

Đawit pơm pơtao pơgơ̆r đĭ-đăng bơngai Isơrael; sư pơm dôm tơdrong 'lơ̆ng tơpăt, tơdrong trŏ hăm đĭ-đăng lu kon pơlei sư.

Esơra 4:13

Thoi noh, hơpơi kơ ih băt mă nhen, tơdah pơlei âu đei pơm ming dơ̆ng păng dur sư đei man hơtŏk ming, thoi noh đĭ kon pơlei noh ưh pă pơyơ̆r ăn kơ ih dôm tơmam, ưh pă ăn thuê̆ dah ăn jên, na đơ̆ng noh tơdrong răm gô truh kơ ih.

Esơra 4:20

Tơ pơlei Jêrusalem kư̆m đei boih lu pơtao pran kơtang, wei-lăng pơgơ̆r đĭ jơ̆p kơ dêh char gah to đak krong păng lu đe tuh pơyơ̆r ăn tơmam, ăn jên thuê̆ păng ăn jên trong kơ lu pơtao noh.

Esơra 6:8

'Nâu nơ̆r inh athei, iĕm athei pơm kiơ̆ hăm lu đe kơdră pơgơ̆r kon pơlei Juđa, wă tơgŭm pơm dơ̆ng hnam akŭm Kră Yang 'Bok Kei-Dei: Athei iŏk dôm lu tơmam đei ra đơ̆ng gah to đak krong, jah ăn jên 'nĕ kơ hiơ̆ ăn kơ lu bơngai noh, wă kơ tơdrong jang ưh kơ đei layơ kơtĕch pơdơh.

Ne 5:4

Kŭm đei bơngai nai khan dơ̆ng; lu nhôn kư̆m đei pơjao chŭn, mir hơmu, na wă kơ đei jên ăn kơ pơtao.

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Rom 12:8

Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

Rom 13:5

Thoi noh na bơ̆n athei chu yom kơ lu bơngai mă pơgơ̆r bơ̆n, wă kơ 'Bok Kei-Dei lăp đon kơ bơ̆n păng wă kơ bơ̆n đei jơhngơ̆m hiôk, yua kơ bơ̆n pơm trŏ.

Rom 13:7

Păng yua kơ thoi noh na tơdrong kiơ trŏ kơ bơ̆n ăn, bơ̆n athei ăn; 'bok pơgơ̆r sư wă iŏk thuê̆ đơ̆ng bơ̆n, bơ̆n athei ăn kơ sư; sư wă kơ bơ̆n pơm kiơ, bơ̆n chu pơm.