Rom 13:4 - Sơ̆p Hlabơar Nơ̆r 'Bok Kei-Dei

⁴ Lu bơngai pơgơ̆r noh lu sư dang jang tơdrong 'Bok Kei-Dei, wă kơ kon bơngai arih hiôk-hian. 'Noh na tơ̆ng bơ̆n pơm kơnê̆, bơ̆n hli kơ lu sư. Lu bơngai pơgơ̆r chĕp tak đao, lu sư trŏ tơdrong gơh chĕp. Yua kơ lu sư jang tơdrong 'Bok Kei-Dei, lu sư gơh rôp phak lu bơngai pơm kơnê̆ mă 'Bok Kei-Dei ưh kơ lăp đon.

Rom 13:4 Iomraidhean Croise

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

II Ho 19:6

Sư khan kơ lu 'bok sek tơlang: “Iĕm athei bơ̆jang mă pơ'lơ̆ng, yua kơ iĕm sek tơlang ưh kơ sĭ kơ sek kơ kon bơngai ôh, mă-lei kơ Kră Yang; Sư gô oei hơdai lu iĕm tơ rim wơ̆t wă sek tơlang.

Tơdrông Pơđơk 16:14

Tơdrong pơtao hil thoi bơngai năm roi tơbăt kơ tơdrong lôch. Mă-lei đei bơngai hơgei pơm kơ tơdrong hil ngach 'bônh.

Tơdrông Pơđơk 20:2

Tơdrong pơtao hil thoi dăm-brang grĕnh, Bơngai bu kơ chu pơgreh pơtao gô hiong tơdrong arih kơdih akâu.

Tơdrông Pơđơk 20:26

Pơtao gơh hơgei lei đei 'bôh đĭ lu bơngai kơnê̆, lê̆ jơ̆ng gre kơtĭt kơpal lu sư.

Tơdrông Pơđơk 20:8

Pơtao ngôi kơpal tang-dŏ sư sek tơlang, Yua măt sư lăng đĕch 'bôh lĕch đĭ lu tơdrong kơnê̆.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Je 5:28

Lu sư bek plên, bơbling bơblang. Lu sư pơm kơnê̆ dêh ưh kơ tôch ôh; lu sư sek tơlang ưh kơ dŏng lu kon mơti, lu sư ưh kơ sek tơpăt ôh kơ lu bơngai dơnuh hin.”

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 25:14

Inh gô yua ti kon pơlei Isơrael Inh; pơm 'mong blah char Eđôm kon pơlei noh gô pơm kơ char Êđôm kiơ̆ kơ tơdrong Inh hil mĭl păng Inh blĕk. Na lu sư gô băt kơ tơdrong Inh pơm 'mong, Kră Yang khan thoi noh.

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Rom 13:6

Thoi noh na mă sư iŏk thuê̆ đơ̆ng bơ̆n trŏ tơpă, yua kơ lu sư dang jang tơdrong 'Bok Kei-Dei.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

Jôsuê 20:5

Tơdah lu bơngai mă wă pơlôch 'mong iung kơting druh 'moi sư, lu kră pơlei noh ưh kơ rôp jao bơngai mă pơlôch đe noh ôh, yua kơ bơngai noh pơlôch tơduă rông 'bôt sư, hăm tơdrong ưh kơ đei hơch 'bơm, ưh kơ đei chă tơhil klai areh băl adrol ôh,

Jôsuê 20:9

Noh boih lu pơlei lu sư rơih iŏk ăn kơ đĭ-đăng kon pơlei Isơrael păng lu bơngai tơmoi mă oei tơ noh; wă 'măn kơ bơngai bu mă pơlôch 'bơm đe ưh kơ pơrơ̆ng, gơh năm kơdâu ôn tơ noh, wă kơ sư huay kơ đei lôch kơ lu bơngai mă wă pơlôch 'mong pham, adrol kơ sư năm dơ̆ng 'bơ̆t anăp tơpôl khŭl akŭm. Sek tơlang.

I Pet 2:14

Păng bơ̆n kư̆m athei chu yom kơ lu 'bok kuan tih mơ̆n, yua kơ 'bok pơtao wơh lu sư rôp phak lu bơngai pơm kơnê̆, na gô pôk ư-ang lu bơngai pơm 'lơ̆ng.