Rom 13:14 - Sơ̆p Hlabơar Nơ̆r 'Bok Kei-Dei

¹⁴ Bơ̆n athei pơm 'lơ̆ng thoi Kră Yang bơ̆n Yêsu Krist sơ̆, Sư pơm 'lơ̆ng ling-lang. Bơ̆n 'nĕ kơ ăn akâu bơ̆n pơlung đon bơ̆n pơm ưh kơ 'lơ̆ng.

Rom 13:14 Iomraidhean Croise

Jop 29:14

Inh hrŭk tơdrong 'lơ̆ng tơpăt thoi ao. Tơdrong tơpăt inh sư thoi kơ ao tai păng che tơ̆n.

Galati 3:27

Đĭ-đăng kơ bơ̆n lui kơ Yêsu, klaih kơ noh iŏk 'batem, wă kơ bơ̆n jing pôm đon păng Sư.

Galati 5:24

Lu bơ̆n bơngai lui kơ Kră Yang Yêsu Krist đĭ hŭt lê̆ boih dôm lu tơdrong mă đon bơ̆n juăt kơ tơchĕng pơm tơdrong kơnê̆, dang lĕ kơ bơ̆n pơ̆ng dôm tơdrong noh tơ 'long pơglang.

Êphêsô 4:24

na jing bơngai 'nao, bơngai mă 'Bok Kei-Dei pơjing hơbŏ thoi Sư, wă kơ bơ̆n pơm 'lơ̆ng tơpăt kiơ̆ thoi Sư wă.

Kôlôsê 2:23

Lu bơngai 'noh lu sư wă kơ bơ̆n lăng tơdrong lu sư pơm 'noh, khan trŏ dêh, kăl dêh, na pơm tơnen kuă kơ sa dôm tơmam 'noh pơmat akâu kơdih. Mă tơpă, dôm tơdrong lu sư giĕng 'noh ưh kơ gơh pơm kơ bơ̆n klaih kơ tơdrong pơm yoch, mă-lei lăm jơhngơ̆m bơ̆n oei 'maih pơm yoch.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.