Rom 13:10 - Sơ̆p Hlabơar Nơ̆r 'Bok Kei-Dei

¹⁰ 'Noh na tơ̆ng bơ̆n 'mêm kơ bôl buăl, bơ̆n ưh kơ pơm kơnê̆ kơ bôl buăl ôh. Tơ̆ng bơ̆n 'mêm kơ bôl buăl bơ̆n gô răk đĭ dôm tơdrong 'Bok Kei-Dei pơkă kơ bơ̆n noh.

Rom 13:10 Iomraidhean Croise

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

Rom 13:8

Tơdrong bơ̆n hre kơ đe, bơ̆n athei jah ăn na jah tôch. Mă gah tơdrong 'mêm kơ bôl buăl ưh kơ tôch ôh. Bơngai bu 'mêm kơ bôl buăl, bơngai noh ưh kơ hŭt ôh dôm tơdrong juăt 'Bok Kei-Dei pơkă.

Galati 5:14

Yua kơ 'Bok Kei-Dei pơkă boih kơ bơ̆n thoi âu: “Bơ̆n athei 'mêm kơ bôl buăl thoi bơ̆n 'mêm akâu kơdih.” Bơngai bu răk tơdrong noh sư dang kiơ̆ tôm dôm tơdrong juăt 'Bok Kei-Dei pơkă.

Ya 2:8

Dah iĕm rok kiơ̆ tơdrong juăt 'Bok Kei-Dei mă đe chih tơ lăm sơ̆p hla bơar Sư, Sư athei bơ̆n 'mêm kơ bôl buăl thoi bơ̆n 'mêm kơ akâu kơdih, tơ̆ng iĕm pơm thoi noh tơpă lei 'lơ̆ng boih.