Rom 12:8 - Sơ̆p Hlabơar Nơ̆r 'Bok Kei-Dei

⁸ Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

Rom 12:8 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Horiso 37:21

Lu bơngai kơnê̆ tŏk iŏk, na pơdrâu ưh kơ kĕ. Gah lu bơngai tơpăt hơmrah păng asong tŏk iŏk.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Bôk Bơthô 11:6

Pơgê hrôih, ih athei drôih rei adrĕch mă-lei gah kơsơ̆ 'nĕ kơ kuăr ti pơdơh; yua kơ ih ưh kơ băt ôh găr ayơ gô chăt 'lơ̆ng, găr 'nâu dah găr to dah pơđĭ 'bar tŏ găr adrĕch noh chăt 'lơ̆ng ngăl hloi.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 32:5

Lu bơngai kơhlôh kơwao đe ưh pă krao sư bơngai đe pơyom, đe kư̆m ưh kơ pơyom mơ̆n bơngai hơlĕnh pơdăr.

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 13:12

'Bok kuan tih wei dêh char ei, sư 'bôh tơdrong hlĭch thoi noh na sư lui hloi kơ Kră Yang Yêsu. Sư mơ̆ng hlĭch tơpă tơdrong lu bơngai bơtho tơdrong Kră Yang 'Bok Kei-Dei.

Jang 13:15

Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Jang 15:32

Đơ̆ng sơ̆ bre Juđa păng Silas bơngai pơtruh nơ̆r 'Bok Kei-Dei. Bre sư bơtho kư̆m đunh mơ̆n wă kơ lu sư chơt hiôk lăm tơdrong 'Bok Kei-Dei, wă kơ lu sư lui mă kơjăp.

Jang 20:2

Sư năm jơ̆p tơ dêh char Masêđôn ei bơtho tơgŭm tơpă kơ lu bơngai lui wă kơ lu sư lui mă kơjăp. Klaih kơ noh sư năm tơ dêh char Grĕk dơ̆ng.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Jang 4:36

Đei minh 'nu bơngai anăn sư Yôsep mă-lei lu bơngai jơ̆ng 'bang Yêsu anăn sư 'Barna'ba wă khan bơngai pơlung đe, pơhiôk jơhngơ̆m đe. Sư adrĕch adrung Lêwi sơ̆ mă-lei mĕ sư tơpŭ tơ dêh Chiprơ.

Rom 12:13

Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

Rom 13:6

Thoi noh na mă sư iŏk thuê̆ đơ̆ng bơ̆n trŏ tơpă, yua kơ lu sư dang jang tơdrong 'Bok Kei-Dei.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 14:3

Mă-lei gah lu bơngai mă pơtruh nơ̆r 'Bok Kei-Dei, sư bơtho tơblơ̆ tơblang kơ kon bơngai bơ̆n wă kơ hlôh na jing lui kơjăp hiôk huay pă ơh sơ'ngon.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

II Kor 9:11

Sư ăn kơ iĕm gô jing mơdrŏng đei tôm tơdrong tơmam, wă kơ iĕm gơh tơgŭm đe ling-lang, thoi noh na nhôn gô roi kơ đe tơdrong iĕm hơlăng, na đe gô bơnê kơ 'Bok Kei-Dei.

II Kor 9:13

Lu sư gô 'bôh tơdrong iĕm tơgŭm lu sư, na lu sư gô bơnê kơ 'Bok Kei-Dei ăn kơ iĕm lui kơ Yêsu Krist kơjăp băt chu kơ Sư. Lu sư gô ư-ang 'Bok Kei-Dei tơdrong iĕm hơlăng kơ lu sư hăm đe nai tơmam.

II Kor 9:7

Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.

Êphêsô 6:5

Ơ lu bơngai đĭch đe, iĕm athei chu yom kơ yŏng tơ'ngla iĕm, iĕm athei jang kiơ̆ kơ nơ̆r sư pơkă 'nĕ kơ pơjah dôm nơ̆r sư khan. Iĕm athei jang kơ sư mă tơpăt dang iĕm jang kơ Yŏng bơ̆n Yêsu Krist mơ̆n.

Both 15:14

Iĕm athei asong ăn kơ sư sem dơrong, 'ba đơ̆ng anih juă 'ba, sik hơmu đơ̆ng anih rŏl chơpĕt, kiơ̆ kơ đơ̆ng Kră Yang 'Bok Kei-Dei iĕm ăn pŭn.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Kôlôsê 3:22

Ơ lu bơngai đĭch đe, iĕm athei chu yom kơ lu yŏng tơ'ngla iĕm lăm tôm tơdrong. Iĕm athei jang mă tơpă, ngê̆ kiơ kơ yŏng iĕm gŏk gô na jang, iĕm kư̆ kơ jang đĕch, yua kơ iĕm lui boih kơ Yŏng bơ̆n Yêsu Krist.

I Tes 2:3

Nhôn bơtho iĕm ưh kơ sĭ bơtho tơdrong mă ưh kơ sĭt ôh. Nhôn bơtho tơdrong sĭt tơpă. Nhôn năm tơ iĕm nhôn ưh kơ pơm kư̆ kă ôh. Nhôn ưh kơ wă chă tơdrong hơlĕnh kơ iĕm ôh.

I Tes 2:8

Nhôn mơnat kơ iĕm na nhôn bơtho ăn kơ iĕm tơdrong 'nao 'lơ̆ng đơ̆ng 'Bok Kei-Dei. Ưh kơ sĭ nhôn wă bơtho đĕch ôh, nhôn mơnat kơ iĕm hăm đĭ jơhngơ̆m nhôn wă lôch tơpă.

I Tim 4:13

Inh wă kơ ih pơm thoi âu khŏm khŏm tơ̆p mă inh truh tơ ih tơ âu: Lăm iĕm akŭm dih băl ih kư̆ kơ đŏk sơ̆p hla bơar 'Bok Kei-Dei, ih kư̆ kơ bơtho tơdrong 'Bok Kei-Dei đĕch.

I Tim 5:17

Lu kră wei-lăng bơngai lui bơngai bu jang 'lơ̆ng iĕm thim 'biơ̆ jên khei sư, mă loi lu bơngai bơtho tơdrong 'Bok Kei-Dei.

I Tim 6:18

Ih khan kơ lu bơngai mơdrŏng athei pơm jơhngơ̆m 'lơ̆ng păng đe păng athei gơh tơgŭm mơnat kơ lu bơngai dơnuh hin tơmam.

Hêbrơ 10:25

Bơ̆n 'nĕ kơ lê̆ tơdrong akŭm, thoi lu đe mơ'nah mă lê̆ dang ei. Yua kơ dang ei wă jê̆ truh khei năr Yêsu Krist wă jur boih, na bơ̆n athei adrin pơlung băl gah tơdrong 'noh rai dêh.

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Hêbrơ 13:22

Ơ 'nhŏng oh, apinh iĕm mơ̆ng 'biơ̆ dôm tơdrong inh chih bơtho iĕm lăm kơthơ âu hŏ, inh chih kư̆m ưh kơ lơ ôh tŏ sĕt đĕch.

Hêbrơ 13:24

Iĕm roi kơ lu kră wei-lăng iĕm păng đĭ kơ lu 'nhŏng oh kon 'Bok Kei-Dei hŏ, inh đei nơ̆r jet gia pơma dơnuh rơnguơ̆ ră kơ iĕm. Lu 'nhŏng oh bơ̆n bơngai Itali kư̆m hơdai pơtruh nơ̆r jet gia pơma dơnuh păng iĕm mơ̆n.

Hêbrơ 13:7

Iĕm athei lăng tơdrong arih bơngai mă bơtho iĕm tơdrong 'Bok Kei-Dei sơ̆, tơdrong arih sư thoi yơ, sư lôch thoi yơ, iĕm athei rok kiơ̆ tơdrong lui sư noh.