Rom 12:7 - Sơ̆p Hlabơar Nơ̆r 'Bok Kei-Dei

⁷ Dah Sư ăn kơ bơ̆n hơgei gah tơdrong tơgŭm đe, bơ̆n kư̆ kơ jang tơdrong noh. Dah Sư ăn kơ bơ̆n hơgei gah tơdrong bơtho, bơ̆n kư̆ adrin bơtho đe.

Rom 12:7 Iomraidhean Croise

Horiso 34:11

Ơ lu kon năm mơ̆ng Inh bĕ, Inh gô bơtho kơ lu iĕm băt hli yom kơ Kră Yang.

Horiso 51:13

Na inh gô bơtho trong Ih kơ lu pơm glăi, Păng lu bơngai đei yoch gô wih tơ Ih.

Bôk Bơthô 12:9

Minh 'nu bơngai hơgei, 'bok bơtho sư oei bơtho tơ'bôh tơdrong hơgei ăn kơ kon pơlei. Sư kăl kơ tơ'blŏk hơlen păng pơkeh dôm tơdrong pơđơ̆k.

Êsai 21:8

Bơngai gak ôr re na khan: “Ơ yŏng, inh dơ̆ng lăm hnam gak prăt năr păng dơ̆ng gak tơ anih gak prăt măng.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

Jang 20:20

Iĕm kư̆m băt mơ̆n inh bơtho ăn kơ iĕm tôm tơdrong wă tơgŭm iĕm. Inh ưh kơ hli bơtho dôm tơdrong 'Bok Kei-Dei 'bơ̆t anăp đe akŭm lơ, dah inh bơtho tơ rim hnam dơnŏ lu iĕm.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Jang 6:1

Hơtai ei đe lui kiơ̆ Yêsu rai lơ. Lu bơngai lui ei khŭl bơngai Juđê pơma nơ̆r Grĕk păng khŭl Juđê mơ̆n sư pơma nơ̆r Juđê, lu sư pơjah pơjăng dih băl. Na khŭl mă pơma nơ̆r Grĕk, lu sư khan kơ đe mă asong tơmam sa, khan rim năr lu bơngai yă adro gah khŭl sư, đe ăn tơmam sa ưh kơ mah.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 12:5

Rim 'nu kơ bơ̆n đei phara tơdrong jang, mă rim tơdrong jang bơ̆n tă jang tơdrong Kră Yang Yêsu Krist ngăl.

I Kor 14:26

Ơ 'nhŏng oh, iĕm băt tơdrong inh pơma hei thoi noh boih, na iĕm wă pơđâu băl thoi yơ dơ̆ng gah tơdrong iĕm wă akŭm? Kơplah iĕm akŭm, bơngai âu sư wă hơri bơnê kơ 'Bok Kei-Dei, bơngai noh sư wă bơtho, bơngai to sư wă pơtruh nơ̆r đơ̆ng 'Bok Kei-Dei, bơngai nai wă pơma nơ̆r hlĭch ư-ang kơ 'Bok Kei-Dei, bơngai nai dơ̆ng wă tơblơ̆ tơdrong pơma nơ̆r hlĭch. Mă-lei dôm tơdrong iĕm pơm noh inh athei iĕm pơm mă trŏ wă atŏk jơhngơ̆m bôl buăl bơngai lui.

Galati 6:6

Gah lu 'bok thây mă bơtho tơdrong 'Bok Kei-Dei kơ lu bơ̆n, bơ̆n athei tơgŭm asong sư tơmam bơ̆n.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

Both 33:10

Sư bơtho nơ̆r tơtă Kră Yang ăn kơ adrĕch Jakôp. Păng khôi juăt Kră Yang ăn kơ bơngai Isơrael Sư soh pơyơ̆r 'long 'bâu phu 'bơ̆t anăp Kră Yang. Pơyơ̆r tơmam soi 'buh tơ kơpal chơnang soi.

Kôlôsê 4:17

Păng iĕm khan kơ Achĭp athei sư jang mă keh tôm tơdrong jang sư, yua kơ Kră Yang Yêsu Krist pơjao kơ sư jang tơdrong 'noh boih.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

I Tim 5:17

Lu kră wei-lăng bơngai lui bơngai bu jang 'lơ̆ng iĕm thim 'biơ̆ jên khei sư, mă loi lu bơngai bơtho tơdrong 'Bok Kei-Dei.

II Tim 2:2

Ih athei iŏk dôm nơ̆r ih mơ̆ng inh bơtho ih 'bơ̆t anăp đe tơpôl sơ̆, na ih bơtho dơ̆ng kơ lu bơngai mă lui kơjăp, na lu sư gô bơtho dơ̆ng kơ lu đe nai.

II Tim 2:24

Lu đĭch đam Kră Yang 'Bok Kei-Dei ưh kơ gơh hil hơwĕng kơ đe ôh. Sư athei pơm 'lơ̆ng kơ đe. Sư bơtho nơ̆r Kră Yang hơgei, đe hil kơ sư, sư athei krŏt đĕch.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.