Rom 12:6 - Sơ̆p Hlabơar Nơ̆r 'Bok Kei-Dei

⁶ Na 'Bok Kei-Dei ăn kơ bơ̆n phara tơdrong hơgei, mơ'nah sư hơgei pơm kiơ, gơh jang tơdrong kiơ, na bơ̆n athei jang kiơ̆ kơ Sư ăn noh. Dah Sư ăn kơ bơ̆n hơgei gơh tơbăt kơ đe tơdrong Sư, bơ̆n kư̆ kơ jang tơdrong noh. Bơ̆n gơh dang yơ bơ̆n jang dang noh.

Rom 12:6 Iomraidhean Croise

Mathiơ 23:34

Inh gô wơh lu bơngai pơtruh nơ̆r 'Bok Kei-Dei, lu bơngai hơgei, lu bơngai pơm 'bok bơtho năm bơtho iĕm, na 'blep kơ lu iĕm rôp pơlôch, mơ'nah iĕm pơ̆ng tơ 'long pơglang, mơ'nah iĕm teh tach lu sư păng sơnguĕt lăm hnam akŭm iĕm. Păng iĕm kư̆m pơpuh lu sư jăk đơ̆ng pơlei âu pơlei to.

Mathiơ 25:22

Bơngai mă iŏk 'bar hlak jên yŏng sư noh kư̆m pơma lei-lăi khan: ‘Ơ 'bok, sơ̆ inh iŏk 'bar hlak jên ih, inh năm mơdro sa đei lơi 'bar hlak dơ̆ng, inh ăn pơđĭ hloi kơ ih.’

Luka 11:49

Thoi noh na 'Bok Kei-Dei mă hơgei tôm tơdrong khan thoi âu: ‘Inh gô wơh lu bơngai pơtruh nơ̆r Inh păng lu bơngai jơ̆ng 'bang Inh năm bơtho lu sư, na 'blep kơ lu sư areh pơm kơnê̆ kơ lu sư phŏ kư̆m pơlôch.’

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

Jang 15:32

Đơ̆ng sơ̆ bre Juđa păng Silas bơngai pơtruh nơ̆r 'Bok Kei-Dei. Bre sư bơtho kư̆m đunh mơ̆n wă kơ lu sư chơt hiôk lăm tơdrong 'Bok Kei-Dei, wă kơ lu sư lui mă kơjăp.

Jang 2:17

‘'Bok Kei-Dei khan: Lăm năr hơtuch kơnh, Inh wă ăn Yang Bơhngol Inh kơ jơ̆p-jang bơngai. Lu kon drŏ-nglo drŏ-kăn sư wă pơma nơ̆r khan lê̆ hơdrol, lu tơdăm gô apo 'bôh lu tơdrong mă ưh tam mă truh, lu 'bok kră gô apo mơ̆n.

Jang 21:9

Philip đei puăn 'nu kon drŏ-kăn oei adruh. Lu adruh ei bơtho nơ̆r 'Bok Kei-Dei.

Rom 1:11

Inh 'maih năm tơ iĕm dêh, wă kơ inh gơh tơgŭm iĕm lui kơ 'Bok Kei-Dei rai kơjăp hloh.

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

I Kor 12:18

Kơlih kơ thoi noh na 'Bok Kei-Dei pơjing akâu bơ̆n đei lơ chăl phara kơdih kơdih kiơ̆ thoi Sư wă.

I Kor 13:2

Dah 'Bok Kei-Dei ăn kơ inh gơh pơtruh nơ̆r Sư păng hlôh tôm tơdrong Sư tam lah tơ'bôh kơ đe đơ̆ng sơ̆ păng dah Sư ăn kơ inh lui kơjăp sơkat kĕ hiŏng tơlơ̆ kông, mă khan Sư ăn kơ inh gơh hơgei dang 'noh ră, mă-lei dah inh ưh kơ băt 'mêm kơ Sư hăm bôl buăl inh, thoi noh akâu inh âu ưh kơ yua kiơ ôh.

I Kor 14:1

Na bơ̆n ling-lang athei băt 'mêm kơ 'Bok Kei-Dei hăm bôl buăl bơ̆n păng bơ̆n athei apinh Yang Bơhngol 'Lơ̆ng asong kơ bơ̆n tơdrong hơgei Sư, mă loi gơh pơtruh nơ̆r 'Bok Kei-Dei.

I Kor 14:24

Mă-lei dah lu sư mơ̆ng đĭ kơ iĕm pơtruh nơ̆r 'Bok Kei-Dei, lei lu sư kư̆m băt kơdih bơngai yoch, yua kơ đĭ-đăng kơ iĕm tơbăt kơ lu sư mă nhên.

I Kor 14:29

Gah lu bơngai pơtruh kơ iĕm nơ̆r 'Bok Kei-Dei, iĕm athei lu sư bơtho lăp 'bar 'nu dah pêng 'nu păng ăn kơ tơduă lu sư bơngai pơtruh nơ̆r 'Bok Kei-Dei tơchĕng tơdrong bơngai mă dơ̆ng bơtho noh hăm 'blep trŏ kơ tơdrong 'Bok Kei-Dei tơpă dah ưh.

I Kor 3:5

Thoi noh iĕm tơchĕng Apôlê 'noh bu, sư bơngai thoi yơ? Păng bĭ Pôl, iĕm ngêh kơ bu, sư bơngai thoi yơ? Nhi bơngai đĭch đam 'Bok Kei-Dei đĕch. Nhi jang tơgŭm iĕm, wă kơ iĕm lui kơ Sư. Sư ăn kơ nhi jang thoi yơ, nhi jang thoi ei.

I Kor 7:7

Kiơ̆ thoi inh wă kơ đĭ-đăng bơngai pơm kiơ̆ thoi inh ưh kơ iŏk klo kăn. Mă-lei 'Bok Kei-Dei ăn kơ rim 'nu kon bơngai phara, mơ'nah Sư ăn ngôi hơdrô̆, mơ'nah Sư ăn iŏk klo kăn.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

Êphêsô 3:5

Adrol sơ̆ 'Bok Kei-Dei ưh tam mă tơbăt ăn kơ đe ôh tơdrong noh. Mă-lei dang ei Yang Bơhngol 'Lơ̆ng tơbăt ăn kơ lu jơ̆ng 'bang Yêsu hăm lu bơngai pơtruh nơ̆r Sư boih.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

Philip 3:15

Thoi noh na dôm lu bơ̆n mă lui kơjăp boih bơ̆n athei tơchĕng kơ tơdrong 'noh ling-lang. Tơ̆ng iĕm tơchĕng phara kơ tơdrong 'noh, 'Bok Kei-Dei Sư tơ'bôh hloi kơ iĕm tơdrong 'noh, wă kơ iĕm kiơ̆ 'blep thoi tơdrong Sư.

I Tes 5:20

'Nĕ che bơle lu bơngai pơtruh nơ̆r 'Bok Kei-Dei, lu bơngai mă khan lê̆ hơdrol.

II Pet 1:20

Tơdrong âu kăl tơpă: Dôm tơdrong lu 'bok noh khan lê̆ hơdrol lăm sơ̆p hla bơar 'Bok Kei-Dei, lu sư ưh kơ đei pơma kiơ̆ kơ akâu sư kơdih ôh.