Rom 12:20 - Sơ̆p Hlabơar Nơ̆r 'Bok Kei-Dei

²⁰ Yua kơ thoi noh na bơ̆n huay kơ kăl pơm kơnê̆ kơ đe. Lăm hla bơar 'Bok Kei-Dei kư̆m đei khan dơ̆ng thoi âu: “Bu pơm kơnê̆ kơ bơ̆n, kơnh pơgê bơ̆n 'bôh sư pơngot dah kơ'bah tơmam kiơ, bơ̆n rai tơgŭm bơngai noh; dah sư ol kơ đak bơ̆n ăn nhă. Dah bơ̆n pơm kơ sư thoi noh, noh sư huay pơm kơnê̆ kơ bơ̆n, sư wih mơlâu kơ bơ̆n dơ̆ng.”

Rom 12:20 Iomraidhean Croise

Bl 42:25

Jôsep athei lu đe jang kơ sư tŏng ăn 'ba 'bĕnh kơ 'bi păng tah pơdrâu jên tơ rim 'bi lu 'nhŏng sư, kư̆m đei ăn thim tơmam sa rok trong. Đam sư pơm thoi nơ̆r sư đei pơkă.

II Pot 6:22

Êlisê khan: “'Nĕ kơ pơlôch! Bĭ lu bơngai ih blah hăm đao păng hră jŭk, ih rôp pơm bơnă bơih, ih pơlôch lu sư dơ̆ng hă? Hơmet ăn kơ lu sư tơmam sa, đak hơmu lê̆ lu sư sa nhă bĕ, đơ̆ng noh tơbrŏk lu sư tơ yŏng lu sư.”

Horiso 120:4

Noh 'brơ̆m suĕng đơ̆ng lu linh; păng ngar 'long ŭnh ngŭr.

Horiso 140:10

Ăn ngar ŭnh ngŭr tuh kơpal lu sư! Ăn đe klơ̆m tơhuŏng lu sư lăm ŭnh, lăm sơlŭng jrŭ, ưh pă gơh tŏk dơ̆ng!

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Luka 6:27

Yêsu oei bơtho lu sư thoi âu: “Na Inh pơma kơ iĕm mă mơ̆ng Inh: Iĕm athei 'mêm mơnat kơ lu bơngai mă pơm kơnê̆ kơ iĕm, pơm 'lơ̆ng kơ lu bơngai mă areh kơ iĕm.

Rom 12:21

Thoi noh na bơ̆n 'nĕ pơm tơwih kơ sư tơdrong kơnê̆; bơ̆n pơm 'lơ̆ng kơ sư đĕch wih jei bơ̆n.

I Sam 26:21

Sôl tơl: Inh đei tơdrong yoch tơpă Ơ Đawit, kon inh, wih brŏk bĕ! Inh ưh pă wă pơrăm kon dơ̆ng, yua kơ năr 'nâu, kon lăng gĭt kơ tơdrong arih inh. Tơpă, inh hlôi pơm boih thoi bơngai wơnh, pơm glăi tih dêh.