Rom 12:15 - Sơ̆p Hlabơar Nơ̆r 'Bok Kei-Dei

¹⁵ Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

Rom 12:15 Iomraidhean Croise

Ne 1:4

Kơplah inh kơtơ̆ng dôm nơ̆r noh, inh hơ-oei na nhơ̆m grong lăm hơdôm năr; inh ơ̆t kơ sŏng sa păng krao khan kơ Kră Yang 'Bok Kei-Dei hơtăl plĕnh thoi âu:

Jop 2:11

Pêng 'nu buăl Jop kơtơ̆ng sư đei dôm tơdrong pơmat-tat noh lu sư pơđâu băl rim 'nu đơ̆ng tơring sư kơdih wă năm ngôi wang sơ'ngon păng wă pơlung Jop. Pêng 'nu noh anăn sư Êliphas đơ̆ng pơlei Têman, Bildat đơ̆ng char Sua păng Sôphar đơ̆ng tơring pơlei Naama.

Jop 30:25

Inh ưh kơ đei nhơ̆m kơ bơngai tơ'bơ̆p tơdrong pơmat-tat hă? Jơhngơ̆m inh ưh kơ đei sơ'ngon kơ bơngai răm-'băm hă?

Bôk Bơthô 3:4

Đei năr nhơ̆m hmoi, đei năr hiôk chơt; Đei năr ơh sơ'ngon, đei năr hơri suang;

Je 38:12

Êbet Mêlek bơngai Êthiôpi, khan kơ Jêrêmi: “Iŏk che hiah hăm ao so noh pôn tơlei giĕn na dan ala pŏk-ak ih.” Jêrêmi pơm thoi noh.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Luka 1:58

Lu bôl buăl hăm kon pơlei pơla kơtum kơtŏng 'nhŏng oh sư kơtơ̆ng ang tơdrong 'Bok Kei-Dei mơnat kơ sư tơpă ăn kơ sư kon, na lu sư kư̆m wang hiôk chơt mơ̆n.

Yo 11:19

Na đei lơ bơngai Juđê đơ̆ng Pơlei Jêrusalem năm ngôi hơpong tơ bre Mathê păng Mari wă kơ bre sư huay sơ'ngon kơ 'nhŏng bre sư lôch.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.

II Kor 11:29

Hăm 'bôh bu lui rơdu mă inh ưh kơ mơnat? Hăm 'bôh bu huŏng lăm tơdrong yoch đe pơhlŭ mă inh ưh kơ sơ'ngon?

II Kor 2:3

Kơthơ mă inh chih kơ iĕm ki, inh kư̆m chih khan thoi noh. Inh ling-lang wă sơđơ̆ng ngêh kơ iĕm, hiôk hăm iĕm na inh kuă kơ năm ki, hli kơ inh sơ'ngon yua kơ iĕm ưh kơ hiôk kơ đơ̆ng inh pơma pơjĭ đon iĕm. Yua kơ inh bơngai hiơ̆ hăm iĕm, iĕm băt boih.

Philip 2:26

Na dang ei inh tơchĕng trŏ kơ ăn kơ sư brŏk, yua kơ sư kư̆m rơnguơ̆ kơ iĕm boih. Păng sư nŏng kơ tơchĕng kơ iĕm, hli kơ iĕm ngêh kơ sư oei jĭ thoi ki.

Philip 2:28

Thoi noh na inh wă kơ sư jah brŏk tơ iĕm, wă kơ iĕm hiôk 'bôh sư, mă inh kư̆m hiôk mơ̆n.

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.