Rom 12:13 - Sơ̆p Hlabơar Nơ̆r 'Bok Kei-Dei

¹³ Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

Rom 12:13 Iomraidhean Croise

II Sam 17:29

đak sut, đak toh iŭ, triu păng 'bĕng đak toh rơmo, wă ăn kơ Đawit păng lu linh sư sa, yua kơ lu sư băt kon pơlei ơ̆t ưh kơ đei por ol kơ đak păng gleh glăn pơmat-tat dêh lăm char glă.

II Pot 4:10

Bĕ ba pơm ăn kơ sư minh anih tơ kơpal pĕng đei tơnăr, tah lăm noh minh pôm giơng tep, minh pôm gơ'bang; minh pôm tang-dŏ hơ-oei, păng minh pôm ŭnh kơđeng. Thoi noh, mưh sư truh tơ hnam bơ̆n ăn sư 'bĭch lăm noh.”

Horiso 41:1

Pŭn dêh bơngai bu mă 'blŏk tơtăm bơngai rơdu tơrăn! Lăm năr anat anot Kră Yang gô tơgŭm dŏng sư.

Tơdrông Pơđơk 31:20

Sư hơmrah tơgŭm lu bơngai dơnuh hoh. Ti sư tơpơng drơng dŏng tơgŭm lu bơngai pơmat-tat.

Mathiơ 25:35

Sơ̆ Inh pơngot, iĕm 'me Inh; sơ̆ Inh ol kơ đak, iĕm asong nhă; Inh bơngai tơmoi, iĕm sơng iŏk oei tơ hnam iĕm.

Jang 10:4

Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

Jang 4:35

Lu sư pơyơ̆r kơ 'Bok Kei-Dei ăn kơ lu bơngai jơ̆ng 'bang Yêsu chă asong lu bơngai mă hoh kơ đei.

Rom 12:8

Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

I Kor 16:15

Iĕm kư̆m băt mơ̆n Sêphanna păng hnam dơnŏ sư, lu sư lui kơ Kră Yang hơdrol kơ đe lăm dêh Grĕk, lu sư adrin tơgŭm lu bơngai lui ling-lang.

II Kor 9:1

Gah tơdrong ra jên wă tơgŭm lu bơngai lui dơnuh, inh ưh kơ kăl kơ chih roi dơ̆ng boih,

II Kor 9:12

Iĕm hơlăng kơ đe jên tơmam, ưh kơ sĭ yua kơ sư jơ̆l đĕch ôh, iĕm kư̆m dang tơgŭm sư bơnê kơ 'Bok Kei-Dei.

Galati 6:10

Na dang ei bơ̆n oei arih tơ ala teh, bơ̆n athei pơm 'lơ̆ng kơ đe ling-lang. Mă loi athei pơm 'lơ̆ng kơ lu bơngai lui bơ̆n.

Tit 1:8

Bơngai bu pơm kră bơngai lui, năr tơmoi truh tơ sư, sư tơkan sơng iŏk atŏk tơ hnam sư. Păng sư lăp đon kơ tơdrong 'lơ̆ng tơdrong kiơ̆ trŏ. Sư pơm đon chơ̆n. Sư đei đon 'lơ̆ng tơpăt păng 'Bok Kei-Dei hăm bôl buăl mơ̆n,

Tit 3:14

Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

Phil 1:7

Inh chơt hiôk tơpă kơlih kơ ih gơh 'mêm mơnat kơ 'nhŏng oh bơngai lui pơm kơ jơhngơ̆m lu sư hiôk hơiă hăm ih.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

I Pet 4:9

Bơngai lui đơ̆ng tơmoi truh, bơ̆n athei sơng iŏk sư tơ hnam bơ̆n mă 'lơ̆ng.

I Yo 3:17

Bơngai bu mơdrŏng 'bôh 'nhŏng oh sư dơnuh hin sơmă ưh kơ mơnat ăn tơmam kiơ kơ 'nhŏng oh sư, dah ưh kơ tơdŏng dih băl tơdrong jang, noh thoi yơ khan sư 'mêm kơ 'Bok Kei-Dei lĕ?

III Yo 1:5

Ơ oh, lu 'nhŏng oh bơngai lui năm tơ ih, lu sư bơngai tơmoi mă-lei ih tơgŭm mơnat kơ lu sư.