Rom 12:12 - Sơ̆p Hlabơar Nơ̆r 'Bok Kei-Dei

¹² Bơ̆n băt kơ ning-mônh 'Bok Kei-Dei wă ăn kơ bơ̆n oei hiôk jơnap tơpă, na dang ei bơ̆n kư̆m pơm hiôk thoi ning-mônh. Mă bơ̆n đei tơdrong gleh pơmat, mă đe hil areh kơ bơ̆n, bơ̆n kư̆ adrin jang khŏm khŏm đĕch, mă-lei 'nĕ hiơt tơdrong krao khan kơ 'Bok Kei-Dei.

Rom 12:12 Iomraidhean Croise

Horiso 109:4

Mă inh 'mêm kơ lu sư, lu sư oei ayăt kơ inh. Mă inh oei krao khan kơ lu sư.

Horiso 37:7

Oei hreh bĕ 'bơ̆t anăp Kră Yang păng chang gô Sư. 'Nĕ kơ ơh klai yua kơ lu đe đei pŭn hiôk lăm trong lu sư. Dah yua kơ bơngai noh pơm keh lu tơdrong kơnê̆.

Horiso 40:1

Inh adrin chang gô Kră Yang. Sư pơgling đon mơ̆ng nơ̆r inh krao ôr.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Tơdrông Pơđơk 10:28

Tơdrong chang hơmĕng lu bơngai tơpăt băt đei chơt hiôk. Mă-lei tơdrong lu bơngai pơm kơnê̆ hơpơi ưh kơ đei.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Luka 10:20

Iĕm 'nĕ chhôk kơ yang kơnê̆ chu iĕm, mă-lei iĕm athei chhôk kơ 'Bok Kei-Dei chih anăn iĕm tơ Pơlei 'lơ̆ng.”

Luka 21:19

Dah iĕm adrin tơpă lei iĕm huay kơ hiong tơdrong arih ling-lang ôh.”

Luka 8:15

Lu găr mă huŏng tơ teh 'lơ̆ng wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei na kiơ̆ hloi kơjăp hăm pơm 'lơ̆ng tơpăt. Sư kư̆m adrin lui khŏm khŏm pơyua tơdrong jang 'Bok Kei-Dei tơpă.”

Jang 1:14

Lu đe âu krao khan ling-lang kơ Kră Yang 'Bok Kei-Dei. Kư̆m đei Mari mĕ Yêsu păng lu oh Yêsu drŏ-nglo păng lu drŏ-kăn nai dơ̆ng akŭm pôm đon krao khan păng lu sư mơ̆n.

Jang 12:5

Hơtai Pêtrôs oei lăm hnam phak, na lu bơngai lui kơ Yêsu krao khan ling-lang kơ 'Bok Kei-Dei hăm đĭ jơhngơ̆m apinh Sư tơgŭm Pêtrôs wă kơ gơh lĕch.

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Jang 6:4

Na nhôn krao khan păng bơtho tơdrong 'Bok Kei-Dei đĕch.”

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Rom 8:25

Yua kơ tơdrong tam mă 'bôh na bơ̆n chang gô khŏm khŏm dĭng 'bôh.

I Kor 13:13

Đei pêng tơdrong bơ̆n athei wei ling-lang, ưh kơ đei layơ tôch: Bơ̆n athei lui kơjăp, chang hơmĕng dôm tơdrong 'Bok Kei-Dei wă ăn kơ bơ̆n, athei băt 'mêm kơ 'Bok Kei-Dei hăm bôl buăl bơ̆n; mă-lei athei băt 'mêm kơ 'Bok Kei-Dei hăm bôl buăl bơ̆n kăl hloh.

II Kor 12:8

Pêng 'măng boih inh apinh Kră Yang pơklaih inh đơ̆ng tơdrong âu.

Philip 3:1

Ơ lu 'nhŏng oh, hiôk bĕ iĕm yua kơ iĕm lui boih kơ Yêsu. 'Nâu inh chih kơ iĕm dơ̆ng, kư̆m thoi tơdrong inh chih kơ iĕm hơdrol mơ̆n. Mă inh chih kơ iĕm lei-lăi thoi tơdrong hơdrol, iĕm 'nĕ kơ tơchĕng khan inh gleh; ưh ôh, yua kơ inh 'mêm kơ iĕm wă kơ iĕm lui mă kơjăp.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

Kôlôsê 4:2

Iĕm athei adrin gah tơdrong krao khan. Kơplah iĕm oei krao khan, iĕm athei tơchĕng kơ tơdrong krao khan đĕch, 'nĕ kơ tơchĕng tơdrong nai. Păng ling-lang athei bơnê kơ 'Bok Kei-Dei.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tes 5:8

Na dang ei bơ̆n oei lăm hơdah măt 'năr boih bơ̆n athei kơchăng thoi bơngai hơdrăl. Lu linh tơblah sư hrŭk ao mam wă kơ hơđơ̆ng kơ akâu sư kơdih. Bơ̆n kư̆m thoi lu đe noh mơ̆n athei lui mă kơjăp, băt 'mêm kơ 'Bok Kei-Dei păng bôl buăl bơ̆n, thoi noh na bơ̆n hơđơ̆ng akâu bơ̆n kơdih. Kư̆m thoi lu linh yơ̆l môk kơlăm wă kơ pĕng lăm kơ̆l sư na sư huay kơ hli, âu wă khan 'Bok Kei-Dei pơklaih bơ̆n đơ̆ng tơdrong yoch na wă atŏk bơ̆n oei păng Sư, thoi âu boih bơ̆n huay kơ hli dang ei, thoi âu boih tơdrong hơđơ̆ng bơ̆n.

II Tes 1:4

Kơlih kơ iĕm lui kơjăp thoi noh na nhôn roi kơ lu bơngai lui kơ 'Bok Kei-Dei tơ pơlei nai tơdrong iĕm đei tơdrong gleh, hăm đe areh kơ iĕm, mă-lei iĕm oei adrin tơpă hăm lui kơ Sư kơjăp.

II Tes 3:5

Nhôn krao khan kơ Sư apinh Sư ăn kơ iĕm đei đon 'mêm kơ 'Bok Kei-Dei păng apinh Sư ăn kơ iĕm adrin lui kơjăp lăm dôm tơdrong pơmat-tat kư̆m thoi Kră Yang Yêsu Krist adrin hơtai Sư oei tơ ala teh âu sơ̆ mơ̆n.

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

II Tim 3:10

Inh tơchĕng ih kư̆m băt mơ̆n dôm tơdrong inh bơtho ih đơ̆ng sơ̆ khơ̆ dang ei. Păng ih băt boih inh bơngai thoi yơ. Ih băt kơ inh năm jơ̆p-jang kơ teh đak wă bơtho tơdrong 'nao 'lơ̆ng kơ đĭ-đăng bơngai păng ih kư̆m băt inh lui kơ Kră Yang lơliơ. Ih kư̆m băt tơdrong inh pơmat-tat mă-lei inh oei adrin ưh kơ tŭk ôh tơdrong jang inh. Ih kư̆m băt inh 'mêm kơ 'Bok Kei-Dei hăm bôl buăl.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Tit 3:7

'Bok Kei-Dei 'mêm mơnat kơ bơ̆n tơpă na Sư pơklaih bơ̆n đơ̆ng tơdrong yoch păng Sư jô̆ bơ̆n bơngai 'lơ̆ng păng Sư boih. Sư ăn kơ bơ̆n jing kon Sư, na bơ̆n arih ling-lang păng Sư ning-mônh.

Hêbrơ 10:32

Iĕm athei 'blŏk kơ năr hơdrol, năr mă iĕm pơtơm lui sơ̆. Hlôi iĕm kơtơ̆ng tơdrong Yêsu Krist boih, na iĕm lui kiơ̆ hloi, iĕm đei iŏk tơdrong gleh đe pơm pơmat iĕm, mă-lei iĕm oei adrin lui khŏm khŏm 'mơ̆i.

Hêbrơ 10:36

Iĕm athei adrin ling-lang mă tơpă, na iĕm pơm trŏ thoi 'Bok Kei-Dei lăp đon, gơh iŏk dôm tơdrong Sư pơkă khan wă asong kơ bơ̆n noh.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Hêbrơ 6:12

Nhôn ưh kơ wă kơ iĕm alah ôh; nhôn wă kơ iĕm adrin lui kiơ̆ mă trŏ thoi lu đe kră sơ̆, lu sư lui khŏm khŏm tơpă, na 'Bok Kei-Dei ăn tơpă tôm tơdrong mă Sư đêl pơkă.

Ya 5:7

Ơ 'nhŏng oh, iĕm băt kơ thoi noh boih, na mă đe pơm kơnê̆ kơ iĕm, iĕm thĕng đĕch hŏ, truh tơ năr Kră Yang jur dơ̆ng. Pơtih gia thoi lu bơngai jang mir 'ba, lu sư băt tơpă gô đei 'ba na lu sư adrin jang truh kơ bơyan 'ba đum.

I Pet 4:13

Na iĕm athei gơ̆t lê̆ tơdrong sơ'ngon, iŏk tơdrong hiôk chơt đĕch, yua kơ Yêsu Krist sơ̆ Sư kư̆m đei tơdrong gleh truh boih. Na bơ̆n dang ei kư̆m đei tơdrong truh thoi noh mơ̆n. Thoi noh na truh năr bơ̆n tơ'bơ̆p Yêsu Krist mơsêh mơyang jur ning-mônh bơ̆n gô hiôk chơt hăm Sư.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

II Pet 1:6

Dah iĕm pơhrăm iŏk boih, iĕm gô đei tơdrong pơgơ̆t, đơ̆ng tơdrong pơgơ̆t iĕm gô đei jơhngơ̆m chơ̆n. Dah jơhngơ̆m iĕm chơ̆n tơpă, noh iĕm gơh pơm kiơ̆ dôm tơdrong 'Bok Kei-Dei boih.

Tơdrông Tơ'bôh 13:10

Bơngai bu trŏ kơ đe wă tah sư tơ lăm hnam phak sư athei chu kơ đe tah đĕch. Bơngai bu trŏ kơ đe pơlôch păng đao sư athei chu lôch kơ pla đao đĕch. Iĕm băt kơ thoi noh boih, na lu bơngai mă lui athei adrin gơnang kơ 'Bok Kei-Dei đĕch.