Rom 12:11 - Sơ̆p Hlabơar Nơ̆r 'Bok Kei-Dei

¹¹ Bơ̆n adrin jang tơdrong Kră Yang tôch bơneh kơ bơ̆n jang.

Rom 12:11 Iomraidhean Croise

Le 5:17

Mă-lei pơtao tơl: Lu iĕm bơngai răm alah, lu bơngai alah! Na hrăn apinh. Ăn kơ lu nhôn năm kơkuh kơ Kră Yang!

Tơdrông Pơđơk 10:26

Đak iŭ pơm kơ hơnĕnh hơker, thoi 'nhui pơm kơ măt hang, Lu bơngai hơlah sơngah kơ bơngai wơh sư thoi noh.

Tơdrông Pơđơk 13:4

Bơhngol bơngai alah hơpơi wă tă kơ hoh-hoy; Bơhngol bơngai pơnam tơmam mah rơkah rơkai.

Tơdrông Pơđơk 18:9

Lu bơngai hơlah noh; Thoi 'nhŏng oh lu bơngai pơrăm.

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Tơdrông Pơđơk 31:15

Sư iung đơ̆ng hrôih drôih oei măng, Kơchăng asong tơmam sŏng sa kơ lu bơngai lăm hnam dơnŏ sư. Păng asong băl jang kơ lu đam drŏ-kăn sư.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 56:10

Lu bơngai Isơrael gak tă kơ măt tol, ưh kơ băt tơdrong kiơ. Đĭ-đăng lu sư thoi kŏ kơmlo, ưh kơ băt kơ kuăl, 'maih 'bĭch ling-lang păng tep blêk apo kư̆ kă đĕch;

Mathiơ 24:12

Kơplah noh kon bơngai rai đunh rai kơnê̆ dêh. Lu sư chă pơtuah lu bơngai lui, na lu bơngai lui rai pă gan 'mêm kơ 'Bok Kei-Dei hăm bôl buăl boih.

Mathiơ 25:26

Na yŏng sư khan: ‘Ơ dăm, ih bơngai kơchu păng alah tăm, ih jô̆ kơ inh iŏk jên iĕm mơdro sa thoi bơngai kĕch iŏk 'ba đêl đe pơtăm hă?

Jang 18:25

Sư pơhrăm tơdrong Kră Yang Yêsu boih păng jơhngơ̆m sư wă tơpă gah bơtho tơdrong Yêsu. Sư bơtho tơdrong Yêsu kư̆m trŏ mơ̆n mă-lei sư băt ưh tam mă tôm ôh. Sư bơtho tơdrong 'batem, sư bơtho kiơ̆ kơ Yôhan đĕch; sư tam mă băt tơdrong 'batem hăm anăn Kră Yang Yêsu Krist.

Jang 20:19

Iĕm băt thoi yơ inh pơm đĭch đam 'Bok Kei-Dei bơ̆jang tơdrong sư. Inh ưh kơ pơ̆n pơang akâu kơdih ôh. Inh 'bôh đe ưh kơ lui kơ Kră Yang Yêsu inh kư̆m nhơ̆m hmoi ơh kơdih akâu inh mơ̆n. Na lu bơngai Juđê kư̆m wă rôp pơrăm lê̆ inh.

I Kor 7:22

Bơngai bu đĭch đe mă-lei Kră Yang krao sư lui, bơngai 'noh kư̆m dang rơngei mơ̆n, yua kơ sư lui kơ Kră Yang Yêsu Krist. Mă bơngai bu ưh kơ đĭch đe, Yêsu Krist krao sư lui, bơngai 'noh kư̆m dang đĭch Yêsu Krist mơ̆n.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

Kôlôsê 4:1

Ơ lu yŏng tơ'ngla lu bơngai đĭch, iĕm athei pơm mă 'lơ̆ng kơ lu đĭch iĕm, yua kơ iĕm kư̆m đei minh 'nu Yŏng tih hloh kơ iĕm, Sư oei tơ plĕnh ti.

I Tim 5:13

Lu sư nơ̆k nơ̆k tu, nơ̆k nơ̆k bơbah ling-lang nŏng kơ chă ngôi hnam âu hnam to ưh kơ wă jang păng chă pơma plĕch kơ đe, pơma tơdrong ưh kơ trŏ kơ nơ̆r pơma.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Pet 4:8

Mă loi bơ̆n 'nĕ hiơt kơ tơdrong 'mêm mơnat, dah bơ̆n 'mêm mơnat dih băl bơ̆n huay kơ jô̆ yo kơ tơdrong yoch bôl buăl ôh.

Tơdrông Tơ'bôh 2:4

Mă-lei inh sơ'ngon kơ iĕm minh tơdrong âu: Iĕm ưh pă 'mêm kơ Inh hăm 'mêm kơ bôl buăl dang iĕm 'mêm tơm hmơm iĕm lui sơ̆.