Rom 12:1 - Sơ̆p Hlabơar Nơ̆r 'Bok Kei-Dei

¹ Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 12:1 Iomraidhean Croise

Horiso 116:12

Inh gô iŏk kiơ wă 'mong kơ Kră Yang. Gah dôm tơdrong 'lơ̆ng mă Sư đei pơm kơ inh?

Horiso 19:14

Ăn kơ nơ̆r pơma đơ̆ng 'bơ̆r inh, Ơ Kră Yang Ih jơ̆ thoi tơmo pĕng inh, Păng jơ̆ Kră Yang dŏng pơklaih inh, Hăm tơdrong tơchĕng đơ̆ng lăm jơhngơ̆m inh jing 'lơ̆ng pơm kơ Ih lăp đon!

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Jo 7:21

minh pôm kon rơmo dăm, minh pôm triu kon tơno, minh pôm triu kon tơno minh sơnăm, yua wă pơm tơmam soi 'buh,

Luka 7:47

Thoi noh na Inh khan kơ ih tơpă, dôm tơdrong yoch sư lơ ră, mă-lei Inh mơnat ăn boih. Thoi noh na sư 'mêm kơ Inh tơpă. Mă-lei bơngai bu ưh kơ gan wă apinh Inh pơklaih tơdrong yoch sư, bơngai noh ưh kơ gan 'mêm kơ Inh dêh ôh.”

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Rom 15:16

Sư wơh inh jang tơdrong Yêsu, bơtho tơdrong 'nao 'lơ̆ng 'Bok Kei-Dei kơ đĭ-đăng lu khŭl tơmoi mă ưh kơ khŭl Juđê, wă kơ lu bơngai noh jing bơngai 'nao 'lơ̆ng tơpăt hăm 'Bok Kei-Dei. 'Noh wă khan dang inh pơyơ̆r lu sư kơ 'Bok Kei-Dei, na 'Bok Kei-Dei sơng iŏk lu sư, yua kơ Yang Bơhngol 'Lơ̆ng ăn kơ lu sư jing bơngai 'nao rơgoh 'lơ̆ng boih.

Rom 15:30

Ơ lu 'nhŏng oh, yua kơ bơ̆n lui kơ Kră Yang bơ̆n Yêsu Krist păng yua kơ Yang Bơhngol 'Lơ̆ng ăn kơ bơ̆n đei đon 'mêm mơnat dih băl tơduă bơ̆n bơngai lui, na inh apinh iĕm adrin krao khan kơ 'Bok Kei-Dei tơgŭm inh hŏ,

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Rom 6:16

Iĕm băt mơ̆n, tơ̆ng bơ̆n đĭch đe, bơ̆n athei chu kơ yŏng tơ'ngla. Tơ̆ng bơ̆n đĭch gah tơdrong yoch, bơ̆n gô 'bôh tơdrong lôch. Tơ̆ng bơ̆n đĭch 'Bok Kei-Dei, bơ̆n athei chu kơ 'Bok Kei-Dei, bơ̆n gô 'bôh tơdrong bơ̆n chu jing bơngai 'lơ̆ng tơpăt.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

Rom 9:23

Yua kơ Sư oei gô lu bơngai mă Sư 'mêm. Sư wă hơmet jơhngơ̆m lu bơngai mă Sư 'mêm noh hơdrol 'mơ̆i, wă kơ lu bơngai noh gơh oei hơdai hăm Sư ning-mônh. Lu bơngai noh 'Bok Kei-Dei rơih iŏk đơ̆ng blŭng-a sơ̆ hloi boih, noh na Sư oei gô.

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

II Kor 5:20

Dang ei nhôn jang tang Yêsu Krist năm chă bơtho đe. 'Bok Kei-Dei yua nhôn wă pơlung kon bơngai wih tơ Sư. Nhôn jang tang Yêsu Krist khan kơ đe thoi âu: “Bĕ wih tơ 'Bok Kei-Dei.”

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Êphêsô 5:10

Iĕm athei chă dôm tơdrong 'Bok Kei-Dei lăp đon noh.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Tes 4:10

Mă iĕm kư̆m băt 'mêm mơnat kơ đĭ-đăng bơngai lui jơ̆p kơ dêh Masêđôn mơ̆n. Mă nhôn kư̆m wă kơ iĕm rai đunh rai gơh 'mêm mơnat dih băl tơpă.

I Tes 5:12

Ơ 'nhŏng oh, nhôn wă kơ iĕm lui yom kơ lu bơngai jang tơdrong 'Bok Kei-Dei păng lu bơngai mă Kră Yang Yêsu Krist rơih wă wei-lăng iĕm păng bơtho iĕm.

I Tim 2:3

Bơ̆n krao khan thoi noh 'lơ̆ng tơpă păng Kră Yang 'Bok Kei-Dei lăp đon tơpă. Sư pơklaih bơ̆n đơ̆ng tơdrong yoch.

I Tim 5:4

Mă-lei lu bơngai drŏ-kăn adro đei kon dah sâu sư, noh lê̆ lu kon sâu lu sư 'noh 'me sa sư. 'Bok Kei-Dei wă kơ bơ̆n wei-lăng 'me sa mĕ 'bă, yă 'bok bơ̆n kơdih. Bơ̆n athei 'me plơ̆ sư dơ̆ng.

Phil 1:10

Inh apinh ih gah Ônêsim. Sư pơm kon inh boih kơlih kơ sư lui kơ Kră Yang Yêsu Krist đơ̆ng inh bơtho oei lăm hnam phak.

Phil 1:9

Kơlih inh băt kơ ih đei đon 'mêm mơnat kơ bôl buăl boih na inh roi kơ ih thoi noh đĕch. Mă-lei ih băt kơ inh kră boih păng inh oei lăm hnam phak yua kơ inh lui kơ Kră Yang Yêsu.

Hêbrơ 13:22

Ơ 'nhŏng oh, apinh iĕm mơ̆ng 'biơ̆ dôm tơdrong inh chih bơtho iĕm lăm kơthơ âu hŏ, inh chih kư̆m ưh kơ lơ ôh tŏ sĕt đĕch.

I Pet 2:20

Pơtih gia, dah bơ̆n pơm kơnê̆ kơ sư hơdrol, na sư tôn teh bơ̆n, mă bơ̆n thĕng đĕch, noh kư̆m ưh kơ yua kiơ ôh, ưh kơ đei bu khan bơ̆n bơngai 'lơ̆ng dơ̆ng. Dah bơ̆n 'nĕ chă pơm kơnê̆ kơ sư, gô mơ̆ng kơ sư chă areh kơ bơ̆n đĕch, noh 'Bok Kei-Dei lăp đon.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.