Rom 11:8 - Sơ̆p Hlabơar Nơ̆r 'Bok Kei-Dei

⁸ Tơdrong noh thoi tơdrong đe chih roi tơ lăm sơ̆p hla bơar 'Bok Kei-Dei sơ̆ thoi âu: “'Bok Kei-Dei ăn kơ lu sư jing bơngai kơtul. Lu sư đei ră măt ưh kơ gơh 'bôh, đei ră đon ưh kơ kơtơ̆ng truh tơ dang ei hloi.”

Rom 11:8 Iomraidhean Croise

II Pot 17:34

Dĭng truh tơ dang ei, lu sư oei pơm rok thoi tơdrong juăt so sư kơdih. Lu sư ưh kơ hli yom kơ Kră Yang, ưh kơ chu wei răk tơdrong juăt, dah nơ̆r Kră Yang tơtă kơ kon sâu Jakôp mă Kră Yang anăn ăn kơ sư Isơrael.

II Pot 17:41

Thoi noh bơih, lu adrĕch adrung 'nâu kơkuh kơ Kră Yang păng kư̆m oei bơ̆jang kơ lu rup yang mă lu sư pơm kơdih; đơ̆ng yă 'bok lu sư pơm thoi yơ, na lu kon sâu sư kư̆m oei pơm thoi noh truh tơ dang ei.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 6:9

Kră Yang khan: “Năm bĕ! Khan kơ kon pơlei 'nâu: ‘Mơ̆ng, mă-lei ưh kơ hlôh kiơ: Lăng 'bôh mă-lei ưh kơ băt kiơ.’

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Êsêkiên 12:2

“Ơ kon bơngai, ih oei lăm kon pơlei juăt kơ iung blah plơ̆; lu sư đei măt mă ưh kơ 'bôh, đei đon mă ưh kơtơ̆ng, yua kơ lu sư kon pơlei juăt kơ iung blah plơ̆.

Êsêkiên 20:26

Inh pơm kơ tơdrong lu sư soi pơyơ̆r kon kơdră lu sư jing kơnê̆ 'mê̆-'mach đơ̆ng tơmam soi noh Inh pơm kơ lu sư hli krưp, wă kơ lu sư băt inh boih Kră Yang.

Luka 8:10

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Inh bơtho lu bơngai nai tơdrong noh Inh yua nơ̆r pơjuang ngăl, wă kơ sư lăng khŏm khŏm ră mă-lei ưh kơ 'bôh tơdrong kiơ, wă kơ sư mơ̆ng khŏm khŏm ră mă-lei ưh kơ hlôh.”

Jang 28:26

Êsai khan thoi âu: ‘'Bok Kei-Dei khan kơ inh: Ih năm bơtho lu bơngai âu khan: Iĕm mơ̆ng inh bơtho khŏm khŏm ră, mă-lei iĕm ưh kơ hlôh; măt iĕm lăng khŏm khŏm ră mă ưh kơ 'bôh tơdrong kiơ.

Both 29:4

Mă-lei truh tơ dang ei Kră Yang ưh tam ăn kơ lăm jơhngơ̆m lu iĕm hlôh băt, măt iĕm 'bôh păng đon iĕm kơtơ̆ng.