Rom 11:7 - Sơ̆p Hlabơar Nơ̆r 'Bok Kei-Dei

⁷ Lu bơngai Isơrael chă tơdrong pơm 'lơ̆ng hăm 'Bok Kei-Dei ră, mă-lei ưh kơ gơh, pôm lu bơngai Isơrael mă 'Bok Kei-Dei rơih iŏk đĕch gơh. Gah lu bơngai mă 'Bok Kei-Dei ưh kơ rơih iŏk, lu sư rai đunh rai arăng kơ̆l dêh.

Rom 11:7 Iomraidhean Croise

Tơdrông Pơđơk 1:28

Kơplah noh kơnh lu sư gô krao apinh Inh, Mă-lei Inh ưh kơ tơl tơwih; Lu sư adrin chă Inh, Mă-lei ưh kơ đei tơ'bơ̆p.

Êsai 44:18

Lu bơngai noh ưh kơ băt păng ưh kơ tơchĕng lăng yua kơ măt lu sư tep na ưh kơ 'bôh, jơhngơ̆m đon lu sư kư̆m chĭt lê̆ na lu sư ưh kơ hlôh.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Markôs 6:52

Lu sư ưh kơ pơwao Yêsu gơh pơm tôm tơdrong thoi lĕ kơ 'bĕng mi Sư pơm mă hơdrol hei. Lu sư ưh kơ pơwao kơlih kơ lu sư kơhlôh.

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Rom 11:25

Ơ 'nhŏng oh, inh ưh kơ wă kơ iĕm pơang kơ đe khan iĕm bơngai hơgei hloh kơ bơngai Isơrael ôh. Na dang ei inh wă tơbăt ăn kơ iĕm minh tơdrong âu mă 'Bok Kei-Dei tam mă tơbăt ăn kơ bơ̆n đơ̆ng sơ̆, tơdrong noh thoi âu: Lu bơngai Isơrael mơ'nah kuă tơpă boih lui kơ 'Bok Kei-Dei, noh na Sư ăn kơ lu bơngai mă kuă noh jing arăng kơ̆l khŏm khŏm truh tơ Sư krao tôm kơ lu khŭl nai bu mă Sư rơih iŏk lui kơ Sư.

Rom 11:5

Na dang ei 'Bok Kei-Dei kư̆m wă rơih iŏk lu bơngai Isơrael thoi noh, lu bơngai noh Sư rơih iŏk yua kơ Sư mơnat.

Rom 3:9

Bơ̆n 'nĕ pơang lu bơngai Juđê bơ̆n, khan bơ̆n bơngai ưh kơ yoch thoi lu bơngai nai. Yua kơ inh khan boih, đĭ-đăng kon bơngai yoch ngăl, na mă bơngai Juđê, mă bơngai khŭl nai.

Rom 6:15

Dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, lei bơ̆n hơđơ̆ng tơpă, bơ̆n gô mơ̆ng kơ 'Bok Kei-Dei tơgŭm bơ̆n. Mă-lei bơ̆n 'nĕ tơchĕng khan dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, khan bơ̆n gơh pơm yoch. Ưh ôh.

Rom 9:18

'Noh bơ̆n băt kơ 'Bok Kei-Dei Sư wă 'mêm kơ bu gô mơ̆ng kơ Sư wă đĕch. Na tơdrong Sư wă ăn kơ đe arăng kơ̆l kư̆m lei-lăi, gô mơ̆ng kơ Sư wă.

Rom 9:23

Yua kơ Sư oei gô lu bơngai mă Sư 'mêm. Sư wă hơmet jơhngơ̆m lu bơngai mă Sư 'mêm noh hơdrol 'mơ̆i, wă kơ lu bơngai noh gơh oei hơdai hăm Sư ning-mônh. Lu bơngai noh 'Bok Kei-Dei rơih iŏk đơ̆ng blŭng-a sơ̆ hloi boih, noh na Sư oei gô.

I Kor 10:19

Iĕm hăm hlôh inh pơma gah tơdrong kiơ? Păng iĕm 'nĕ tơchĕng gah tơdrong inh pơma gah tơdrong rup yang kơnh iĕm ngêh inh khan 'noh yang tơpă, ưh ôh. Păng tơmam đe sơmah 'noh kơnh iĕm ngêh inh khan 'noh tơmam rup yang tơpă, ưh ôh.

II Kor 3:14

Na lu bơngai Isơrael arăng kơ̆l đơ̆ng sơ̆ oei khơ̆ dang ei. Mưh lu sư đŏk lăng hla bơar tơdrong pơgơ̆p so, jơhngơ̆m đon lu sư dang lĕ kơ kơlŭk lum khăn yua kơ lu sư ưh kơ hlôh. Pôm lu bơngai mă gơnang kơ Kră Yang Yêsu đĕch gơh pơih lê̆ khăn noh wă khan lu sư hlôh.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Êphêsô 1:4

Adrol kơ 'Bok Kei-Dei tam mă pơjing plĕnh teh sơ̆, Sư rơih iŏk bơ̆n boih, yua kơ Yêsu Krist wă lôch tang bơ̆n. Sư rơih iŏk bơ̆n wă kơ bơ̆n jing 'lơ̆ng tơpăt huay kơ đei tơdrong yoch 'bơ̆t anăp Sư.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Philip 1:18

Mă-lei huay ôh, mă lu sư bơtho tơpă dah lu sư wă bơtho pơ'nhĕng inh, kư̆ kơ lu sư bơtho tơdrong Yêsu Krist đĕch, inh kư̆m hiôk mơ̆n.

Hêbrơ 12:17

Đơ̆ng rŏng iĕm kư̆m băt mơ̆n sư wă dơ̆ng ră, sư athei 'bă sư krao khan pơsĭt kơ 'Bok Kei-Dei ăn kơ sư jing kon kơdră dơ̆ng. Mă-lei 'bă sư ưh pă gơh boih, mă sư nhơ̆m hmoi lung 'bă sư dang yơ lap đĕch, ưh pă gơh tơwih băl boih, yua kơ 'nhŏng oh bre sư tơplih băl đang boih.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.