Rom 11:21 - Sơ̆p Hlabơar Nơ̆r 'Bok Kei-Dei

²¹ Lu bơngai Isơrael mơ'nah kuă kơ lui tơpă na 'Bok Kei-Dei chre hŭt dơng lu sư. Mă iĕm kư̆m lei-lăi, tơ̆ng iĕm kuă kơ lui Sư kư̆m chre hŭt iĕm mơ̆n 'bônh loi yua kơ iĕm dơng đơ̆ng nai.

Rom 11:21 Iomraidhean Croise

Je 25:29

'Nâu, Inh wă ăn tơdrong gleh truh kơ pơlei tih krao anăn Inh. Bĕ lu iĕm, Inh wă lê̆ kơ phak hă? Ưh ôh! Inh gô phak lu iĕm, yua kơ Inh gô ăn đao hơlă truh tơ đĭ-đăng adrĕch adrung oei kơpal teh,’ ” Noh Kră Yang Tih Hloh khan.

Je 49:12

Kră Yang khan: Tơdah lu bơngai mă ưh kơ trŏ huch pơnhan 'nâu, athei huch; lei liơ ih hăm gơh klaih đơ̆ng phak ưh? Ih ưh kơ gơh klaih ôh đơ̆ng tơdrong phak. Sĭt tơpă ih gô huch pơnhan 'nâu.”

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

Rom 11:19

Păng inh hli kơ iĕm khan: “Đe chre hŭt dơng noh wă hơđơ̆ng kơ klop iŏk dơng đơ̆ng nhôn.”

Rom 11:20

Iĕm khan thoi noh trŏ mơ̆n mă-lei yua kơ kiơ 'Bok Kei-Dei chre hŭt dơng noh? Yua kơ sư ưh kơ chu lui. Na iĕm kư̆m lei-lăi, yua kơ iĕm lui na Sư klop tơ noh. 'Noh na iĕm 'nĕ pơang kơ đe, kơnh 'Bok Kei-Dei chre hŭt iĕm dơ̆ng.

Rom 11:22

'Bok Kei-Dei 'mêm tơpă kơ kon bơngai, mă-lei Sư kư̆m hil kơ kon bơngai mơ̆n. Sư hil kơ lu bơngai mă kuă kơ lui kơ Sư. Gah lu iĕm Sư ưh kơ hil ôh yua kơ iĕm oei lui păng gơnang kơ Sư tơpă. Dah iĕm kuă kơ lui, Sư kư̆m chre hŭt dơng iĕm mơ̆n.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

Ju 1:5

Dôm tơdrong lu kră sơ̆ iĕm băt boih, mă inh wă tơ'blŏk kơ iĕm dơ̆ng. Sơ̆ 'Bok Kei-Dei dŏng pơklaih lu bơngai Isơrael đơ̆ng dêh Êyiptơ, mă-lei đơ̆ng rŏng kơ noh, Sư kư̆m đei pơlôch lu bơngai Isơrael mơ'nah ưh kơ chu lui.