Rom 11:11 - Sơ̆p Hlabơar Nơ̆r 'Bok Kei-Dei

¹¹ Lu bơngai Isơrael mă khan bơngai yoch dang noh, 'Bok Kei-Dei ưh kơ achăng lê̆ lu sư hlŏng hloi ôh. Yua kơ lu bơngai Isơrael yoch, na 'Bok Kei-Dei pơklaih lu bơngai nai hơdrol, wă kơ lu bơngai Isơrael 'nhĕng na lui kiơ̆ thoi lu bơngai nai noh.

Rom 11:11 Iomraidhean Croise

Êsêkiên 18:23

Kră Yang khan: Inh 'bôh lu bơngai pơm kơnê̆ lôch Inh hiôk hă? Ưh kơ hiôk ôh wă kơ lu sư tơbral tơdrong kơnê̆ lu sư pơm na đei arih.

Êsêkiên 18:32

Kră Yang khan: Tơpă, Inh ưh kơ hiôk ôh kơ tơdrong lôch mă lu iĕm wă lôch, athei tơbral bĕ wă kơ đei tơdrong arih.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Luka 20:16

Sư gô năm pơlôch pơđĭ lu bơngai noh, na sư pơjao ăn kơ lu bơngai nai jang dơ̆ng.” Lăp lu bơngai mơ̆ng Yêsu bơtho kơtơ̆ng thoi noh, na lu sư khan: “Apinh 'Bok Kei-Dei 'nĕ ăn tơdrong noh truh tơ nhôn.”

Jang 13:42

Lăp bre Pôl păng 'Barna'ba lĕch đơ̆ng hnam akŭm đe Juđê ei, đe apinh bre sư năm năr pơdơh đơ̆ng rŏng dơ̆ng wă bơtho tơdrong noh dơ̆ng mơ̆n.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Rom 10:19

Na inh wă jet iĕm thoi âu dơ̆ng: Lu bơngai Isơrael hăm hlôh đe bơtho tơdrong Yêsu? Lu sư hlôh mơ̆n kuă kơ lui đĕch. 'Noh kư̆m thoi Môis chih roi lăm hla bơar 'Bok Kei-Dei pơma kơ lu bơngai Isơrael sơ̆ thoi âu: “Tơ̆ng lei, Inh wă tơgŭm lu dêh nai mă Inh ưh kơ gan 'mêm kơ lu sư sơ̆, wă kơ lu sư hlôh dang ei, na lu iĕm gô 'nhĕng lu sư, hil areh kơ lu sư.”

Rom 11:1

Thoi noh ră, mă-lei 'Bok Kei-Dei hăm hŭt lê̆ đe Isơrael? Ưh ôh, Sư oei 'mêm tơpă. Na inh âu boih bơngai Isơrael kư̆m kon sâu Abraham; inh đơ̆ng adrĕch adrung 'bok Bênjamin.

Rom 11:12

Yua kơ lu bơngai Isơrael yoch na lu bơngai nai jơ̆p kơ teh đak jing hiôk jơnap. Lu bơngai Isơrael ning-mônh gô lui kơ 'Bok Kei-Dei đĭ. Đĭ-đăng kơ bơ̆n jing hiôk jơnap hloh kơ chăl arih lu bơ̆n sơ̆.

Rom 11:14

wă kơ lu bôl inh bơngai Isơrael 'nhĕng iĕm, na lui kiơ̆ iĕm, klaih kơ tơdrong yoch thoi iĕm.

Rom 11:31

Lu đe Isơrael mơ'nah arăng kơ̆l kuă kơ lui kơ Yêsu truh dang ei, 'Bok Kei-Dei mơnat dêh, thoi Sư mơnat kơ iĕm.