Rom 11:10 - Sơ̆p Hlabơar Nơ̆r 'Bok Kei-Dei

¹⁰ 'Bok Kei-Dei pơchĭt măt lu sư ling-lang, wă kơ lu sư hăl hang tôch đon khŏm khŏm.”

Rom 11:10 Iomraidhean Croise

Horiso 69:22

Ăn kơ gơ'bang sŏng sa lu sư jing hơđong hơ'năk kơ lu sư. Sŏng sa hiôk-hian nhen hơnhuăl hrơ̆p lu sư kơdih.

Horiso 69:23

Ăn kơiĕng lu sư pơpơ̆ hơnơ̆ng ăn kơ măt lu sư tol, ưh pă 'bôh dơ̆ng.

Êsai 51:23

Inh gô dan kơchŏk noh tơ lăm ti lu bơngai pơjuă pơđep iĕm, lu bơngai mă khan kơ iĕm: Kŭp drap bĕ kơ nhôn wă kơ nhôn rok juă kơpal. Kơdŭ rŏng iĕm pơm thoi teh, thoi trong ăn kơ đe rok juă.

Êsai 65:12

Na Inh hơgăt ăn kơ lu iĕm lôch kơ đao gưm, păng đĭ-đăng lu iĕm gô kŭp kơ̆l ăn kơ đe pơlôch; Yua kơ Inh krao bơih lu iĕm ưh kơ tơl; Inh đei khan lu iĕm ưh kơ 'maih mơ̆ng, lu iĕm đei pơm bơih tơdrong kơnê̆ 'bơ̆t anăp Inh, păng rơih iŏk tơdrong Inh ưh kơ lăp đon.”

Sa 11:17

Răm-'băm tơpă kơ lu bơngai wei triu ưh kơ brĕ, achăng lê̆ triu lu sư! Iŏk đao 'bet kơkŏng ti sư păng koh măt gah 'ma sư; kơkŏng sư jing jo păng măt sư jing tol.”

Rom 1:21

Kon bơngai bơ̆n băt kơ đei 'Bok Kei-Dei, mă-lei kuă bơnê ư-ang kơ Sư, thoi noh kon bơngai bơ̆n tơchĕng rai ưh kơ tơpăt rai kơtul jing măng mu.

Rom 11:8

Tơdrong noh thoi tơdrong đe chih roi tơ lăm sơ̆p hla bơar 'Bok Kei-Dei sơ̆ thoi âu: “'Bok Kei-Dei ăn kơ lu sư jing bơngai kơtul. Lu sư đei ră măt ưh kơ gơh 'bôh, đei ră đon ưh kơ kơtơ̆ng truh tơ dang ei hloi.”

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

II Pet 2:17

Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.