Rom 11:1 - Sơ̆p Hlabơar Nơ̆r 'Bok Kei-Dei

¹ Thoi noh ră, mă-lei 'Bok Kei-Dei hăm hŭt lê̆ đe Isơrael? Ưh ôh, Sư oei 'mêm tơpă. Na inh âu boih bơngai Isơrael kư̆m kon sâu Abraham; inh đơ̆ng adrĕch adrung 'bok Bênjamin.

Rom 11:1 Iomraidhean Croise

II Pot 23:27

Na Kră Yang khan: “Inh gô puh tơweh lê̆ lu bơngai Juđa đơ̆ng Inh, thoi Inh puh tơweh bơih lu bơngai Isơrael păng Inh gô pơrăm lê̆ Pơlei Jêrusalem mă Inh rơih bơih păng kư̆m pơrăm Hnam akŭm tơm mă Inh hlôi khan: Anăn Inh gô oei tơ noh.”

Horiso 77:7

“Kră Yang achăng lê̆ bơ̆n hlŏng hloi boih hă? Sư ưh pă mơnat ăn kơ bơ̆n dơ̆ng hă?

Horiso 94:14

Yua kơ Kră Yang ưh kơ đei achăng lê̆ kon pơlei Sư. Kŭm ưh kơ lê̆ ôh dôm lu bơngai jing kon pơlei pơla Sư,

Hôsia 9:17

Kră Yang 'Bok Kei-Dei inh gô hŭt lê̆ lu sư yua kơ lu sư kuă kơ mơ̆ng nơ̆r Kră Yang na lu sư gô jing bơngai chă thông măng jơ̆p kơ dêh char nai.

Luka 20:16

Sư gô năm pơlôch pơđĭ lu bơngai noh, na sư pơjao ăn kơ lu bơngai nai jang dơ̆ng.” Lăp lu bơngai mơ̆ng Yêsu bơtho kơtơ̆ng thoi noh, na lu sư khan: “Apinh 'Bok Kei-Dei 'nĕ ăn tơdrong noh truh tơ nhôn.”

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 26:4

“Đĭ-đăng bơngai Juđê băt kơ inh arih thoi yơ mă inh oei 'lơ̆p sơ̆ khơ̆ dang ei, mă tơ dêh char inh, mă tơ Pơlei Jêrusalem.

Rom 11:11

Lu bơngai Isơrael mă khan bơngai yoch dang noh, 'Bok Kei-Dei ưh kơ achăng lê̆ lu sư hlŏng hloi ôh. Yua kơ lu bơngai Isơrael yoch, na 'Bok Kei-Dei pơklaih lu bơngai nai hơdrol, wă kơ lu bơngai Isơrael 'nhĕng na lui kiơ̆ thoi lu bơngai nai noh.

Rom 3:4

Đêl Sư pơkă lê̆ hơdrol Sư gô pơm 'blep thoi Sư pơkă tơpă. Mă kon bơngai bơ̆n juăt kơ hơlĕnh kơ Sư, kuă kơ kiơ̆ 'bơ̆r đon Sư mă-lei Sư oei pơm 'blep kơ nơ̆r Sư pơkă đĕch, Sư ưh kơ hơlĕnh thoi bơ̆n ôh. Na tơdrong noh 'blep thoi tơdrong đe chih roi lê̆ sơ̆ tơpă, sư khan thoi âu: “Ơ Kră Yang, Ih pơma 'lơ̆ng, pơma tơpăt ling-lang. Na kon bơngai wă sek tơlang tơdrong Ih, mă-lei lu sư ưh kơ gơh sek tơlang thoi yơ, yua kơ Ih pơm tơpăt kiơ̆ kơ nơ̆r Ih pơkă ngăl.”

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

II Kor 11:22

Lu bơngai noh bơngai Hêbrơ hă? Inh kư̆m bơngai Hêbrơ. Lu bơngai noh bơngai Isơrael hă? Inh kư̆m bơngai Isơrael. Lu sư kon sâu Abraham hă? Inh kư̆m kon sâu 'bok noh.

Philip 3:5

Sơ̆ đe kư̆m kăt tơdra akar inh kơplah inh oei nge 'nao lăp tơhngam năr. Yua kơ inh bơngai Isơrael tơpă na đe kăt tơdra akar inh đơ̆ng oei nge. Păng inh adrĕch adrung Bênjamin. Inh pơma nơ̆r Isơrael kư̆m lei-lăi thoi mĕ 'bă inh. Lu bơngai Pharisi kiơ̆ tơdrong juăt Môis kơjăp, inh kư̆m jing bơngai Pharisi kiơ̆ kơjăp thoi lu sư mơ̆n.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.