Rom 10:3 - Sơ̆p Hlabơar Nơ̆r 'Bok Kei-Dei

³ Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Rom 10:3 Iomraidhean Croise

Ne 9:33

Lăm dôm tơdrong truh kơ lu nhôn, Ih oei tơpăt hơnơ̆ng đĕch; yua kơ Ih pơm trŏ tơpă, gah lu nhôn pơm tơdrong kơnê̆.

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

Horiso 71:19

Ơ Kră Yang 'Bok Kei-Dei, tơdrong tơpăt Ih kơjung tĭk tơ plĕnh. Ih đei pơm boih tơdrong jang tih. Ơ Kră Yang 'Bok Kei-Dei, bu đei thoi Ih?

Êsai 51:1

Ơ lu bơngai kiơ̆ tơdrong 'lơ̆ng tơpăt, lu bơngai chă Kră Yang, mơ̆ng Inh bĕ! Lăng bĕ kơ tơmo mă đơ̆ng blah iŏk lu iĕm bơih păng sơlŭng tơmo mă đơ̆ng sir hơtŏk lu iĕm!

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Êsai 51:8

Yua kơ mua gô reh kăp sa lu sư nhen reh ao, păng mua gô sa sư thoi sa brai sŏk triu. Mă-lei tơdrong 'lơ̆ng tơpăt Inh gô oei oei ling-lang, tơdrong dŏng pơklaih inh oei truh ning-mônh.

Êsai 56:1

Kră Yang khan thoi âu: Athei wei bĕ tơdrong 'lơ̆ng tơpăt. Păng pơm bĕ tơdrong trŏ 'lơ̆ng; yua kơ tơdrong dŏng pơklaih Inh wă jê̆ truh păng tơdrong 'lơ̆ng tơpăt Inh wă jê̆ pơdah bơih.

Êsai 57:12

Inh gô tơ'bôh pơdah tơdrong 'lơ̆ng iĕm tơdrong iĕm jang. Păng tơdrong noh tă ưh kơ đei yua kơ iĕm ngăl.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Nhom 3:22

Noh jơ̆ tơdrong mơnat đơ̆ng Kră Yang. Na lu bơ̆n oei arih, tơdrong 'mêm Sư ưh kơ đei layơ tôch;

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Lêwi 26:41

Thoi noh Inh kư̆m pơm plơ̆ kơ lu sư, ba lu sư tơ dêh char lu bơngai ayăt kơ lu sư, tơdah jơhngơ̆m lu sư ưh kơ chu kăt tơdra akar, băt chu tơjur akâu lu sư kơdih tơ ala păng chu iŏk tơdrong bơtho pơjĭ yua tơdrong yoch lu sư.

Luka 10:29

Mă-lei 'bok thây noh sư ưh kơ 'mêm kơ đĭ-đăng khŭl bơngai na sư apinh Yêsu dơ̆ng: “Lu đe bu bôl buăl inh?”

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 10:2

Inh băt mơ̆n lu sư adrin kiơ̆ tơdrong 'Bok Kei-Dei; mă-lei inh hli kơ lu sư kiơ̆ ưh kơ 'blep thoi 'Bok Kei-Dei wă.

Rom 10:20

Tơdrong noh Êsai kư̆m chih pơjăm lu bôl sư bơngai Isơrael, mă-lei sư ưh kơ hli, sư chih kiơ̆ kơ nơ̆r 'Bok Kei-Dei thoi âu: “Lu bơngai mă ưh kơ băt chă Inh sơ̆, dang ei lu sư 'bôh Inh boih păng kơnăl kơ Inh, yua kơ Inh wih tơbăt kơ lu sư akâu Inh dơ̆ng.”

Rom 11:7

Lu bơngai Isơrael chă tơdrong pơm 'lơ̆ng hăm 'Bok Kei-Dei ră, mă-lei ưh kơ gơh, pôm lu bơngai Isơrael mă 'Bok Kei-Dei rơih iŏk đĕch gơh. Gah lu bơngai mă 'Bok Kei-Dei ưh kơ rơih iŏk, lu sư rai đunh rai arăng kơ̆l dêh.

Rom 3:22

'Bok Kei-Dei jô̆ đĭ-đăng kon bơngai jing 'lơ̆ng yua kơ sư lui kơ Yêsu Krist. Yua kơ thoi noh na dang ei bơ̆n băt boih đĭ-đăng bơngai dang ăi đĕch;

Rom 5:19

'Bok Kei-Dei jô̆ đĭ-đăng bơngai yoch yua kơ đơ̆ng minh 'nu 'bok Ađam sơ̆, sư ưh kơ chu kơ nơ̆r 'Bok Kei-Dei. Dang ei 'Bok Kei-Dei jô̆ đei lơ bơngai 'lơ̆ng, yua kơ đơ̆ng Yêsu Krist Sư chu kơ nơ̆r 'Bok Kei-Dei.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Both 6:25

Tơdah lu bơ̆n kơchăng pơm kiơ̆ đĭ lu nơ̆r tơtă âu đơ̆ng Kră Yang 'Bok Kei-Dei bơ̆n, na gơh jô̆ bơ̆n 'lơ̆ng tơpăt.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.