Rom 10:18 - Sơ̆p Hlabơar Nơ̆r 'Bok Kei-Dei

¹⁸ Inh wă jet iĕm, bơngai Isơrael tam kơtơ̆ng tơdrong 'Bok Kei-Dei? Lu sư kơtơ̆ng boih, lăm hla bơar 'Bok Kei-Dei kư̆m roi thoi noh: “Đe năm bơtho tơdrong Kră Yang jơ̆p-jang kơ teh đak, đơ̆ng hơlĕch truh tơ bơmơ̆t, đơ̆ng yă-nơ̆m truh tơ gơal.”

Rom 10:18 Iomraidhean Croise

I Pot 18:10

Inh pơma tơpăt 'bơ̆t anăp Kră Yang 'Bok Kei-Dei ih mă oei arih, ưh kơ đei minh pôm dêh char ayơ, minh adrĕch adrung ayơ mă yŏng inh ưh kơ đei athei lu sư chă ih; păng tơdah đe khan: Êli ưh kơ đei tơ âu, sư athei dêh char dah adrĕch adrung 'noh athei pơkă gah tơdrong khan lu sư ưh kơ 'bôh ih.

Horiso 19:4

Mă-lei nơ̆r lu sư pơma truh jơ̆p-jang kơ teh đak, Păng nơ̆r lu sư kơtơ̆ng truh tôch teh đak.b Tơ plĕnh Kră Yang pơm hnam bơsŭn ăn kơ măt 'năr boih;

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Horiso 98:3

Sư 'blŏk kơ tơdrong 'mêm mơnat păng tơdrong 'lơ̆ng tơpăt Sư hăm bơngai Isơrael; Đơ̆ng tôch kơ teh đak 'bôh boih tơdrong Kră Yang lu bơ̆n dŏng pơklaih.

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Mathiơ 24:14

Gô lu bơngai lui kơ Inh bơtho tơdrong 'nao 'lơ̆ng 'Bok Kei-Dei wă pơgơ̆r kon bơngai jơ̆p-jang kơ teh đak 'mơ̆i na truh năr tôch.

Mathiơ 26:13

Inh khan kơ iĕm tơpă, jơ̆p-jang kơ teh đak, lu bơngai bơtho tơdrong 'nao 'lơ̆ng, lu sư gô roi tơdrong duch noh pơm kơ Inh, wă kơ đe ư-ang kơ tơdrong sư pơm.”

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Mathiơ 4:8

Yang Satan anhăk dơ̆ng Yêsu tŏk tơ kông kơjung tơpă, sư tơ'bôh kơ Yêsu đĭ-đăng jơ̆p-jang kơ teh đak kon pơlei pơla rŏ sor.

Markôs 16:15

Yêsu khan kơ lu sư: “Iĕm athei năm jơ̆p-jang kơ teh đak bơtho tơdrong 'nao 'lơ̆ng kơ đĭ-đăng bơngai.

Markôs 16:20

Klaih kơ noh lu bơngai pơhrăm păng Sư năm chă bơtho jơ̆p-jang. Kră Yang Yêsu kư̆m tơgŭm lu sư jang gơh pơm tôm tơdrong mơsêh wă kơ đe băt kơ lu sư bơtho tơdrong 'Bok Kei-Dei tơpă.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Jang 28:23

Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

Rom 1:8

Hơdrol kơ inh wă pơma, inh đei tơdrong bơnê kơ 'Bok Kei-Dei hơdrol 'mơ̆i. Yua kơ Yêsu Krist lôch tang bơ̆n na bơ̆n băt krao khan bơnê kơ 'Bok Kei-Dei. Inh bơnê kơ Sư yua kơ Sư ăn kơ iĕm lui kơjăp. Đĭ kơ bơngai lui jơ̆p kơ teh đak kư̆m băt kơ iĕm lui kơjăp tơpă.

Rom 15:19

Păng dôm tơdrong inh gơh pơm noh đơ̆ng Yang Bơhngol 'Lơ̆ng tơgŭm, mă tơdrong mơsêh, mă tơdrong nai. Thoi noh na inh adrin bơtho tơdrong Yêsu Krist jơ̆p-jang đơ̆ng Pơlei Jêrusalem truh tơ dêh Iliria boih.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

Kôlôsê 1:6

Lăp iĕm kơtơ̆ng đe bơtho tơdrong 'Bok Kei-Dei 'mêm mơnat kơ bơ̆n sơ̆ na iĕm hlôh hloi; đơ̆ng năr noh boih iĕm jing bơngai 'nao, na bơngai lui iĕm rai đunh rai lơ, kư̆m thoi đe bơtho jing kơtơ̆ng jơ̆p-jang kơ teh đak đei lơ bơngai lui.

I Tes 1:8

Đơ̆ng iĕm bơtho tơdrong 'Bok Kei-Dei na đe kơtơ̆ng tơdrong 'noh jơ̆p kơ dêh char Masêđôn păng dêh char Grĕk boih; păng jơ̆p-jang kơ teh đak băt kơ iĕm lui kơ 'Bok Kei-Dei. Yua kơ thoi noh na nhôn ưh kơ kăl roi kơ đe tơdrong iĕm lui 'noh ôh yua kơ đe băt đĭ-đăng boih.