Rom 10:14 - Sơ̆p Hlabơar Nơ̆r 'Bok Kei-Dei

¹⁴ Mă-lei dah ưh kơ đei bơngai năm bơtho, thoi yơ đe gơh krao khan adrol? Ưh kơ đei bơngai năm bơtho, thoi yơ đe gơh lui adrol? Ưh kơ đei bơngai năm bơtho thoi yơ đe gơh kơtơ̆ng adrol?

Rom 10:14 Iomraidhean Croise

Jôna 1:16

Yua kơ thoi noh lu bơngai noh hli yom kơ Kră Yang lu sư pơyơ̆r tơmam soi ăn kơ Kră Yang păng pơkă hăm Kră Yang.

Jôna 1:5

Lu bơngai wơ̆r duk păng lu bơngai jang lăm duk hli tơpă, rim 'nu bơngai hao lăm duk krao chă yang lu sư kơdih. Đơ̆ng noh, lu sư hŭt lê̆ đĭ tơmam đơ̆ng lăm duk tơ đak dơsĭ, wă kơ duk phiơl 'biơ̆. Mă-lei Jôna sư oei 'bĭch tep tơ anih ala lăm duk.

Mathiơ 20:7

Lu đe ei khan: ‘Yua kơ ưh kơ đei bơngai chă nhôn jang.’ 'Bok ei khan: ‘Lei iĕm năm jang tơ mir inh bĕ.’ Lu đe noh năm jang hloi.

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Yo 9:36

Na bơngai đêl măt tol ei khan kơ Sư: “Ơ 'Bok, anăn Sư bu ei? Ih roi kơ inh wă kơ inh lui kơ Sư.”

Jang 19:2

Pôl jet lu bơngai lui ei thoi âu: “Lăp iĕm lui na hăm đei Yang Bơhngol 'Lơ̆ng jur oei hăm lu iĕm?” Na lu bơngai lui khan: “Nhôn ưh tam mă băt Yang Bơhngol 'Lơ̆ng lơliơ.”

Jang 8:31

'Bok ei khan: “Lơliơ inh gơh hlôh, ưh kơ đei bu bơtho inh?” Sư apinh Philip tŏk gre sư oei jê̆ păng sư.

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Êphêsô 2:17

Yêsu Krist jur bơtho tơdrong hiôk-hian kơ lu iĕm bơngai nai mă ataih kơ Sư sơ̆; lu bơngai Juđê mă ưh kơ ataih kơ Sư, Sư kư̆m bơtho mơ̆n.

Êphêsô 4:21

Tơpă đe bơtho iĕm tơdrong Yêsu; dah iĕm lui kơ Yêsu, đe tơbăt kơ iĕm tơdrong Sư.

Both 30:13

Sư kư̆m ưh kơ tơ pah to đak dơsĭ, na iĕm jet: Bơngai bu gơh tŏk hlôi pah to đak dơsĭ, na chĕp ba ăn kơ lu bơ̆n wă kơ bơ̆n kơtơ̆ng păng pơm kiơ̆?

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Ya 5:15

Yua kơ lu sư krao khan gơnang kơ Kră Yang tơpă, na Kră Yang gô pơklaih tơdrong jĭ jăn bơngai noh ăn kơ sư 'lơ̆ng akâu dang đêl; mă sư pơm yoch 'Bok Kei-Dei kư̆m mơnat pơklaih yoch sư mơ̆n.