Rom 1:30 - Sơ̆p Hlabơar Nơ̆r 'Bok Kei-Dei

³⁰ pơjăm pơjuă dih băl. 'Bok Kei-Dei Sư Kră Yang, bơ̆n kư̆m areh kơ Sư mơ̆n. Bơ̆n bơngai hơwĕng dêh, bơ̆n pơ'brơh kơ đe, bơ̆n pơang akâu kơ đe, jơhngơ̆m bơ̆n 'bĕnh kơ tơdrong kơnê̆ ling-lang. Mĕ 'bă kơdih kư̆m ưh kơ băt kơ chu yom.

Rom 1:30 Iomraidhean Croise

I Pot 20:11

Na Ahap tơl: “Brŏk khan kơ sư: ‘Bơngai hrŭk ao mam 'nĕ kơ pơang akâu kơdih thoi bơngai mă plôh lê̆ ao.’ ”

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

II Ho 25:19

Ih khan: Lăm to inh blah iŏk boih char Eđôm na jơhngơ̆m ih pơrŏ pơang pơư kơdih akâu. Dang ei oei bĕ hnam, liơ wă pơrăm kơdih akâu păng dêh char Juđa kư̆m răm kiơ̆?”

Horiso 10:3

Yua kơ lu bơngai kơnê̆ pơư kơdih kơ tơdrong lu sư 'maih wă; Lu bơngai ham kơ tơmam, achăng lê̆ păng pơjăm Kră Yang.

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Horiso 49:6

Lu bơngai gơnang kơ jên tơmam lu sư, Pơư mŭk tơmam lơ, mơdrŏng lu sư.

Horiso 5:5

Lu bơngai pơang ưh kơ kĕ dơ̆ng 'bơ̆t anăp Ih ôh; Ih areh kơ đĭ-đăng lu bơngai pơm kơnê̆.

Horiso 52:1

Ơ bơngai nuih pran, liơ ih pơang kơdih tơdrong kơnê̆. Tơdrong 'mêm mơnat Kră Yang 'Bok Kei-Dei oei oei ling-lang.

Horiso 81:15

Lu bơngai mă hil areh kơ Kră Yang gô chu yom kơ Sư. Tơdrong chu lui kơ Sư oei oei ling-lang.

Horiso 94:4

Lu sư pơma nơ̆r pơang ling-lang, lu bơngai pơm kơnê̆ tă kơ pơư kơdih ngăl.

Horiso 97:7

Pơm bĕ kơ đĭ-đăng lu bơngai kơkuh kơ rup yang mơlâu. Lu gơnang kơ rup yang tơdrong kơ đei. Ơ lu yang, kơkuh bĕ kơ Kră Yang.

Horiso 99:8

Ơ Kră Yang 'Bok Kei-Dei lu nhôn, Ih tơl tơwih boih nơ̆r lu sư, Ih boih Kră Yang 'Bok Kei-Dei mă đei mơnat ăn kơ lu sư, Mă-lei Ih kư̆m pơm tơwih tơdrong yoch đêl lu sư pơm.

Tơdrông Pơđơk 24:8

Lu bơngai wă chă tơdrong pơm kơnê̆. Đe jô̆ sư bơngai chă hơlĕnh pơdăr.

Tơdrông Pơđơk 25:23

Kial đơ̆ng yă-nơ̆m ba đak 'mi. Hơpiĕt ayơ roi sa pơma krŭl pơm kơ đe blĕk.

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Tơdrông Pơđơk 8:36

Mă-lei bơngai bu sơngah kơ Inh, gô pơrăm bơhngol sư kơdih; Bơngai bu areh kơ Inh, chă tơdrong lôch.

Bôk Bơthô 7:29

Mă-lei 'nâu mă tơdrong inh chă 'bôh: Kră Yang 'Bok Kei-Dei pơjing boih bơngai tơpăt; mă-lei kon bơngai chơchă đon kơdih tơdrong kơnê̆.”

Êsêkiên 14:5

Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Jo 10:35

Rim wơ̆t Hom Pơgơ̆p năm, na Môis khan thoi âu: Ơ Kră Yang, apinh ih iung yak bĕ, wă kơ lu bơngai ayăt kơ Ih kơdâu tơklah tơklang đĭ; lu đe bu areh kơ Ih gô kơdâu ôn đĭ đơ̆ng anăp Ih!

Mathiơ 15:4

'Bok Kei-Dei pơkă thoi âu: ‘Iĕm athei lui yom kơ mĕ 'bă păng dah bơngai bu pơma kơnê̆ kơ mĕ 'bă sư, athei pơlôch tŭk bơngai noh.’

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Luka 21:16

“Lu mĕ 'bă iĕm hăm 'nhŏng oh iĕm păng kơtum kơtŏng iĕm, bôl juăt iĕm, gô jao iĕm ăn kơ đe kră sek tơlang, na lu iĕm mơ'nah sư gô pơlôch.

Yo 7:7

Yua kơ iĕm tơduă kon bơngai ala teh âu, đe huay hil areh kơ iĕm ôh. Pôm Inh đĕch lu sư hil tơpă, kơlih kơ Inh tơ'bôh kơ lu sư tơdrong kơnê̆ lu sư pơm.

Jang 5:36

Thuđa sơ̆, sư pơang kơdih akâu pơm 'bok tih, kư̆m đei dang puăn-hrĕng 'nu bơngai kiơ̆ sư. Mă-lei đe pơlôch sư, na đĭ-đăng bơngai kiơ̆ sư tơklah tơklang pă gơh pơm thoi yơ boih.

Rom 2:17

Lu iĕm bơngai Juđê mơ'nah oei pơang bơngai Juđê iĕm, khan iĕm kiơ̆ tơdrong juăt 'Bok Kei-Dei pơkă sơ̆ na khan 'Bok Kei-Dei wei-lăng iĕm ling-lang.

Rom 2:23

Iĕm khan kơ đe khan iĕm băt tơdrong juăt 'Bok Kei-Dei pơkă 'lơ̆ng tơpăt mă-lei iĕm oei pơm yoch, ưh kơ kiơ̆ tơdrong Sư pơkă noh. Iĕm pơm thoi noh đe rai pơjăm 'Bok Kei-Dei.

Rom 3:27

Thoi noh na bơ̆n ưh kơ gơh pơang kơ đe khan bơ̆n bơngai 'lơ̆ng ôh yua kơ Sư jô̆ bơ̆n bơngai 'lơ̆ng kơlih kơ Sư mơnat đĕch. Mă-lei dah bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, bơ̆n oei pơang akâu bơ̆n kơ đe ling-lang đĕch. Na dang ei bơ̆n lui kơ Yêsu Krist boih păng gơnang kơ Sư tơpă, thoi yơ bơ̆n gơh wă pơang kơ đe dơ̆ng?

II Kor 10:15

Dôm lu bơngai khŭl nai lui kơjăp đơ̆ng đe bơtho, nhôn ưh kơ đei pơma khan đơ̆ng nhôn bơtho ôh. Mă iĕm âu đơ̆ng anăp nhôn bơtho tơpă, na nhôn chang iĕm jah lui kơjăp, wă kơ iĕm jah tơgŭm nhôn bơtho jơ̆p kơ tơring iĕm.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

Both 27:16

Hiap pơtê̆ bĕ kơ bơngai bu pơdê mĕ 'bă sư! Đĭ-đăng kon pơlei gô khan: A-men!

Both 7:10

Păng pơm 'mong kơ lu bơngai bu mă areh kơ Sư, na pơlôch pơđĭ lê̆ lu sư. Sư ưh kơ pơhiơ̆ ôh pơm kơ bơngai bu mă areh kơ Sư, Sư gô pơm plơ̆ hloi hăm lu bơngai sơngah kơ Sư.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”

II Tim 3:2

Năr ei kơnh đei lơ bơngai băt 'mêm akâu sư kơdih, mă ưh kơ 'mêm mơnat kơ bôl buăl. Sư hăt kơ jên tơpă. Sư pơang akâu kơdih păng chă pơma pơsôm kơ đe. Sư pơma kơnê̆ kơ đe. Sư ưh kơ chu yom mĕ 'bă sư păng sư ưh kơ băt bơnê kơ đe, sư kư̆ pơm kơnê̆ đĕch.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Ya 3:5

Na 'bơ̆r kon bơngai bơ̆n pơma kư̆m lei-lăi. 'Bơ̆r bơ̆n iĕ đĕch, mă pơma kơ bôl buăl Jop, gơh pơjing tơdrong tih. Thoi lĕ kơ ŭnh, ŭnh sư iĕ đĕch, sư gơh sa jơ̆p kơ groi kông bri brah.

Ya 4:16

Mă-lei iĕm pơma thoi noh hei ưh kơ trŏ boih, noh dang iĕm wă pơang akâu iĕm kơdih đĕch, iĕm ưh kơ tơchĕng ôh kơ tơdrong 'Bok Kei-Dei ăn kơ iĕm arih. Tôm tơdrong kiơ iĕm kư̆ kơ pơma lê̆ hơdrol, noh iĕm yoch boih.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.

Ju 1:16

Lu bơngai mă wă pơlung iĕm noh, lu sư pran kơ pơma mơmơnh dêh, pơma hơwĕng ưh kơ băt hrăp. Lu sư kiơ̆ kơ jơhngơ̆m kơdih hưch hanh 'maih pơm tơdrong kư̆ kă, pơma re 'bơ̆r, pơang akâu kơdih; sư pơma kơ bơ̆n hơlom, wă pơyua akâu sư kơdih.