Rom 1:29 - Sơ̆p Hlabơar Nơ̆r 'Bok Kei-Dei

²⁹ Kon bơngai bơ̆n pơm tôm tơdrong kơnê̆, tôm tơdrong yoch tơpă. Bơ̆n 'nhĕng tơmam đe, bơ̆n areh dih băl, bơ̆n tơgar sa băl, pơlôch dih băl, tơteh dih băl, plơ̆ plĕch kơ bôl buăl; jơhngơ̆m 'maih hil kơ đe, wă bâu roi đe,

Rom 1:29 Iomraidhean Croise

Horiso 41:7

Đĭ-đăng lu areh kơ inh, kư̆m hơnganh kơ inh, Lu sư chă đon wă pơrăm inh.c

Tơdrông Pơđơk 16:28

Bơngai hơlĕnh ba tơdrong pơjah. Wă pơma plah tơklah tơduă bôl buăl.

Tơdrông Pơđơk 26:20

Ưh kơ đei 'long ŭnh, ŭnh păt; Dah ưh kơ đei roi sơlam lei tơdrong tơhil pơjah gô pơdơh.

Mathiơ 5:32

Na Inh bơtho iĕm dang ei thoi âu: Akăn sư ưh kơ đei pơm yoch kơ sư, mă-lei klo sư achăng tŭk, na akăn sư jing iŏk klo plơ̆ng, na klo kăn mă đơ̆ng rŏng noh kư̆m dang pơm yoch mơ̆n, yua kơ klo sư hơdrol achăng ưh kơ trŏ kơ tơdrong achăng, na 'Bok Kei-Dei oei jô̆ bre sư klo kăn so đĕch. Mă-lei tơdrong yoch lu sư noh, klo sư mă hơdrol pơm kơ lu sư jing yoch đĭ-đăng.

Rom 3:10

'Noh kư̆m thoi đe chih roi lăm sơ̆p hla bơar 'Bok Kei-Dei sơ̆ thoi âu: “Đĭ-đăng kon bơngai ưh kơ đei bu 'lơ̆ng tơpăt, hoh-hoy 'nhŏ kơ minh 'nu.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

I Tim 3:11

Lu bơngai drŏ-kăn wă jang lăm hnam 'Bok Kei-Dei, sư kư̆m athei pơm mă 'lơ̆ng tơpăt mơ̆n; 'nĕ kơ pơma plĕch kơ đe, 'nĕ kơ et sik suai. Sư athei pơm tôm tơdrong 'lơ̆ng tơpăt ngăl.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.