Rom 1:23 - Sơ̆p Hlabơar Nơ̆r 'Bok Kei-Dei

²³ 'Bok Kei-Dei mơsêh mơyang tih-tin arih ling-lang mă kuă kơ kơkuh kơ Sư, na man kơdih rup kon bơngai rup sem brem, noh boih kơkuh khan yang.

Rom 1:23 Iomraidhean Croise

Horiso 106:20

Lu sư tơplih Kră Yang Ư-Ang lu sư jing thoi rup rơmo sa 'nhĕt.

Êsai 40:18

Lu iĕm hăm gơh pơting Kră Yang 'Bok Kei-Dei hăm bu? Iĕm iŏk hơbŏ kiơ wă pơtih hăm Sư?

Êsai 40:26

Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Êsai 44:13

Bơngai thơ̆ 'long iŏk tơlei sư dăng pơtŏ, iŏk chŭr sư rek rup hơbŏ traih hơmet hăm săng pơiel, pơtŏ hăm 'long thưk đei mum pơm rup hơbŏ, sư pơm rup bơngai rup hơbŏ thoi bơngai 'lơ̆ng. Na tah lê̆ tơ lăm hnam yang sư.

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Êsêkiên 8:10

Na inh mơ̆t lăng 'bôh tơ noh đei tôm kơ rup man kon sem krưp, kơep lep-ler, dôm rup yang man đơ̆ng adrĕch Isơrael đei chhơ̆ jum dăr kơ tơnăr dur.

Jang 10:12

Lăm ei Pêtrôs 'bôh tôm kơ kon sem dơrong păng sem bri, đei bơ̆n 'bih kơep lep-ler bơ̆n sem păr.

Jang 17:29

“Iĕm pơm rup yang phŏ păng maih, dah hu, dah păng tơmo. Iĕm pơm rup yang kiơ̆ kơ iĕm tơchĕng đon iĕm kơdih đĕch. Mă-lei 'Bok Kei-Dei pơjing bơ̆n kon Sư, na bơ̆n 'nĕ tơchĕng 'Bok Kei-Dei thoi lĕ rup yang đĕch ôh.

Rom 1:25

Kuă kơ kơkuh kơ 'Bok Kei-Dei mă arih ling-lang, kơkuh kơ rup yang mă ưh kơ arih. Bơ̆n wă kơkuh kơ đêl tơmam Sư pơjing, kuă kơ kơkuh kơ tơ'ngla Sư mă gơh pơjing tôm tơdrong. 'Bok Kei-Dei boih trŏ kơ bơ̆n ư-ang ling-lang ưh kơ đei layơ tôch. A-men.

I Kor 12:2

Iĕm kư̆m băt mơ̆n hơtai iĕm tam mă lui kơ 'Bok Kei-Dei sơ̆, iĕm ling-lang gô mơ̆ng kơ đe dui ba iĕm kơkuh kơ rup yang mă ưh kơ gơh pơma.

Both 5:8

Lu iĕm 'nĕ kơ pơm rup yang na kơkuh, kư̆m 'nĕ kơ pơm rup nhen thoi tơmam kơpal plĕnh dah nhen sem brem thoi tơ ala teh âu, dah nhen thoi ka lăm đak sŭng.

I Pet 4:3

Kơplah iĕm tam mă lui sơ̆, iĕm pơm lơ boih tơdrong kơnê̆. Na dang ei 'nĕ pă pơm thoi lu bơngai sơmăt lăp đon; lu sư hưch hanh pơm tôm tơdrong kơnê̆ kư̆ kă, et sik suai, sa dư, pơm kư̆ kă lăm năr sư sa et tih kơkuh kơ rup yang sư.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.