Rom 1:20 - Sơ̆p Hlabơar Nơ̆r 'Bok Kei-Dei

²⁰ Đơ̆ng Sư pơjing plĕnh teh sơ̆ khơ̆ dang ei kon bơngai băt tôm tơmam đơ̆ng 'Bok Kei-Dei ngăl. Thoi noh kon bơngai băt nhên kơ 'Bok Kei-Dei Sư Yang tơm mơsêh mơyang ưh kơ tôch. Mă-lei kon bơngai bơ̆n oei khan ưh kơ đei 'Bok Kei-Dei 'mơ̆i, kon bơngai bơ̆n hơlĕnh dêh tơpă.

Rom 1:20 Iomraidhean Croise

Bl 1:1

Blŭng-a Kră Yang 'Bok Kei-Dei pơjing plĕnh păng teh.

Bl 21:33

Abraham đei pơtăm minh tơnơm 'long plei me tơ Bêrsêba păng tơ anih noh sư krao khan kơ Kră Yang, Kră Yang 'Bok Kei-Dei mă arih ling-lang.

Jop 12:7

Mă-lei apinh sem bri, lu sư gô bơtho pơhrăm kơ iĕm. Apinh lu sem păr, lu sư gô roi ăn kơ iĕm;

Horiso 104:31

Hơpơi kơ tơdrong ư-ang Kră Yang oei oei ling-lang; Hơpơi kơ Kră Yang hiôk chơt kơ tơdrong jang Sư.

Horiso 104:5

Sư dan teh tơ kơpal lu hơnă teh noh, wă kơ teh ưh pă tơdrŏ pơpơ̆ dơ̆ng

Horiso 119:90

Tơdrong sĭt 'lơ̆ng tơpăt Ih oei đei đơ̆ng jơhnơr âu truh tơ jơhnơr nai. Ih pơjing boih teh, teh oei kơjăp.

Horiso 139:13

Yua kơ Ih pơjing boih tơ lăm akâu inh. Păng pơjing boih inh tơ lăm klak mĕ inh.

Horiso 8:3

Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Horiso 90:2

Adrol kơ kông đak tam mă đei, teh hăm dêh char tam mă jing. Adrol kơ 'măng blŭng truh tơ ning-mônh Ih boih Kră Yang 'Bok Kei-Dei.

Êsai 26:4

Lui gơnang bĕ kơ Kră Yang ling-lang; Kră Yang jing hơgơp tơmo kơjăp ling-lang.

Êsai 40:26

Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Je 51:15

Kră Yang boih Tơ'ngla pơjing kơ teh hăm tơdrong mơsêh mơyang Sư. Sư yua tơdrong hơgei Sư pơjing kơ teh đak kơjăp păng yua tơdrong gơh băt sư bơyar plĕnh.

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Markôs 10:6

Blŭng-a sơ̆, ‘'Bok Kei-Dei pơjing minh 'nu drŏ-nglo, minh 'nu drŏ-kăn.’

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 15:22

“Dah Inh ưh kơ năm bơtho lu sư lei lu sư ưh kơ hil kơ Inh ôh. Mă-lei dang ei lu sư hil kơ Inh păng kuă kơ lui kơ tơdrong Inh bơtho na lu sư chă tơdrong yoch tơpă.

Jang 17:29

“Iĕm pơm rup yang phŏ păng maih, dah hu, dah păng tơmo. Iĕm pơm rup yang kiơ̆ kơ iĕm tơchĕng đon iĕm kơdih đĕch. Mă-lei 'Bok Kei-Dei pơjing bơ̆n kon Sư, na bơ̆n 'nĕ tơchĕng 'Bok Kei-Dei thoi lĕ rup yang đĕch ôh.

Jang 22:1

“Ơ lu mih ma 'nhŏng oh, apinh lu iĕm mơ̆ng inh 'biơ̆ bĕ. Inh wă pơma tơdrong đêl iĕm jô̆ kơ inh athei iĕm tŭk lê̆ tơdrong juăt Môis, inh athei iĕm tơpă dah ưh.”

Rom 1:19

'Bok Kei-Dei tơbăt kơ kon bơngai nhên dêh boih gah tơdrong Sư đei tơpă.

Rom 16:26

Mă-lei dang ei 'Bok Kei-Dei tơbăt ăn kơ bơ̆n boih, Sư tơbăt ăn kơ bơ̆n lăm tơdrong lu bơngai pơtruh nơ̆r Sư chih roi sơ̆. Sư wă kơ đĭ-đăng bơngai jơ̆p kơ teh đak băt kơ tơdrong 'nao 'lơ̆ng Yêsu Krist, wă kơ đĭ-đăng bơngai lui kơ Sư.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Rom 2:15

Bơ̆n 'bôh sư pơm tơdrong trŏ na bơ̆n băt kơ 'Bok Kei-Dei ăn kơ sư kơnăl tơdrong 'lơ̆ng tơdrong kơnê̆. Dah sư pơm yoch sư kư̆m băt kơdih pơm yoch. Dah sư pơm 'lơ̆ng sư kư̆m băt kơdih pơm 'lơ̆ng mơ̆n.

I Kor 1:20

Na tơ yơ lu bơngai đe khan 'bơ̆r đon ei? Tơ yơ bơngai đe ang khan lu sư hŏk hơgei? Tơ yơ lu bơngai mă pran kơ pơjah pơjăng lăm kon bơngai ala teh âu? 'Bok Kei-Dei jô̆ tơdrong noh boih tơdrong hơgei kon bơngai thoi lĕ kơtul.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.

Kôlôsê 1:15

Sư hơbŏ thoi 'Bă Sư 'Bok Kei-Dei Kră Yang mă bơ̆n ưh kơ gơh 'bôh. Kon Sư đei đơ̆ng blŭng-a sơ̆ adrol kơ đĭ-đăng tôm tơdrong.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Hêbrơ 11:27

Yua kơ sư đei đon lui, na sư jăk achăng lê̆ dêh Êyiptơ. Sư ưh kơ hli kơ 'bok pơtao hil kơ sư ôh, sư kư̆ kơ năm hloi, yua kơ sư dang lĕ 'bôh akâu 'Bok Kei-Dei mă bơ̆n ưh kơ 'bôh.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.