Rom 1:17 - Sơ̆p Hlabơar Nơ̆r 'Bok Kei-Dei

¹⁷ Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 1:17 Iomraidhean Croise

Êsêkiên 18:9

Chu kiơ̆ khôi juăt păng chu răk nơ̆r Inh tơtă. Bơngai âu arih sa tơpăt, noh jing bơngai tơpăt, sư gô đei tơdrong arih, Kră Yang khan thoi noh.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Jo 21:9

Thoi ei, Môis pơm minh dăng rup 'bih tang hling hăm kong, na tơ'băk tơ tơ̆r 'long gơgiĕr; bơngai bu mă 'bih choh sư boih, sư lăng tơ 'bih kong noh lei sư arih.

Yo 3:36

Bơngai bu lui kơ Kon Sư, bơngai 'noh sư gô oei hơdai hăm 'Bok Kei-Dei arih ling-lang. Bơngai bu ưh kơ lui yom kơ Kon Sư, bơngai 'noh sư ưh kơ đei arih ling-lang ôh. 'Bok Kei-Dei hil kơ sư tơpă păng sĭt gô phak sư ning-mônh.”

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Rom 3:21

Na dang ei 'Bok Kei-Dei wă tơ'bôh kơ bơ̆n tơdrong Sư wă ăn kơ kon bơngai jing 'lơ̆ng tơpăt. Sư jô̆ kon bơngai bơ̆n 'lơ̆ng tơpăt yua kơ bơ̆n lui kơ Yêsu, ưh kơ sĭ yua kơ bơ̆n gơnang kơ akâu kơdih wă kiơ̆ tơdrong juăt 'Bok Kei-Dei pơkă sơ̆ ôh. Tơdrong juăt Sư pơkă noh hăm lu bơngai pơtruh nơ̆r Sư sơ̆ tơbăt ăn kơ bơ̆n

Rom 3:22

'Bok Kei-Dei jô̆ đĭ-đăng kon bơngai jing 'lơ̆ng yua kơ sư lui kơ Yêsu Krist. Yua kơ thoi noh na dang ei bơ̆n băt boih đĭ-đăng bơngai dang ăi đĕch;

Rom 3:3

Inh kư̆m băt mơ̆n lu sư mơ'nah ưh kơ wă lui kơ tơdrong 'Bok Kei-Dei ăn kơ lu sư noh; mă lu sư ưh kơ lui, bơ̆n 'nĕ tơchĕng khan 'Bok Kei-Dei wă tŭk dôm tơdrong Sư pơkă wă tơgŭm noh, ưh ôh.

Rom 9:30

Thoi noh na lu bơngai tơmoi nai mă ưh kơ khŭl Isơrael, sơ̆ lu sư ưh kơ băt chă tơdrong pơm 'lơ̆ng hăm 'Bok Kei-Dei thoi yơ ôh, mă-lei 'Bok Kei-Dei kư̆m 'mêm kơ lu sư mơ̆n, kư̆m jô̆ lu sư bơngai 'lơ̆ng. Lu bơngai noh wă khan dôm lu bơngai khŭl nai mă oei gơnang kơ Yêsu.

II Kor 3:9

Tơ̆ng tơdrong pơkă noh sơ̆ 'lơ̆ng rŏ mă khan jô̆ kơ kon bơngai yoch, lei tơdrong pơgơ̆p 'nao mă jô̆ kơ kon bơngai 'lơ̆ng tơpăt dang ei 'lơ̆ng rŏ hloh loi kơ tơdrong pơkă so noh.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 3:11

Thoi âu dơ̆ng, bơ̆n băt boih dôm lu bơngai mă gơnang kơ akâu sư kơdih pơm kiơ̆ tơdrong juăt Môis, lu sư 'noh 'Bok Kei-Dei ưh kơ jô̆ lu sư bơngai 'lơ̆ng ôh. Bơ̆n băt thoi noh boih yua kơ sơ̆p hla bơar 'Bok Kei-Dei khan boih thoi âu: “Bơngai bu lui păng gơnang kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Hêbrơ 10:38

Lu bơngai 'lơ̆ng tơpăt kiơ̆ Inh, lu sư gô đei tơdrong arih, yua kơ lu sư đei đon lui. Mă-lei dah bơngai bu lêl kơdŭn tơ rŏng kuă kơ kiơ̆ Inh khŏm khŏm, bơngai noh Inh ưh kơ lăp đon kơ sư ôh.”