Rom 1:14 - Sơ̆p Hlabơar Nơ̆r 'Bok Kei-Dei

¹⁴ Inh oei hre kơ rim khŭl bơngai mă inh ưh tam năm chă bơtho tơdrong 'nao 'lơ̆ng Yêsu Krist, mă bơngai Grĕk, mă bơngai nai, mă bơngai kơtul, mă bơngai hơgei, inh oei tă hre kơ sư ngăl.

Rom 1:14 Iomraidhean Croise

Tơdrông Pơđơk 1:22

Ơ lu bơngai kơtul kơwao, Lu iĕm 'mêm kơ tơdrong kơtul kơwao dĭng dang yơ? Lu bơngai pơjăm pơjuă chơt hiôk pơjăm pơjuă dĭng dang yơ? Lu bơngai kơtul areh kơ tơdrong hơgei dĭng dang yơ?

Tơdrông Pơđơk 8:5

Ơ lu bơngai kơ hlôh, hŏk pơhrăm bĕ tơdrong hlôh wao, Ơ lu bơngai kơtul, iŏk bĕ tơdrong hlôh wao.

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Luka 10:21

Kơplah noh Yang Bơhngol 'Lơ̆ng ăn kơ Yêsu hiôk na Sư krao khan: “Ơ 'Bă, Ih boih Kră Yang plĕnh teh. Inh bơnê kơ Ih yua kơ dôm tơdrong Inh bơtho, Ih tơbăt kơ lu bơngai âu mă băt gơnang kơ Ih thoi lu hơ'lơ̆p băt gơnang kơ mĕ 'bă păng Ih ưh kơ tơhlôh kơ lu bơngai mă gơnang kơ akâu sư kơdih hŏk hơgei. Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Jang 22:21

Na Kră Yang Yêsu khan kơ inh: ‘Năm bĕ. Inh wơh ih năm bơtho lu đe pơlei ataih, lu bơngai tơmoi ưh kơ sĭ bơngai Juđê.’ ”

Jang 28:2

Lu bơngai nai oei tơ bŏl đak ei mơnat kơ nhôn na tơgŭm nhôn, yua kơ tơ ei bơyan 'mi păng tơngiĕt. Na lu bơngai ei rŭk ŭnh, na pơtơm nhôn nhur ŭnh sư ei.

Jang 28:4

Lu bơngai nai oei tơ bŏl đak ei 'bôh 'bih kăp pơđom ti Pôl, na lu sư pơma dih băl: “Rŏ lăng bơngai âu chă pơlôch đe rŏ lăng; mă-lei sư huay kơ lôch tơ đak dơsĭ iih, na dang ei yang Đêke kuă kơ lăng sư yua kơ sư pơm kơnê̆ kơ đe dêh, na sư wă lôch kơ 'bih choh.”

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Rom 1:22

Đon bơ̆n tơchĕng kơdih khan bơ̆n hơgei, mă tơpă bơ̆n kơtul dêh.

Rom 11:25

Ơ 'nhŏng oh, inh ưh kơ wă kơ iĕm pơang kơ đe khan iĕm bơngai hơgei hloh kơ bơngai Isơrael ôh. Na dang ei inh wă tơbăt ăn kơ iĕm minh tơdrong âu mă 'Bok Kei-Dei tam mă tơbăt ăn kơ bơ̆n đơ̆ng sơ̆, tơdrong noh thoi âu: Lu bơngai Isơrael mơ'nah kuă tơpă boih lui kơ 'Bok Kei-Dei, noh na Sư ăn kơ lu bơngai mă kuă noh jing arăng kơ̆l khŏm khŏm truh tơ Sư krao tôm kơ lu khŭl nai bu mă Sư rơih iŏk lui kơ Sư.

Rom 12:16

Bơ̆n athei kiơ̆ kơ jơhngơ̆m đon bôl buăl lăp đon, 'nĕ pơang akâu bơ̆n kơ sư; mă loi bơ̆n athei tơbôl hăm lu bơngai dơnuh, pơma dơnuh pơlung sư mă hiôk.

Rom 13:8

Tơdrong bơ̆n hre kơ đe, bơ̆n athei jah ăn na jah tôch. Mă gah tơdrong 'mêm kơ bôl buăl ưh kơ tôch ôh. Bơngai bu 'mêm kơ bôl buăl, bơngai noh ưh kơ hŭt ôh dôm tơdrong juăt 'Bok Kei-Dei pơkă.

Rom 16:19

Mă-lei gah iĕm, đĭ-đăng kơ đe băt kơ iĕm lui kơjăp tơpă, thoi noh na jơhngơ̆m inh hiôk dêh. Păng inh wă kơ iĕm hơgei, gơh tơchĕng tơdrong trŏ sư thoi yơ, tơdrong glăi sư thoi yơ. Inh ưh kơ wă kơ iĕm hơgei gah tơdrong kơnê̆ ôh.

Rom 8:12

Ơ 'nhŏng oh, yua kơ thoi noh na bơ̆n athei kiơ̆ tơdrong Yang Bơhngol 'Lơ̆ng, 'nĕ pă gơnang kơ akâu bơ̆n kơdih dơ̆ng.

I Kor 14:11

Mă-lei dah bơ̆n tơ'bơ̆p bơngai tơmoi pơma nơ̆r pha kơ bơ̆n, bơ̆n ưh kơ hlôh nơ̆r sư pơma, bơ̆n lăng sư bơngai tơmoi đĕch păng sư lăng bơ̆n kư̆m lei-lăi.

I Kor 14:16

Dah bu krao khan bơnê kơ 'Bok Kei-Dei yua nơ̆r hlĭch pơhiôk lăm jơhngơ̆m sư kơdih đĕch, lei thoi yơ bôl bơ̆n mă ưh kơ hlôh hơdai wang bơnê kơ 'Bok Kei-Dei tơdrong sư ưh kơ hlôh?

I Kor 2:13

Tôm tơdrong bơtho ưh kơ sĭ nhôn pơhrăm đơ̆ng lu bơngai hơgei ala teh âu ôh, nhôn pơhrăm đơ̆ng Yang Bơhngol 'Lơ̆ng bơtho nhôn. Nhôn bơtho tơblơ̆ tơblang kiơ̆ kơ Yang Bơhngol 'Lơ̆ng bơtho mơ̆n.

I Kor 3:18

Iĕm 'nĕ khan akâu iĕm kơdih, khan iĕm hơgei. Dah bu lăm lu iĕm tơchĕng khan sư hơgei tơdrong ala teh âu, bơngai 'noh athei hŭt lê̆ dôm tơdrong sư hơgei noh, na iŏk tơdrong hơgei 'lơ̆ng tơpăt 'Bok Kei-Dei.

II Kor 10:12

Lu bơngai noh 'bơ̆r lu sư kơdih đĕch khan trŏ kơ lu sư pơm jơ̆ng 'bang Yêsu Krist. Nhôn ưh kơ pơ̆n pơm thoi noh ôh, nhôn gô mơ̆ng kơ 'Bok Kei-Dei ăn. Lu bơngai noh lu sư ưh kơ hlôh, na lu sư tah akâu kơdih pơm jơ̆ng 'bang Yêsu.

II Kor 11:19

Lu iĕm bơngai hơgei dêh boih dah kiơ, na mă iĕm chu mơ̆ng dôm lu bơngai kơhlôh pơma kư̆ kă thoi noh?

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

II Tim 2:10

Inh đei tơdrong pơmat ling-lang, mă-lei inh oei adrin khŏm khŏm. Inh bơtho lu bơngai 'Bok Kei-Dei rơih wă kơ lu sư lui kơ Kră Yang Yêsu Krist, na 'Bok Kei-Dei gô pơklaih sư đơ̆ng tơdrong yoch păng atŏk sư oei hơdai păng Sư ling-lang ning-mônh.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.