Rom 1:13 - Sơ̆p Hlabơar Nơ̆r 'Bok Kei-Dei

¹³ Ơ 'nhŏng oh, inh khan tơbăt ăn kơ iĕm tơdrong inh khan wă năm ngôi hơpong tơ iĕm lơ 'măng boih mă ưh kơ yĕng. Inh 'maih bơtho 'biơ̆ pơlei iĕm, wă kơ đei bơngai lui rai lơ thoi lu kon pơlei nai mă ưh kơ khŭl Juđê, lu sư lui đơ̆ng inh bơtho.

Rom 1:13 Iomraidhean Croise

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Yo 12:24

Inh khan kơ iĕm tơpă, dah bơ̆n 'măn lê̆ adrĕch 'ba lăm kŭ ling-lang, sư ưh kơ chăt đei plei dơ̆ng ôh. Mă-lei dah bơ̆n rei sư tơ teh, bơ̆n lăng nhen lôch hiong, mă-lei găr lăm to sư gô chăt păng gô đei plei trem.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 4:36

Na bơngai bu adrin bơtho đe lui kơ 'Bok Kei-Dei, bơngai 'noh 'Bok Kei-Dei gô apah sư, kư̆m lei-lăi thoi tơ'ngla mir apah đe jang kĕch 'ba mir sư. Lu bơngai jang pơm mir, sư đei 'ba lơ tơpă; lu bơngai jang tơdrong 'Bok Kei-Dei kư̆m thoi noh mơ̆n. Sư krao lơ bơngai lui kơ 'Bok Kei-Dei, na lu bơngai lui kơ sư bơtho 'noh gô arih ling-lang. Bơngai mă bơtho đe hơdrol păng bơngai mă bơtho đe đơ̆ng rŏng na đe lui hloi kơ sư bơtho, bre noh, bre sư chơt hiôk lei-lăi đĕch.’

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 14:27

Lăp truh tơ pơlei ei boih, bre sư krao akŭm bơngai lui. Bre sư roi đĭ tơdrong 'Bok Kei-Dei tơgŭm bre sư păng tơdrong 'Bok Kei-Dei ăn kơ lu bơngai tơmoi mă ưh kơ khŭl Juđê lui kiơ̆ kơ 'Bok Kei-Dei.

Jang 15:12

Lăp lu sư kơtơ̆ng Pêtrôs pơma thoi noh, lu sư pă đei drơ̆ng tơwih dơ̆ng. Pôm bre Pôl păng 'Barna'ba đĕch roi gah tơdrong Kră Yang 'Bok Kei-Dei tơgŭm bre sư pơm lơ tơdrong mơsêh mơyang 'bơ̆t anăp lu bơngai tơmoi mă ưh kơ khŭl Juđê.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 21:19

Pôl kơkuh kơ lu sư păng ră roi kơ lu sư dôm tơdrong 'Bok Kei-Dei tơgŭm lu bơngai tơmoi mă ưh kơ khŭl Juđê kơlih kơ tơdrong jang Pôl.

Jang 28:14

Na nhôn tơ'bơ̆p bơngai lui kơ Yêsu tơ ei păng lu sư pơtơm nhôn oei păng lu sư minh 'măng giĕng. Đơ̆ng noh nhôn năm jơ̆ng hoh wă năm tơ Pơlei Rôm.

Rom 1:12

Inh wă kơ bơ̆n pơm thoi âu: Inh 'maih năm tơ iĕm wă kơ bơ̆n gơh tơgŭm dih băl, wă kơ inh 'bôh tơdrong lui iĕm, iĕm 'bôh tơdrong lui inh, noh na bơ̆n lui rai kơjăp hloh.

Rom 11:25

Ơ 'nhŏng oh, inh ưh kơ wă kơ iĕm pơang kơ đe khan iĕm bơngai hơgei hloh kơ bơngai Isơrael ôh. Na dang ei inh wă tơbăt ăn kơ iĕm minh tơdrong âu mă 'Bok Kei-Dei tam mă tơbăt ăn kơ bơ̆n đơ̆ng sơ̆, tơdrong noh thoi âu: Lu bơngai Isơrael mơ'nah kuă tơpă boih lui kơ 'Bok Kei-Dei, noh na Sư ăn kơ lu bơngai mă kuă noh jing arăng kơ̆l khŏm khŏm truh tơ Sư krao tôm kơ lu khŭl nai bu mă Sư rơih iŏk lui kơ Sư.

Rom 7:1

Ơ lu 'nhŏng oh, iĕm kư̆m băt boih gah tơdrong pơm kiơ̆ tơdrong juăt, kon bơngai bơ̆n pơm kiơ̆ tơdrong juăt kơplah bơ̆n oei arih đĕch, mưh lôch boih bơ̆n ưh pă gơh kiơ̆ dơ̆ng.

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

I Kor 10:1

Ơ 'nhŏng oh, gah tơdrong lu yă 'bok bơ̆n sơ̆, 'Bok Kei-Dei tơgŭm lu sư tơpă. 'Bok Kei-Dei ăn hơmơ̆l wei-lăng lu sư păng 'Bok Kei-Dei kư̆m tơgŭm lu sư tŏk găn đak dơsĭ huay kơ đei tơdrong kiơ.

I Kor 12:1

Ơ 'nhŏng oh, dang ei inh wă roi ăn kơ iĕm mă nhên gah tơdrong hơgei Yang Bơhngol 'Lơ̆ng ăn kơ bơ̆n wă jang tơdrong 'Bok Kei-Dei.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

I Kor 14:26

Ơ 'nhŏng oh, iĕm băt tơdrong inh pơma hei thoi noh boih, na iĕm wă pơđâu băl thoi yơ dơ̆ng gah tơdrong iĕm wă akŭm? Kơplah iĕm akŭm, bơngai âu sư wă hơri bơnê kơ 'Bok Kei-Dei, bơngai noh sư wă bơtho, bơngai to sư wă pơtruh nơ̆r đơ̆ng 'Bok Kei-Dei, bơngai nai wă pơma nơ̆r hlĭch ư-ang kơ 'Bok Kei-Dei, bơngai nai dơ̆ng wă tơblơ̆ tơdrong pơma nơ̆r hlĭch. Mă-lei dôm tơdrong iĕm pơm noh inh athei iĕm pơm mă trŏ wă atŏk jơhngơ̆m bôl buăl bơngai lui.

I Kor 9:2

Mă đe nai khan inh bơngai ưh kơ trŏ kơ jơ̆ng 'bang Yêsu kư̆m bưh mơ̆n, mă-lei gah iĕm, iĕm băt kơ inh bơngai jơ̆ng 'bang Yêsu tơpă, yua kơ iĕm lui kơ Sư đơ̆ng inh bơtho iĕm.

II Kor 1:8

Ơ 'nhŏng oh, nhôn wă roi tơbăt ăn kơ iĕm gah tơdrong đe pơmat nhôn tơ dêh Asi. Nhôn pŭ pơmat trăp dêh, nhôn pă ngêh kơ arih boih.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

Galati 3:15

Ơ 'nhŏng oh, inh wă pơma tơdrong pơtih gia ăn kơ iĕm thoi âu: Dah 'bar 'nu bơngai pơgơ̆p dih băl tơdrong kiơ kiơ, na chih anăn bre sư tơ lăm hla bơar pơgơ̆p noh, na lu bơngai nai ưh kơ đei bu gơh sut tơhiong lê̆ dah chih pơthim ăn tơ lăm hla bơar pơgơ̆p noh dơ̆ng.

Galati 6:18

Ơ lu 'nhŏng oh, nhôn apinh Kră Yang Yêsu Krist wei-lăng rim 'nu kơ lu iĕm tôm tơdrong. A-men.

Philip 1:22

Dah inh oei arih, inh oei jang tơdrong Sư, oei yua khŏm khŏm. Na 'bar tơdrong 'noh inh ưh kơ băt wă iŏk mă ayơ. Tơdrong 'nâu kư̆m kăl, tơdrong 'noh kư̆m kăl.

Philip 4:17

Mă-lei ưh kơ sĭ inh apơi chă iĕm wă kơ iĕm tơgŭm inh ôh. Tơdrong noh inh hiôk tơpă, iĕm tơgŭm inh 'Bok Kei-Dei kư̆m tơgŭm iĕm mơ̆n.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 1:6

Lăp iĕm kơtơ̆ng đe bơtho tơdrong 'Bok Kei-Dei 'mêm mơnat kơ bơ̆n sơ̆ na iĕm hlôh hloi; đơ̆ng năr noh boih iĕm jing bơngai 'nao, na bơngai lui iĕm rai đunh rai lơ, kư̆m thoi đe bơtho jing kơtơ̆ng jơ̆p-jang kơ teh đak đei lơ bơngai lui.

I Tes 2:18

Anăn inh Pôl lơ 'măng boih wă năm ră tơ iĕm, mă-lei yang Satan nŏng kơ pơgăn kuă ăn inh năm.

I Tes 4:13

Ơ 'nhŏng oh, nhôn roi tơpăt kơ iĕm wă kơ iĕm băt gah lu bơngai lui lôch boih sư gô iung arih dơ̆ng. Apinh iĕm 'nĕ kơ sơ'ngon thoi lu bơngai ưh kơ lui sư khan lôch ưh kơ gơh iung arih dơ̆ng.

II Tes 2:7

'Bok Kei-Dei ăn kơ bơ̆n băt gah tơdrong bơngai kơnê̆ ayăt kơ Sư ning-mônh ei. Dang ei kư̆m đei lu bơngai wă pơm kơnê̆ thoi bơngai mă kơnê̆ ei ning-mônh mơ̆n. Na 'bok yŏng lu sư, wă khan 'bok mă pơm kơnê̆ tam mă truh ei, gô đe achăng tơdrong pơgăn sư 'mơ̆i na sư truh.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.