Rom 1:1 - Sơ̆p Hlabơar Nơ̆r 'Bok Kei-Dei

¹ Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

Rom 1:1 Iomraidhean Croise

I Ho 23:13

Kon drŏ-nglo Amram noh: Arôn păng Môis; Arôn păng kon sâu sư klah asong băl, wă pơyơ̆r lu tơmam soi 'lơ̆ng rơgoh păng ling-lang pơyơ̆r tơmam soi ăn kơ Kră Yang, bơ̆jang 'bơ̆t anăp Kră Yang hăm yua anăn Kră Yang sơkat ăn pŭn hiôk kơ kon pơlei pơla ling-lang.

Êsai 49:1

Ơ lu bơngai oei lăm bŏl đak dơsĭ mơ̆ng Inh bĕ! Ơ lu kon pơlei oei ataih mơ̆ng bĕ, Kră Yang krao iŏk inh đơ̆ng lăm klak mĕ inh. Anăn ăn kơ inh đơ̆ng inh oei lăm klak mĕ inh.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Markôs 1:14

Lăp đơ̆ng rŏng kơ đe phak Yôhan, Yêsu năm tơ dêh Galilê chă bơtho đe tơdrong 'nao 'lơ̆ng 'Bok Kei-Dei.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 15:15

Dang ei Inh ưh pă lăng iĕm thoi đĭch đam Inh boih. Inh lăng iĕm thoi buăl juăt Inh tơpă. Lu bơngai đĭch đe, yŏng sư ưh kơ roi tôm tơdrong sư ôh. Mă-lei Inh roi kơ iĕm tôm tơdrong Inh kơtơ̆ng đơ̆ng 'Bă Inh.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.

Jang 13:9

Đe kư̆m anăn Sôl, noh Pôl. Na Pôl 'bĕnh kơ Yang Bơhngol 'Lơ̆ng. Pôl lăng bơngai pơjâu ei pơnhên khan hloi: “E bơngai plơ̆ plĕch hơlĕnh kơ đe ling-lang. E kon yang Satan, tang găn tơdrong 'lơ̆ng Kră Yang. Inh wă bơtho tơdrong 'Bok Kei-Dei tơpăt mă-lei e khan inh hơlĕnh. Ưh kơ trŏ inh hơlĕnh ôh, e hơlĕnh kơ tơdrong Kră Yang 'Bok Kei-Dei.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:40

'Bok tih linh ăn kơ sư pơma, na Pôl dơ̆ng 'bơ̆t kung yơ̆r ti sư wă kơ lu kon pơlei pơla oei thĕng. Lăp lu sư thĕng ưh pă đei pơma boih, na Pôl pơma kơ lu sư hăm nơ̆r Juđê:

Jang 22:21

Na Kră Yang Yêsu khan kơ inh: ‘Năm bĕ. Inh wơh ih năm bơtho lu đe pơlei ataih, lu bơngai tơmoi ưh kơ sĭ bơngai Juđê.’ ”

Jang 22:7

Inh huŏng hơtat hloi đơ̆ng kơdŭ aseh hăm kơtơ̆ng hloi nơ̆r pơma kơ inh thoi âu: ‘Ơ Sôl, Inh pơm kiơ kơ ih na ih pơm kơnê̆ kơ Inh?’

Jang 26:1

Na pơtao Agripa khan kơ Pôl: “Dang ei ăn kơ ih gơh pơma dŏng akâu ih kơdih.” Na Pôl yơ̆r ti pơma hloi dŏng kơdih akâu:

Jang 26:14

Klaih kơ noh nhôn huŏng hơtat hloi đơ̆ng kơdŭ aseh hăm inh kơtơ̆ng hloi nơ̆r đơ̆ng plĕnh pơma thoi âu, nơ̆r Juđê: ‘Ơ Sôl, Inh pơm kiơ kơ ih, na ih pơm kơnê̆ kơ Inh? Ih pơm kơnê̆ kơ Inh na ih đei tơdrong pơrăm kơdih akâu thoi lĕ kơ rơmo ưh kơ chu, na sư kơtong 'bơm 'long sơnguĕt suĕng tơ'ngla sư puh sư.’

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 11:13

Na dang ei inh wă pơma kơ lu iĕm bơngai nai. 'Bok Kei-Dei ăn kơ inh pơm jơ̆ng 'bang Yêsu, wă kơ inh bơtho iĕm mă ưh kơ khŭl Isơrael. Yua kơ thoi noh na inh adrin tơpă kơ tơdrong jang inh

Rom 15:16

Sư wơh inh jang tơdrong Yêsu, bơtho tơdrong 'nao 'lơ̆ng 'Bok Kei-Dei kơ đĭ-đăng lu khŭl tơmoi mă ưh kơ khŭl Juđê, wă kơ lu bơngai noh jing bơngai 'nao 'lơ̆ng tơpăt hăm 'Bok Kei-Dei. 'Noh wă khan dang inh pơyơ̆r lu sư kơ 'Bok Kei-Dei, na 'Bok Kei-Dei sơng iŏk lu sư, yua kơ Yang Bơhngol 'Lơ̆ng ăn kơ lu sư jing bơngai 'nao rơgoh 'lơ̆ng boih.

Rom 15:29

Inh băt mơ̆n mưh truh tơ iĕm kơnh, Yêsu Krist gô tơgŭm inh, wă kơ inh tơgŭm iĕm dơ̆ng.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Rom 16:25

Bơnê kơ 'Bok Kei-Dei, Sư boih gơh tơgŭm iĕm lui kơjăp, inh bơtho iĕm tơdrong 'nao 'lơ̆ng Yêsu Krist wă kơ iĕm băt Sư gơh ăn kơ iĕm lui kơjăp. Tơdrong Yêsu Krist âu lu kră sơ̆ ưh tam kơtơ̆ng ôh.

I Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi 'nhŏng bơ̆n Sôten,

I Kor 9:1

Dah inh wă, inh gơh pơm tôm tơdrong kiơ̆ thoi iĕm mơ̆n. Inh boih jơ̆ng 'bang Yêsu; inh 'bôh Sư tơpă, Sư Yang pơm Yŏng pơgơ̆r bơ̆n; păng iĕm lui kơ Sư đơ̆ng Sư tơgŭm inh bơtho iĕm.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

II Kor 11:5

Iĕm tơchĕng lu bơngai noh jơ̆ng 'bang Yêsu Krist tơpă, lu sư hơgei tơpă hă? Inh hơgei mơ̆n, inh ưh kơ thuơ kơ lu sư ôh.

II Kor 11:7

Kơplah inh bơtho iĕm tơdrong 'nao 'lơ̆ng 'Bok Kei-Dei sơ̆, inh iŏk đon ala kơ đe ưh kơ wă iŏk sa tơmam iĕm apah; inh jang sa kơdih bơtho rah iĕm wă kơ iĕm hiôk chơt. Đe ưh kơ hiôk kơ inh tơdrong noh hă na đe pơjăm inh ei?

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 2:12

Đơ̆ng rŏng kơ inh chih kơ iĕm kơthơ noh ki, inh năm tơ Pơlei Trôs bơtho tơdrong 'nao 'lơ̆ng Yêsu Krist tơ noh. 'Bok Kei-Dei pơchoh trong kơ inh năm jang tơdrong Sư tơ noh.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

Galati 1:1

Inh Pôl chih hơpong kơ lu bơngai lui tơ dêh char Galati. Jet gia 'nhŏng oh. Lu 'nhŏng oh bơngai lui tơ inh âu kư̆m đei nơ̆r jet gia kơ iĕm mơ̆n. Inh pơm jơ̆ng 'bang Yêsu Krist yua kơ Sư ăn inh pơm jơ̆ng 'bang Sư. 'Bă Sư 'Bok Kei-Dei tơiung arih Sư đơ̆ng lôch păng Sư kư̆m ăn kơ inh pơm jơ̆ng 'bang Yêsu mơ̆n. Ưh kơ sĭ kon bơngai ăn kơ inh ôh. Ưh kơ sĭ kon bơngai pơtruh ăn kơ inh nơ̆r 'Bok Kei-Dei athei inh pơm jơ̆ng 'bang Yêsu ôh, inh kơtơ̆ng đơ̆ng Sư đĕch khan kơ inh.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

Êphêsô 1:13

Na sơ̆ lăp iĕm kơtơ̆ng đe bơtho tơdrong 'nao 'lơ̆ng Sư wă kơ iĕm klaih đơ̆ng tơdrong yoch, na iĕm lui hloi kơ tơdrong đe bơtho noh. 'Bơ̆t noh iĕm đei Yang Bơhngol 'Lơ̆ng 'Bok Kei-Dei jur oei păng iĕm kư̆m thoi 'Bok Kei-Dei pơkă khan wă ăn sơ̆, na iĕm mơn kơdih iĕm jing kon Sư păng pôm đon hăm Kon Sư Yêsu Krist.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.

Philip 2:11

Đĭ-đăng bơngai gô kơnăl kơ Sư Kră Yang, na kon bơngai ư-ang kơ 'Bă Sư 'Bok Kei-Dei.

Kôlôsê 1:1

Inh âu Pôl bơngai mă 'Bok Kei-Dei rơih pơm jơ̆ng 'bang Yêsu Krist; na âu nhi oh bơ̆n Timôthê

Kôlôsê 1:25

'Bok Kei-Dei wă kơ inh jang tơgŭm lu bơngai khŭl nai lui kơ Sư wă khan lu iĕm âu boih; păng Sư wă kơ inh bơtho tơbăt kơ đe tơdrong Sư jơ̆p-jang kơ anih.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

I Tes 2:8

Nhôn mơnat kơ iĕm na nhôn bơtho ăn kơ iĕm tơdrong 'nao 'lơ̆ng đơ̆ng 'Bok Kei-Dei. Ưh kơ sĭ nhôn wă bơtho đĕch ôh, nhôn mơnat kơ iĕm hăm đĭ jơhngơ̆m nhôn wă lôch tơpă.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

I Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu Krist đơ̆ng inh bơtho ih sơ̆. Kră Yang 'Bok Kei-Dei hăm Kon Sư Yêsu Krist athei inh pơm jơ̆ng 'bang Sư. 'Bok Kei-Dei dŏng pơklaih bơ̆n đơ̆ng tơdrong yoch. Bơ̆n lui kơ Yêsu Krist bơ̆n băt kơ Sư gô ăn kơ bơ̆n oei hơdai hăm Sư ning-mônh. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

II Tim 1:11

'Bok Kei-Dei rơih inh pơm jơ̆ng 'bang Sư wă bơtho tơdrong 'nao 'lơ̆ng 'noh.

Tit 1:1

Pôl chih hơpong kơ Tĭt. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu đơ̆ng inh bơtho ih sơ̆. Inh boih đĭch đam 'Bok Kei-Dei păng jơ̆ng 'bang Yêsu Krist. 'Bok Kei-Dei wơh inh bơtho kon bơngai đêl Sư rơih iŏk wă kơ lu sư lui kơ Sư păng wă tơbăt ăn kơ lu sư tơdrong Sư, na lu sư gơh pơm tơdrong 'lơ̆ng tơpăt. Thoi noh na lu sư gô arih ling-lang. 'Bok Kei-Dei ưh kơ hơlĕnh ôh. Đơ̆ng blŭng-a sơ̆, đơ̆ng Sư tam mă pơjing plĕnh teh, đơ̆ng noh boih Sư pơkă khan gô ăn kơ bơ̆n arih ling-lang. Na truh sơnăm Sư boih, na Sư pơtruh ăn kơ bơ̆n tơdrong 'nao 'lơ̆ng Sư wă ăn kơ bơ̆n arih ling-lang. Thoi noh boih 'Bok Kei-Dei dŏng pơklaih bơ̆n. Kư̆m Sư boih athei inh bơtho tơdrong 'nao 'lơ̆ng Sư. Ơ dăm, inh krao khan apinh 'Bă tơm bơ̆n 'Bok Kei-Dei hăm 'Bok Dŏng Pơklaih bơ̆n Yêsu Krist wei-lăng ih tôm tơdrong wă kơ Sư ăn kơ ih hiôk-hian ling-lang.

Hêbrơ 5:4

Tơdrong pơm 'bok soi tih, tơ̆ng 'Bok Kei-Dei ưh kơ rơih iŏk, kon bơngai ưh kơ đei bu gơh pơm kơdih ôh; đơ̆ng 'Bok Kei-Dei rơih iŏk na kon bơngai gơh pơm. Thoi 'bok Arôn sơ̆ 'Bok Kei-Dei rơih iŏk 'mơ̆i na sư gơh pơm 'bok soi tih.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.

Tơdrông Tơ'bôh 22:6

Linh jang ei khan dơ̆ng kơ inh: “Tôm tơdrong âu gô đei tơpă bơ̆n gơh lui. Sơ̆ 'Bok Kei-Dei wơh lu bơngai pơtruh nơ̆r Sư, mă dang ei kư̆m thoi noh Sư kư̆m wơh inh mă linh jang 'lơ̆ng Sư hai, năm chă pơtruh kơ lu đĭch đam Sư tơdrong wă jê̆ truh noh.”

Tơdrông Tơ'bôh 22:9

Mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih mă pơtruh nơ̆r Sư păng thoi lu bơngai mă lui kiơ̆ kơ tơdrong chih lăm sơ̆p hla bơar âu. Ih athei kơkuh kơ 'Bok Kei-Dei đĕch trŏ.”