Philip 4:21 - Sơ̆p Hlabơar Nơ̆r 'Bok Kei-Dei

²¹ Iĕm roi kơ đĭ-đăng lu kon 'Bok Kei-Dei tơ iĕm âu, inh đei nơ̆r jet gia pơma apơi rơnguơ̆ ră kơ lu sư, kơlih kơ lu sư hơdai lui kơ Yêsu Krist. Lu 'nhŏng oh bơ̆n mă oei hăm inh, lu sư kư̆m jet gia iĕm hăm oei 'lơ̆ng akâu.

Philip 4:21 Iomraidhean Croise

Mathiơ 5:47

Dah iĕm bôl tơduă lu 'nhŏng oh iĕm đĕch, lei 'Bok Kei-Dei lăng iĕm ưh kơ đei pha kiơ ôh. Lei lu bơngai mă ưh kơ lui kư̆m pơm thoi noh mơ̆n.

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

Galati 2:3

Tĭt sư bơngai Grĕk sư kư̆m lui kơ Yêsu boih, sư ưh tam mă kăt tơdra akar sư kiơ̆ kơ tơdrong juăt nhôn bơngai Juđê, mă-lei lu bơngai pơgơ̆r bơngai lui kư̆m ưh kơ đei athei Tĭt kăt tơdra akar sư mơ̆n.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.

Philip 4:7

Thoi noh na 'Bok Kei-Dei ăn kơ iĕm hiôk huay kơ tơchĕng lơ tơdrong păng huay kơ tơchĕng kơ tơdrong hli, yua kơ iĕm lui gơnang boih kơ Yêsu Krist. Tơ̆ng bơ̆n gơnang kơ đon bơ̆n tơchĕng kơdih đĕch bơ̆n ưh kơ hiôk ôh.