Philip 4:18 - Sơ̆p Hlabơar Nơ̆r 'Bok Kei-Dei

¹⁸ Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

Philip 4:18 Iomraidhean Croise

Le 29:18

Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Jo 15:3

lu iĕm pơyơ̆r kơ Kră Yang tơmam soi soh păng ŭnh dah tơmam soi 'buh, noh minh tơmam soi dah pơyơ̆r, dah tơmam soi wă pơsĭt nơ̆r pơkă, dah pơyơ̆r tơmam soi lăm năr kơ̆m tih, lu iĕm 'maih wă pơyơ̆r ăn kơ Kră Yang tơmam soi đei 'bâu phu păng rơmo dah triu,

Jo 7:62

minh hlak pơnhan maih trăp mơjĭt seikơl, 'bĕnh kơ pơgang 'bâu phu,

Jang 10:4

Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

II Kor 11:8

Inh đei sa apah mơ̆n, đơ̆ng lu bơngai lui pơlei nai. Inh iŏk đĕch tơmam lu sư kư̆m ưh kơ 'lơ̆ng ră, mă-lei wă kơ inh gơh jang tơgŭm iĕm.

II Kor 9:12

Iĕm hơlăng kơ đe jên tơmam, ưh kơ sĭ yua kơ sư jơ̆l đĕch ôh, iĕm kư̆m dang tơgŭm sư bơnê kơ 'Bok Kei-Dei.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Philip 4:12

Mă arih pơmat-tat, mă arih hiôk jơnap inh băt tôm boih. Mă oei tơ yơ, mă tơdrong kiơ truh kơ inh, inh kư̆m juăt juăi boih, mă phĭ-phăt, mă pơngot rơwĕt, mă rơkah rơkai, dah ưh kơ mah.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.