Philip 3:13 - Sơ̆p Hlabơar Nơ̆r 'Bok Kei-Dei

¹³ Ơ lu 'nhŏng oh, inh băt boih inh pơm ưh tam mă tôm dôm tơdrong 'noh; na inh ưh pă tơchĕng boih dôm tơdrong so, inh tơchĕng kơ tơdrong jang inh tơ anăp đĕch. Inh wă adrin thoi lu bơngai kơdâu pơjei adrin kơdâu tôch kơ anih đêl đe pơkă, wă kơ inh gơh iŏk dôm tơdrong 'Bok Kei-Dei apah inh.

Philip 3:13 Iomraidhean Croise

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Horiso 45:10

Ơ kon drŏ-kăng inh, mơ̆ng bĕ, tơtĭnh bĕ, pơgling đon bĕ. Hiơt bĕ kơ kon pơlei păng hnam dơnŏ 'Bă ih.

Luka 10:42

Đei minh tơdrong mơ̆ng nơ̆r 'Bok Kei-Dei đĕch kăl. Mari sư wă kơ mơ̆ng tơdrong 'Bok Kei-Dei na Inh ưh kơ wă achăng sư ôh.”

Luka 9:62

Na Yêsu khan kơ sư: “Bơngai bu wă rơuơ mir sư wă kơ tơpăt, sư 'noh ưh kơ hue-huo 'ma 'ngiĕo ôh. Na bơngai bu wă kiơ̆ Inh kư̆m athei adrin thoi noh mơ̆n. Tơ̆ng sư hue-huo 'ma 'ngiĕo lei sư ưh kơ trŏ kơ bơtho tơdrong 'Bok Kei-Dei pơgơ̆r kon bơngai ôh.”

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Philip 2:12

Ơ lu 'nhŏng oh mă inh 'mêm kơeng, iĕm băt boih Yêsu Krist iŏk đon ala thoi noh na iĕm athei adrin pơm kiơ̆ khŏm khŏm păng adrin pơm mă 'blep thoi 'Bok Kei-Dei wă, hli kơ Sư ưh kơ iŏk iĕm kơplah Yêsu Krist jur ning-mônh. Sơ̆ kơplah inh oei hăm iĕm, inh 'bôh iĕm pơm kiơ̆ 'blep tơpă, mă đơ̆ng kơdrô̆ iĕm dang ei inh ưh kơ băt, na iĕm athei kiơ̆ mă tơpă hloh kơ noh dơ̆ng.

Philip 3:12

Mă-lei tôm tơdrong inh ưh tam mă pơm 'blep thoi 'Bok Kei-Dei ôh. Mă-lei lăm jơhngơ̆m klơm klak inh adrin tôch bơneh thoi bơngai kơdâu pơjei ră. Inh adrin khŏm khŏm wă kơ pơm tôm tơdrong đêl Yêsu pơkă kơ inh kơplah Sư iŏk inh sơ̆.

Philip 3:8

Mă tơdrong kiơ đe khan yua, inh lăng ưh pă yua boih, yua kơ dôm tơdrong inh sơđơ̆ng kơ Yŏng inh Yêsu Krist kăl hloh kơ đĭ-đăng tơdrong noh. Inh hăt kơ kiơ̆ Sư lê̆ đĭ dôm tơdrong akâu inh sơđơ̆ng thoi lĕ kơ hla đuih đăm, wă kơ inh gơh sơng iŏk Yêsu Krist,

Hêbrơ 6:1

Thoi noh dang ei bơ̆n ưh kơ kăl boih pơhrăm dơ̆ng dôm tơdrong mă bơ̆n 'nao pơtơm lui kơ Yêsu, tơdrong mă tơbral kơdih tơdrong yoch, tơdrong lui kơ 'Bok Kei-Dei,

II Pet 3:8

Ơ lu 'nhŏng oh mă inh 'mêm kơeng, iĕm 'nĕ hiơt kơ tơdrong âu hŏ: Yua kơ 'Bok Kei-Dei Sư Yang, Sư lăng minh năr dang minh-rơbâu sơnăm, minh-rơbâu sơnăm dang lĕ kơ minh năr đĕch. Bơ̆n tơchĕng Sư gô đunh mă Sư lăng ưh kơ đunh ôh.