Philip 3:11 - Sơ̆p Hlabơar Nơ̆r 'Bok Kei-Dei

¹¹ Inh adrin thoi noh wă kơ ning-mônh inh iung arih thoi Sư.

Philip 3:11 Iomraidhean Croise

Horiso 49:7

Ưh kơ đei bu gơh huai iŏk 'nhŏng oh lu sư kơdih.f Kŭm ưh kơ đei bu kĕ ăn kơ Kră Yang 'Bok Kei-Dei tơmam wă huai iŏk.

Luka 14:14

Na ih gô hiôk yua kơ lu sư ưh kơ gơh wơ̆n hơlơ̆k kơ ih dơ̆ng ôh. Na 'Bok Kei-Dei gô apah ih lăm năr lu bơngai 'lơ̆ng iung arih dơ̆ng ning-mônh.”

Yo 11:24

Mathê khan: “Inh băt mơ̆n sư gô iung arih năr tôch ning-mônh.”

Jang 23:6

Lăm lu kră sek tơlang, Pôl kơnăl kơ lu sư 'bar khŭl bơngai lui phara, khŭl Sađusê păng khŭl Pharisi. Na Pôl khan: “Ơ lu 'nhŏng oh, inh bơngai Pharisi. 'Bă inh kư̆m bơngai Pharisi lei-lăi mơ̆n. Dang ei iĕm sek tơlang tơdrong inh yua kơ inh lui kơ lu bơngai lôch iung arih ning-mônh.”

Jang 26:7

Đĭ-đăng mơjĭt-'bar khŭl adrĕch bơngai Juđê bơ̆n chang gô 'Bok Kei-Dei ăn tơdrong Sư pơkă 'noh. Yua kơ thoi noh lu bơ̆n ling-lang oei kơkuh kơ 'Bok Kei-Dei hăm đĭ jơhngơ̆m bơ̆n. Ơ 'bok pơtao, yua kơ inh kư̆m chang gô tơdrong pơkă 'noh mơ̆n, lu bơngai Juđê jâu inh.

Jang 27:12

Nhôn oei tơ anih ei kư̆m ưh kơ 'lơ̆ng ôh yua kơ kial dơhlu hơbŭt tih ei lăm bơyan 'mi, na lu bơngai hao thŏng-nan ei wă năm tơ đak dơsĭ dơ̆ng, wă năm truh tơ Pơlei Phênik. Pơlei Phênik kư̆m tơ bŏl đak ei mơ̆n na tơ ei kial đơ̆ng hơlĕch hăm đơ̆ng gah yă-nơ̆m dơhlu dă 'biơ̆. Lu sư wă oei tơ ei lăp oei hơtai bơyan 'mi.

Rom 11:14

wă kơ lu bôl inh bơngai Isơrael 'nhĕng iĕm, na lui kiơ̆ iĕm, klaih kơ tơdrong yoch thoi iĕm.

I Kor 15:23

Rim 'nu kơ bơ̆n athei gô lăp kơ khei 'năr. Yêsu Krist Sư thoi lĕ kơ 'ba hrôih, Sư iung arih hơdrol kơ bơ̆n. Mưh lăp kơ khei 'năr Sư wă jur tơ ala teh âu, đĭ-đăng bơngai lui iung arih kiơ̆ Sư.

I Kor 9:22

Kơplah inh chă bơtho kơ lu bơngai ưh kơ gan hlôh tôm tơdrong 'Bok Kei-Dei, inh kư̆m pơm thoi sư mơ̆n wă kơ pơlung sư lui kơjăp. Inh druh kiơ̆ rim đon kon bơngai wă kơ gơh pơlung lu sư lui kơ Yêsu Krist na klaih đơ̆ng dôm tơdrong yoch.

I Kor 9:27

Inh adrin pơm jơhngơ̆m chơ̆n kuă ăn akâu inh pơm yoch, hli kơ inh bơtho đe, đe lui mơ̆n, mă akâu inh kơdih hiong tơdrong apah.

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

I Tes 3:5

Yua kơ iĕm đei tơdrong đe areh kơ iĕm tơpă, na inh pă kĕ ĕnh, na wơh Timôthê năm tơ iĕm ki, wă kơ sư jet iĕm, wă kơ băt iĕm oei lui kơjăp kơ Kră Yang Yêsu dah ưh. Inh hli dêh kơ yang Satan pơhlŭ iĕm achăng lê̆ tơdrong lui bơ̆n. Yua kơ đêl nhôn mah bơtho gleh tơpă tă ưh kơ yua kiơ, inh 'mêm dêh.

II Tes 2:3

Bơngai ei sư khan năr tôch wă jê̆ truh boih sơmă iĕm 'nĕ kơ lui kơ sư hŏ. Kơlih kơ ning-mônh gô đei lơ bơngai akŭm wă pơtơm blah 'Bok Kei-Dei păng gô đei minh 'nu bơngai kơnê̆ tơpă tơ ala teh âu. 'Bok Kei-Dei wă phak sư tơpă ning-mônh. Mă tơpă, hơdrol kơ bơngai kơnê̆ ei truh, năr tôch ưh tam mă truh tơpă ôh.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Hêbrơ 11:35

Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.

Tơdrông Tơ'bôh 20:5

Lu sư noh iung arih mă mônh adrol kơ bơngai nai. Gah lu bơngai nai, lu sư ưh kơ iung arih ôh. Dĭng tôch kơ minh-rơbâu sơnăm ei 'mơ̆i gơh.