Philip 3:1 - Sơ̆p Hlabơar Nơ̆r 'Bok Kei-Dei

¹ Ơ lu 'nhŏng oh, hiôk bĕ iĕm yua kơ iĕm lui boih kơ Yêsu. 'Nâu inh chih kơ iĕm dơ̆ng, kư̆m thoi tơdrong inh chih kơ iĕm hơdrol mơ̆n. Mă inh chih kơ iĕm lei-lăi thoi tơdrong hơdrol, iĕm 'nĕ kơ tơchĕng khan inh gleh; ưh ôh, yua kơ inh 'mêm kơ iĕm wă kơ iĕm lui mă kơjăp.

Philip 3:1 Iomraidhean Croise

I Ho 15:28

Na đĭ-đăng bơngai Isơrael năm tung Hom Pơgơ̆p Kră Yang hăm nơ̆r jreo tơkĕch hiôk chơt, kơtơ̆ng jơwa hlôm keng păng jơwa tơgiĕp preh chhar reh tĭng-nĭng păng brŏ dung.

I Ho 16:10

Ư-ang bĕ anăn rơgoh 'lơ̆ng Sư; Ăn jơhngơ̆m lu đe bu chă Kră Yang đei tơdrong chhôk hơnôk.

I Ho 29:22

lăm năr noh, lu sư sa et hiôk chơt 'bơ̆t anăp Kră Yang. Đơ̆ng rŏng noh wơ̆t mă 'bar lu sư pôk pơyom Sôlômôn kon drŏ-nglo Đawit pơm pơtao, lu sư tuh đak pơgang 'bâu phu kơ sư 'bơ̆t anăp Kră Yang, păng pôk ăn Sađôk pơm 'bok soi.

Ne 8:10

Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Jop 22:26

Kơplah 'noh, ih gô đei tơdrong hiôk rơnŭk lăm Kră Yang Tih Hloh, ih gô hiôk ngơk muh măt tơ Kră Yang 'Bok Kei-Dei.

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 32:11

Ơ lu bơngai tơpăt, chơt hiôk bĕ Păng 'nă hal bĕ lăm Kră Yang! Ơ lu bơngai đei jơhngơ̆m tơpăt, ôr jreo chơt bĕ!

Horiso 33:1

Ơ lu bơngai tơpăt, chơt hiôk bĕ lăm Kră Yang. Tơdrong bơnê trŏ kơ lu bơngai tơpăt.

Horiso 37:4

Hiôk chơt bĕ lăm Kră Yang, na Sư gô ăn kơ ih tơdrong kiơ ih 'maih wă.

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 5:11

Mă-lei bu gơnang kơ Ih gô oei hiôk chơt, lu sư gô hơri chơt hiôk ling-lang. Apinh Ih wei-lăng lu sư. Bơngai bu 'mêm kơ anăn Ih kư̆m gô 'nă hal lăm Ih.

Horiso 97:1

Kră Yang pơgơ̆r, ơ teh chhôk hal bĕ; Ơ lu bŏl đaka chơt hiôk bĕ.

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 65:14

'Nâu lu đĭch đam Inh gô hơri ư-ang yua kơ jơhngơ̆m chơt hiôk, Mă-lei lu iĕm gô nhơ̆m ôr yua kơ jĭ jơhngơ̆m. Lu iĕm gô nhơ̆m ôr yua kơ jơhngơ̆m pơmat-tat.

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Jêphania 3:14

Ơ kon drŏ-kăn Siôn, hơri bĕ! Ơ adrĕch adrung Isơrael, iŏk chơt hiôk bĕ! Ơ kon adruh Jêrusalem, 'nă hal bĕ.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Sa 10:7

Bơngai Êphraim gô thoi bơngai nuih pran kơtang, jơhngơ̆m lu sư chhôk hal thoi suai kơ et sik hơmu; kon sâu lu sư gô 'bôh păng chơt hiôk tơpă, jơhngơ̆m lu sư chơt hiôk lăm Kră Yang.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Luka 1:47

jơhngơ̆m inh hiôk yua kơ 'Bok Kei-Dei pơklaih inh.

Rom 5:11

Thoi noh na dang ei bơ̆n chơt hiôk hăm 'Bok Kei-Dei boih, yua kơ Yêsu pơm 'long sơlam kơ bơ̆n hăm 'Bok Kei-Dei; yua kơ Yêsu na bơ̆n gơh hiôk hăm 'Bok Kei-Dei.

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Tes 5:16

Năr iĕm chơt hiôk, dah năr iĕm đei tơdrong gleh sơ'ngon iĕm kư̆m athei bơnê kơ 'Bok Kei-Dei mơ̆n, dui jơhngơ̆m mă tai wă kơ huay ơh sơ'ngon. Hăm 'nĕ hiơt krao khan kơ Sư ling-lang. Thoi noh boih 'Bok Kei-Dei wă kơ bơ̆n lui kơ Kon Sư Yêsu Krist.

Ya 1:2

Ơ lu 'nhŏng oh inh, mă iĕm đei tơdrong gleh kiơ truh kơ iĕm, iĕm athei hiôk đĕch hŏ,

I Pet 3:8

Đơ̆ng âu tơ anăp đĭ-đăng kơ bơ̆n athei pơgơ̆p băl minh jơhngơ̆m minh đon, băt 'mêm mơnat dih băl, iŏk jơhngơ̆m đon dim hơlăng băl, 'nĕ pơang băl.

I Pet 4:13

Na iĕm athei gơ̆t lê̆ tơdrong sơ'ngon, iŏk tơdrong hiôk chơt đĕch, yua kơ Yêsu Krist sơ̆ Sư kư̆m đei tơdrong gleh truh boih. Na bơ̆n dang ei kư̆m đei tơdrong truh thoi noh mơ̆n. Thoi noh na truh năr bơ̆n tơ'bơ̆p Yêsu Krist mơsêh mơyang jur ning-mônh bơ̆n gô hiôk chơt hăm Sư.

II Pet 3:1

Ơ lu 'nhŏng oh mă inh 'mêm kơeng, kơthơ âu, kơthơ mă 'bar inh chih hơpong kơ iĕm. Inh chih 'bar 'măng kơ âu ưh kơ đei chih tơdrong nai ôh; inh chih tă tơ'blŏk kơ iĕm tơdrong 'Bok Kei-Dei ngăl, wă pơlung iĕm wă kơ iĕm pơm đon 'lơ̆ng tơpăt.

I Sam 2:1

Hana krao apinh păng khan: Jơhngơ̆m inh chơt hiôk lăm Kră Yang; Kră Yang pơm ăn kơ jơhngơ̆m inh hiôk chơt. 'Bơ̆r inh pơma pơgreh khan kơ lu bơngai ayăt kơ inh. Inh chơt hiôk Ih dŏng pơklaih inh.