Philip 2:9 - Sơ̆p Hlabơar Nơ̆r 'Bok Kei-Dei

⁹ Yua kơ thoi noh boih na 'Bok Kei-Dei pôk atŏk Sư pơm tih dang ei, Sư tih hloh kơ đĭ-đăng.

Philip 2:9 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Horiso 110:1

Kră Yang khan kơ yŏng inh thoi âu: “Oei gah 'ma kơ Inh bĕ! Dĭng truh tơ Inh dan lu ayăt kơ ih tơ ala kơnơl jơ̆ng ih.”

Horiso 110:5

Kră Yang oei gah 'ma kơ ih gô pơrăm đĭ lu pơtao lăm năr Sư hil.

Horiso 89:27

Inh gô ăn kơ sư jing kon kơdră drŏ-nglo Inh, jing pơtao tih hloh kơ đĭ-đăng pơtao lăm teh âu.

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Êsai 52:13

Âu, đĭch đam Inh gô pơm hăm tơdrong gơh hơgei; đe gô pơư, tơiung pơyom, đe gô pôk hơtŏk.

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 17:11

Na dang ei Inh pă oei tơ ala teh âu dơ̆ng, pôm lu sư đĕch oei tơ teh âu. Inh wă tŏk tơ Ih boih. Ơ 'Bă, Ih 'lơ̆ng tơpăt, apinh Ih yua mơsêh mơyang Ih wei-lăng lu sư mă kơjăp kư̆m thoi Ih pơjao kơ Inh tơdrong mơsêh mơyang. Na apinh Ih wei-lăng lu sư wă kơ lu sư pôm đon, kư̆m thoi ba pôm đon dih băl.

Yo 17:12

Kơplah Inh oei hơdai lu sư, Inh yua mơsêh mơyang đơ̆ng Ih pơjao kơ Inh, na Inh wei-lăng lu sư kơjăp. Inh wei-lăng lu sư, lăm lu sư ưh kơ đei bu hiong ôh; lăp minh 'nu bơngai đĕch hiong. Mă-lei trŏ kơ sư wă hiong 'mơ̆i kơlih kơ 'blep trŏ thoi đe chih khan lê̆ hơdrol lăm sơ̆p hla bơar Ih.

Yo 17:5

Na dang ei ơ 'Bă, atŏk inh brŏk oei păng Ih mă hiôk hơiă bĕ 'Bă, kư̆m thoi Inh oei hơdai hăm Ih mă hơdrol kơ Ih pơjing plĕnh teh sơ̆ hiôk hơiă tơpă.

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

II Tes 1:12

Kơlih kơ iĕm lui kơjăp thoi noh boih na đe ư-ang Kră Yang bơ̆n Yêsu. Păng Sư gô ăn kơ iĕm oei hơdai hăm Sư ning-mônh hiôk hơiă tơpă. Kră Yang bơ̆n 'Bok Kei-Dei păng Yŏng bơ̆n Yêsu Krist, Sư boih ăn kơ lu iĕm lui kơjăp thoi noh.

Hêbrơ 1:4

'Bă Sư ăn kơ Sư tih hloh kơ lu linh jang, thoi noh mă 'Bă Sư krao kơ Sư Kon. Sư tih hloh kơ lu linh jang tơpă.

Hêbrơ 1:9

Ih lăp đon kơ tơdrong 'lơ̆ng areh kơ tơdrong kơnê̆. Yua kơ thoi noh na 'Bok Kei-Dei Kră Yang Ih, pôk Ih oei tơ tang-dŏ păng pik kơ Ih đak pơgang 'bâu phu, ăn kơ Ih hiôk hloh, tih hloh kơ lu bôl buăl Ih.”

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

II Pet 1:17

Kơplah nhôn oei hơdai hăm Sư kơpal kông sơ̆, 'Bă Sư mơsêh mơyang pơma đơ̆ng plĕnh khan: “Sư âu Kon Inh mă 'mêm kơeng tơpă, Inh lăp đon kơ Sư dêh.” Nhôn kơtơ̆ng nơ̆r pơma ư-ang kơ Kon Sư thoi noh tơpă păng nhôn 'bôh 'Bă Sư ăn kơ Sư mơsêh 'lơ̆ng rŏ na nhôn roi kơ iĕm.

III Yo 1:7

Lu sư năm bơtho tơdrong Yêsu Krist lu sư ưh kơ đei sa jên đơ̆ng lu bơngai mă ưh kơ lui ôh.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Tơdrông Tơ'bôh 5:12

Đĭ-đăng kơ lu sư hơri minh nơ̆r hơdai. Tơdrong lu sư hơri ei thoi âu: “Ih Kon Triu mă đe pơlôch, Ih mơsêh mơyang, Ih mơdrŏng tih hơgei tôm tơdrong păng pran tih hloh kơ đĭ-đăng, na trŏ kơ nhôn lui yom păng ư-ang Ih tơpă.”