Philip 2:30 - Sơ̆p Hlabơar Nơ̆r 'Bok Kei-Dei

³⁰ Sư jĭ wă lôch yua kơ sư adrin jang tơdrong Yêsu Krist tang iĕm, yua kơ iĕm ataih ưh kơ gơh jang tơgŭm inh. Mă-lei sư ưh kơ hli kơ lôch ôh.

Philip 2:30 Iomraidhean Croise

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Rom 16:4

Sơ̆ inh đei tơdrong đe wă pơlôch, na bre sư tơdŏng inh, bre sư nuih dêh ưh kơ hli kơ đe wă pơlôch hăm bre sư. Na inh păng đĭ-đăng bơngai lui tơmoi bơnê kơ bre sư tơpă.

I Kor 15:53

Yua kơ akâu bơ̆n ling-lang kơ ôm hach na bơ̆n athei iŏk tơplih akâu 'nao mă ưh kơ layơ ôm hach; akâu bơ̆n ling-lang kơ lôch bơ̆n athei iŏk tơplih akâu 'nao mă ưh kơ layơ lôch.

I Kor 16:10

Lăp Timôthê năm tơ iĕm, iĕm athei sơng iŏk sư tơpă hŏ, wă kơ sư huay kơ hli dah mơlâu, yua kơ sư jang tơdrong Kră Yang Yêsu Krist kư̆m lei-lăi thoi inh mơ̆n.

I Kor 16:17

Inh chhơp kơ jơhngơ̆m inh tơpă yua kơ inh 'bôh đe Sêphanna, Phơttuna păng Achaikơ đơ̆ng iĕm năm ngôi tơ inh. Inh rơnguơ̆ đĭ-đăng kơ iĕm ră, mă-lei 'bôh lu sư boih, dang 'bôh iĕm mơ̆n.

II Kor 12:15

Inh kư̆m hiôk mơ̆n mă inh pơhuach jên tơmam pơlap akâu kơdih yua kơ inh wă kơ iĕm lui kơjăp. Inh 'mêm kơ iĕm tơpă, bĭ iĕm ưh pă 'mêm kơ inh boih hă?

II Kor 4:12

Thoi noh boih tơdrong lôch, 'Bok Kei-Dei pơchĕp ăn kơ nhôn, tơdrong arih 'Bok Kei-Dei ăn kơ iĕm.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.

Philip 2:27

Ki sư jĭ kal tơpă, mah wă lôch, mă-lei 'Bok Kei-Dei mơnat kơ sư, mơnat kơ inh mơ̆n. Tơ̆ng sư lôch 'Bok Kei-Dei hli kơ inh sơ'ngon rai dêh.

Philip 4:10

Inh hiôk tơpă păng bơnê kơ Kră Yang, inh 'bôh dơ̆ng tơmam iĕm tơgŭm inh. Thoi noh inh băt kơ iĕm wă tơgŭm inh ling-lang tơpă; kơlih kơ iĕm ưh kơ yĕng kơ năm ăn đĕch na kơplah âu đunh 'biơ̆.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

Phil 1:13

Inh oei lăm hnam phak kơlih inh bơtho tơdrong 'nao 'lơ̆ng Yêsu. Inh wă ră kơ Ônêsim oei păng inh khŏm khŏm tơdŏng tơdrong jang inh, sư jang tang ih kư̆m dang ih jang mơ̆n.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.