Philip 2:21 - Sơ̆p Hlabơar Nơ̆r 'Bok Kei-Dei

²¹ Bơngai nai jang tơchĕng kơ akâu sư kơdih đĕch, ưh kơ tơchĕng kơ tơdrong Yêsu Krist tơpă ôh.

Philip 2:21 Iomraidhean Croise

II Pot 12:6

Mă-lei truh sơnăm mă 'bar-jĭt pêng, chăl Jôas pơgơ̆r, lu 'bok soi ưh kơ hơmet ming Hnam kư̆m dơ̆ng.

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Malachi 1:10

“Hơpơi rŏ kơ đei minh 'nu lăm lu iĕm tang 'măng, wă kơ lu iĕm huay tơ̆k ŭnh tơdrong kơđei tơ kơpal gơ'bang soi Inh,” Kră Yang Tih Hloh khan thoi noh. “Inh ưh kơ đei jơhngơ̆m hiôk lăp đon kơ lu iĕm păng Inh ưh kơ wă đei iŏk minh tơmam soi pơyơ̆r kiơ đơ̆ng ti lu iĕm.

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Luka 14:26

“Bơngai bu wă kiơ̆ Inh, mă-lei sư 'mêm kơ mĕ 'bă sư, kon akăn sư, 'nhŏng oh sư hloh kơ sư 'mêm kơ Inh păng sư 'mêm kơ akâu sư kơdih, lei sư ưh kơ gơh jing bơngai kiơ̆ Inh ôh.

Jang 13:13

Đơ̆ng Pơlei Papôih Pôl păng lu buăl sư tŏk thŏng-nan năm tơ Pơlei Perga lăm dêh Pamphili. Mă-lei Markôs achăng lê̆ bre buăl sư brŏk tơ Pơlei Jêrusalem dơ̆ng.

Jang 15:38

Mă-lei Pôl tơchĕng khan: “Ưh kơ trŏ kơ anhăk ba sư, yua kơ sư achăng lê̆ ba tơ dêh char Pamphili sơ̆ jing pă đei kiơ̆ ba bơtho tơdrong 'Bok Kei-Dei tơ pơlei nai.”

I Kor 10:24

Bơ̆n 'nĕ tơchĕng kiơ̆ kơ akâu bơ̆n kơdih, bơ̆n athei tơchĕng 'mêm mơnat kơ bôl buăl bơ̆n.

I Kor 10:33

Gah inh ling-lang pơm 'lơ̆ng tơpăt wă kơ đĭ-đăng bơngai lăp đon kơ inh lăm tôm tơdrong. Inh ưh kơ wă tơchĕng tơgŭm gah akâu inh kơdih ôh, inh wă tơgŭm pơyua lu bôl buăl wă kơ lơ bơngai lui kơ Yêsu Krist na klaih đơ̆ng tơdrong yoch.

I Kor 13:5

sư ưh kơ pơ'lŏ, sư ưh kơ pơ'brơh kơ đe, sư mơ̆ng kơ đe, sư ưh kơ pơjah, jơhngơ̆m sư huay kơ 'bônh kơ blĕk. Bơngai bu 'mêm kơ 'Bok Kei-Dei hăm bôl buăl sư, sư ưh kơ lah jô̆ yo kơ đe pơm kơnê̆ kơ sư ôh,

II Kor 1:5

Yua kơ bơ̆n chu iŏk tơdrong pơmat-tat thoi Yêsu Krist, na Sư pơlung bơ̆n, wă kơ bơ̆n huay kơ sơ'ngon.

Philip 2:4

Iĕm athei pơhiôk jơhngơ̆m đe mơ̆n, 'nĕ kơ pơhiôk jơhngơ̆m kơdih đĕch ôh.

II Tim 1:15

Ih băt boih bre Phigelus păng Hêrmôgen păng đĭ-đăng bơngai dêh Asi achăng lê̆ inh boih.

II Tim 3:2

Năr ei kơnh đei lơ bơngai băt 'mêm akâu sư kơdih, mă ưh kơ 'mêm mơnat kơ bôl buăl. Sư hăt kơ jên tơpă. Sư pơang akâu kơdih păng chă pơma pơsôm kơ đe. Sư pơma kơnê̆ kơ đe. Sư ưh kơ chu yom mĕ 'bă sư păng sư ưh kơ băt bơnê kơ đe, sư kư̆ pơm kơnê̆ đĕch.

II Tim 4:16

Đe sek tơlang inh minh 'măng boih, inh pơma dŏng akâu inh kơdih ưh kơ đei bu tơdŏng inh. Đĭ-đăng lu sư tŭk inh. Inh kư̆m apinh 'Bok Kei-Dei huay jô̆ yo kơ lu sư mơ̆n.