Philip 2:14 - Sơ̆p Hlabơar Nơ̆r 'Bok Kei-Dei

¹⁴ Mă pơm tơdrong kiơ kiơ iĕm 'nĕ kơ jŏk, 'nĕ kơ pơjah pơjăng;

Philip 2:14 Iomraidhean Croise

Horiso 106:25

Na đei pơma jŏk lăm bơsŭn lu sư. Ưh kơ wă mơ̆ng kiơ̆ nơ̆r Kră Yang.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Jo 14:27

Oei pă dang yơ dơ̆ng Inh gô mơ̆ng lu tơpôl bơngai kơnê̆ âu jŏk? Inh đei kơtơ̆ng boih lu tơpôl kon pơlei Isơrael jŏk chrih kơ Inh.

Mathiơ 20:11

Mă-lei lu sư iŏk iăi mơ̆n. Na lu sư pơma kơ 'bok tơ'ngla mir khan:

Markôs 14:5

Đak pơgang 'bâu phu 'noh kăp pêng-hrĕng hlak jên hu. Lơliơ sư ưh kơ wă tĕch chă jên asong kơ lu bơngai dơnuh hin?” Lu sư hil ơh kơ duch 'noh bơbrơ̆k bơbrăk măk.

Markôs 9:14

Lăp lu sư brŏk tơ lu buăl pơhrăm păng sư wă jê̆ truh boih, na lu sư 'bôh bơngai tơpôl lơ akŭm tăp dăr kơ lu bơngai pơhrăm păng Sư mă oei tơ ei. Đei lu 'bok thây bơtho tơdrong juăt đe Juđê oei pơjah pơjăng păng lu bơngai pơhrăm păng Yêsu mă oei tơ ei.

Luka 5:30

Na lu bơngai Pharisi păng lu 'bok thây bơtho tơdrong juăt đe Juđê khan kơ lu bơngai pơhrăm păng Yêsu thoi âu: “Yua kơ kiơ iĕm sŏng sa hơdai hăm lu bơngai iŏk jên thuê̆ păng lu bơngai pơm yoch?”

Jang 15:2

Kơlih kơ lu sư bơtho thoi noh, na bre Pôl păng 'Barna'ba pơjah pơjăng tơpă păng lu sư. Na lu bơngai lui wă kơ bre Pôl păng 'Barna'ba păng 'bar pêng 'nu dơ̆ng đơ̆ng Pơlei Antiôs năm tơ Pơlei Jêrusalem wă tơ'bơ̆p lu jơ̆ng 'bang Yêsu păng lu kră wei-lăng bơngai lui, pơđâu păng sư gah tơdrong kăt akar noh.

Jang 15:39

Na bre Pôl păng 'Barna'ba pơjah pơjăng tơdrong noh khŏm khŏm na truh tơ bre sư tơklah dih băl. Đơ̆ng noh na 'Barna'ba anhăk Markôs tŏk thŏng-nan năm tơ dêh char Chiprơ.

Jang 15:7

Lu sư pơđâu kư̆m đunh 'biơ̆ mơ̆n. Klaih kơ noh Pêtrôs iung pơma thoi âu: “Ơ lu 'nhŏng oh, iĕm kư̆m băt tơdrong 'Bok Kei-Dei rơih inh đơ̆ng lu iĕm sơ̆, wă kơ inh năm bơtho lu bơngai tơmoi mă ưh kơ khŭl bơ̆n wă kơ sư gơh kơtơ̆ng Tơdrong 'Nao 'Lơ̆ng na lui kơ Kră Yang Yêsu.

Jang 6:1

Hơtai ei đe lui kiơ̆ Yêsu rai lơ. Lu bơngai lui ei khŭl bơngai Juđê pơma nơ̆r Grĕk păng khŭl Juđê mơ̆n sư pơma nơ̆r Juđê, lu sư pơjah pơjăng dih băl. Na khŭl mă pơma nơ̆r Grĕk, lu sư khan kơ đe mă asong tơmam sa, khan rim năr lu bơngai yă adro gah khŭl sư, đe ăn tơmam sa ưh kơ mah.

Rom 12:18

Bơ̆n 'nĕ kơ pơm dôm tơdrong kơnê̆ wă kơ bơ̆n oei hiôk hơiă hăm đĭ-đăng bơngai.

Rom 14:1

Gah lu bơngai lui mă ưh tam mă hlôh tôm tơdrong, bơ̆n athei 'mêm kơ sư mơ̆n. Bơ̆n 'nĕ kơ pơjah pơjăng tơdrong sư ưh tam mă hlôh noh.

Rom 16:17

Ơ 'nhŏng oh, iĕm athei kơchăng hli kơ iĕm lui jrok kiơ̆ lu bơngai lui ưh kơ tat, hli kơ iĕm achăng lê̆ tơdrong lui tơpăt mă đe juăt kơ bơtho; na iĕm athei weh 'biơ̆ đơ̆ng lu sư. Lu sư wă pơrăm lu bơngai lui bơ̆n, chă pơjah pơjăng păng bơ̆n.

I Kor 10:10

Bơ̆n 'nĕ ơh kơ 'Bok Kei-Dei thoi lu yă 'bok bơ̆n sơ̆; lu sư ơh kơ 'Bok Kei-Dei na 'Bok Kei-Dei pơrăm lu sư, ăn linh jang 'lơ̆ng jur pơlôch.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

Galati 5:15

Thoi noh iĕm 'nĕ kơ pơrăm dih băl hli kơ hiong đĭ tơdrong lui iĕm. Dah iĕm pơm thoi noh dang lĕ kơ sem bri tơkăp dih băl jing lôch răm akâu kơdih.

Galati 5:26

Bơ̆n 'nĕ pơang akâu bơ̆n kơdih. Bơ̆n 'nĕ chă tơdrong wă tơhil dih băl păng 'nĕ kơ 'nhĕng dih băl.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

I Tes 5:13

Iĕm athei lui yom 'mêm mơnat kơ sư tơpă yua kơ sư jang tơdrong 'Bok Kei-Dei. Đĭ-đăng dôm iĕm athei oei hiôk hơiă dih băl.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Ya 1:20

Bơngai bu hil kơ đe, bơngai noh ưh kơ băt pơm 'lơ̆ng tơpăt thoi 'Bok Kei-Dei wă ôh.

Ya 3:14

Lu iĕm 'bok bơtho, dah iĕm oei 'nhĕng đe, iĕm jang tơgar băl 'maih pơm yŏng păng iĕm pơang kơ đe khan iĕm hơgei tơdrong 'Bok Kei-Dei hloh kơ lu bơngai nai, noh iĕm hơlĕnh đĕch boih, ưh kơ trŏ iĕm hơgei tơpă ôh.

Ya 5:9

Ơ 'nhŏng oh, iĕm 'nĕ kơ pơma mơmơnh dih băl, hli kơ Kră Yang sek tơlang tơdrong bơ̆n pơma mơmơnh noh Sư hil kơ bơ̆n, yua kơ 'Bok Sek Tơlang ei wă jê̆ jur tơpă, dang lĕ kơ kiơ̆ 'măng dur bơ̆n boih.

I Pet 3:11

'nĕ pă pơm dôm tơdrong kơnê̆, athei pơm tơdrong 'lơ̆ng ling-lang đĕch, adrin pơhiôk dih băl mă hơiă.

I Pet 4:9

Bơngai lui đơ̆ng tơmoi truh, bơ̆n athei sơng iŏk sư tơ hnam bơ̆n mă 'lơ̆ng.

Ju 1:16

Lu bơngai mă wă pơlung iĕm noh, lu sư pran kơ pơma mơmơnh dêh, pơma hơwĕng ưh kơ băt hrăp. Lu sư kiơ̆ kơ jơhngơ̆m kơdih hưch hanh 'maih pơm tơdrong kư̆ kă, pơma re 'bơ̆r, pơang akâu kơdih; sư pơma kơ bơ̆n hơlom, wă pơyua akâu sư kơdih.