Philip 1:30 - Sơ̆p Hlabơar Nơ̆r 'Bok Kei-Dei

³⁰ Iĕm kư̆m đei boih tơdrong đe pơm kơnê̆ kơ iĕm, thoi iĕm 'bôh đe pơm kơnê̆ kơ inh tơ pơlei iĕm sơ̆, hăm đe pơm kơnê̆ kơ inh dang ei mơ̆n.

Philip 1:30 Iomraidhean Croise

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Philip 1:13

Na dang ei đĭ-đăng lu linh gak hnam 'bok pơtao, lu bơngai nai tă băt kơ đe phak inh yua kơ inh jang tơdrong Yêsu Krist.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

Kôlôsê 2:1

Inh wă kơ iĕm băt kơ inh tơchĕng kơ iĕm hăm tơchĕng kơ lu bơngai lui tơ Pơlei Laodisê hăm dôm lu bơngai lui nai tam mă tơ'bơ̆p inh. Tơpă, đon inh tơchĕng ling-lang thoi noh.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

I Tim 6:12

Pơtih gia lu bơngai kơdâu pơjei, bơngai bu mă kơdâu adrin tơpă jei sư, bơngai 'noh sư gô đei apah. Mă ih kư̆m lei-lăi athei adrin mă tơpă, lui mă kơjăp na jei ih, na ih gô đei iŏk tơdrong arih tơ plĕnh ling-lang. Hơtai ih lui tơm hmơm sơ̆, đe krao khan kơ ih đang boih, na ih pơma 'bơ̆t anăp đe tơpôl lơ khan ih wă tơpă lui kơ Yêsu Krist. Đơ̆ng noh sơ̆ boih 'Bok Kei-Dei ăn kơ ih arih ling-lang.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.

Hêbrơ 12:4

Gah tơdrong lu bơngai yoch tơblah păng iĕm, iĕm ưh tam mă mah adrin truh kơ pham lĕch sĕch huŏng ôh.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.