Philip 1:27 - Sơ̆p Hlabơar Nơ̆r 'Bok Kei-Dei

²⁷ Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Philip 1:27 Iomraidhean Croise

I Ho 19:12

Jôap khan: “Mưh linh Siri pran hloh kơ ĭnh, ih năm dŏng inh; mă-lei mưh linh Ammôn pran hloh kơ ih, inh gô năm dŏng ih.

Horiso 122:3

Jêrusalem đei man thoi pơlei tih. Đei man pơkăp băl kơjăp.

Horiso 133:1

Ơ lăng deh 'lơ̆ng hơiă tơpă 'nhŏng oh oei sa hiôk pơgơ̆p băl.

Tơdrông Pơđơk 22:23

Yua kơ Kră Yang gô dŏng lu sư, Gô iŏk lê̆ tơdrong arih đơ̆ng lu bơngai tơgar iŏk tơmam lu sư.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Mathiơ 12:25

Yêsu băt kơ lu sư tơchĕng thoi noh na Sư khan: “Dah minh pôm teh đak tơblah dih băl, teh đak noh gô pơchah hiong tôch. Dah minh pôm pơlei dah minh pôm hnam dơnŏ tơblah dih băl, pơlei dah hnam dơnŏ noh gô hiong hiach.

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Jang 24:24

Đunh 'biơ̆ dang 'bar pêng năr đơ̆ng noh 'bok kuan tih Phêlik năm tơ ei dơ̆ng. Akăn sư kư̆m năm hơdai hăm sư mơ̆n. Anăn sư Drusil. Sư bơngai Juđê. Phêlik krao Pôl năm tơ sư. Na bre sư mơ̆ng Pôl bơtho gah tơdrong lui kơ Kră Yang Yêsu Krist.

Jang 4:32

Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 10:8

'Noh ưh kơ kăl ôh. Tơ̆ng bơ̆n tŏk chă, noh kư̆m anat lei-lăi thoi bơ̆n gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, kư̆m ưh kơ gơh klaih đơ̆ng tơdrong yoch ôh. Bơ̆n băt pôm lui kơ Yêsu Krist đĕch klaih tơpă đơ̆ng tơdrong yoch. Nhôn bơtho ăn kơ iĕm tơdrong lui kơ Yêsu Krist noh ưh kơ ataih, ưh kơ anat ôh; sư jê̆ jê̆ dang 'bơ̆t 'bơ̆r păng lăm jơhngơ̆m đon bơ̆n đĕch.

Rom 15:16

Sư wơh inh jang tơdrong Yêsu, bơtho tơdrong 'nao 'lơ̆ng 'Bok Kei-Dei kơ đĭ-đăng lu khŭl tơmoi mă ưh kơ khŭl Juđê, wă kơ lu bơngai noh jing bơngai 'nao 'lơ̆ng tơpăt hăm 'Bok Kei-Dei. 'Noh wă khan dang inh pơyơ̆r lu sư kơ 'Bok Kei-Dei, na 'Bok Kei-Dei sơng iŏk lu sư, yua kơ Yang Bơhngol 'Lơ̆ng ăn kơ lu sư jing bơngai 'nao rơgoh 'lơ̆ng boih.

Rom 15:29

Inh băt mơ̆n mưh truh tơ iĕm kơnh, Yêsu Krist gô tơgŭm inh, wă kơ inh tơgŭm iĕm dơ̆ng.

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

II Kor 9:13

Lu sư gô 'bôh tơdrong iĕm tơgŭm lu sư, na lu sư gô bơnê kơ 'Bok Kei-Dei ăn kơ iĕm lui kơ Yêsu Krist kơjăp băt chu kơ Sư. Lu sư gô ư-ang 'Bok Kei-Dei tơdrong iĕm hơlăng kơ lu sư hăm đe nai tơmam.

Galati 1:7

Mă tơpă đei minh tơdrong 'nao 'lơ̆ng đĕch, ưh kơ đei tơdrong 'nao 'lơ̆ng nai dơ̆ng ôh. Inh khan kơ iĕm thoi noh yua kơ đei lu bơngai nai pơtuah iĕm, lu sư wă hơmet ming pơthim tơdrong 'nao 'lơ̆ng Yêsu Krist.

Êphêsô 1:13

Na sơ̆ lăp iĕm kơtơ̆ng đe bơtho tơdrong 'nao 'lơ̆ng Sư wă kơ iĕm klaih đơ̆ng tơdrong yoch, na iĕm lui hloi kơ tơdrong đe bơtho noh. 'Bơ̆t noh iĕm đei Yang Bơhngol 'Lơ̆ng 'Bok Kei-Dei jur oei păng iĕm kư̆m thoi 'Bok Kei-Dei pơkă khan wă ăn sơ̆, na iĕm mơn kơdih iĕm jing kon Sư păng pôm đon hăm Kon Sư Yêsu Krist.

Êphêsô 1:15

Thoi noh boih na inh ling-lang krao khan bơnê kơ 'Bok Kei-Dei, yua kơ inh kơtơ̆ng đe khan iĕm oei lui kơ Kră Yang Yêsu kơjăp, hăm iĕm băt 'mêm mơnat kơ tơduă bôl buăl kon 'Bok Kei-Dei.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Philip 1:5

yua kơ iĕm tơgŭm inh đơ̆ng inh lăp pơtơm jang tơ pơlei iĕm sơ̆ khơ̆ dang ei.

Philip 2:12

Ơ lu 'nhŏng oh mă inh 'mêm kơeng, iĕm băt boih Yêsu Krist iŏk đon ala thoi noh na iĕm athei adrin pơm kiơ̆ khŏm khŏm păng adrin pơm mă 'blep thoi 'Bok Kei-Dei wă, hli kơ Sư ưh kơ iŏk iĕm kơplah Yêsu Krist jur ning-mônh. Sơ̆ kơplah inh oei hăm iĕm, inh 'bôh iĕm pơm kiơ̆ 'blep tơpă, mă đơ̆ng kơdrô̆ iĕm dang ei inh ưh kơ băt, na iĕm athei kiơ̆ mă tơpă hloh kơ noh dơ̆ng.

Philip 2:24

Tơ̆ng Kră Yang oei wă yua inh, ưh pă đunh boih, inh wă năm ngôi tơ iĕm.

Philip 3:18

Mă-lei iĕm kơchăng hli kơ lu bơngai khan sư lui kơjăp mă ưh kơ 'mêm kơ tơdrong Yêsu lôch tơ 'long pơglang. Đei lơ bơngai thoi noh dang ei, thoi inh roi kơ iĕm boih; mă-lei inh wă roi kơ iĕm dơ̆ng. Tơdrong lu sư pơm, inh sơ'ngon dêh, đon 'brơ̆k đak măt đơng wă hmoi hloi.

Philip 3:20

Mă-lei lu bơ̆n bơngai wă oei tơ plĕnh, lu bơ̆n ưh kơ gơh pơm thoi lu sư ôh, lu bơ̆n minh tơdrong chang gô 'Bok Dŏng Pơklaih wă jur ning-mônh đĕch, wă khan Kră Yang Yêsu Krist boih 'noh.

Philip 4:1

Yua kơ thoi noh, ơ lu 'nhŏng oh, iĕm athei lui kơjăp thoi noh, na gơh kiơ̆ Kră Yang Yêsu Krist. Inh 'mêm kơ iĕm tơpă păng rơnguơ̆ kơ iĕm dêh 'maih tơ'bơ̆p iĕm dơ̆ng. Yua kơ iĕm lui đơ̆ng inh bơtho oei kiơ̆ khŏm khŏm na jơhngơ̆m inh hiôk dêh dang đe apah kơ tơdrong jang inh tơmam.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 1:4

yua kơ nhôn kơtơ̆ng tơdrong iĕm lui kơ Yêsu Krist kơjăp, hăm băt 'mêm mơnat kơ đĭ-đăng lu kon 'Bok Kei-Dei.

I Tes 3:6

Na dang ei Timôthê đơ̆ng iĕm brŏk tơ nhôn boih, sư roi kơ nhôn tơdrong iĕm oei lui kơjăp, băt 'mêm kơ 'Bok Kei-Dei hăm bôl buăl. Thoi noh na nhôn chhơp kơ jơhngơ̆m păng 'nă hal dêh. Sư roi kơ nhôn tơdrong iĕm 'mêm mơnat rơnguơ̆ kơ nhôn păng wă kơ tơ'bơ̆p nhôn dơ̆ng. 'Noh kư̆m lei-lăi thoi nhôn wă kơ tơ'bơ̆p iĕm dơ̆ng mơ̆n.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Tim 1:11

Tơdrong 'lơ̆ng tơpăt noh tơdrong 'nao 'lơ̆ng 'Bok Kei-Dei. 'Bok Kei-Dei ăn kơ inh bơtho tơdrong 'nao 'lơ̆ng Sư. Sư boih mă hiôk-hian ling-lang. Sư Kră Yang tih hloh.

I Tim 1:19

păng wă kơ ih lui kơjăp khŏm khŏm pơm đon 'lơ̆ng tơpăt kơ 'Bok Kei-Dei hăm đĭ-đăng bơngai. Đei lu bơngai mơ'nah hŭt lê̆ đon 'lơ̆ng sư kơdih na jing hŭt lê̆ tơdrong lui sư mơ̆n.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

Ya 3:18

Lu bơngai ngôi đĕch adrĕch ngôi hiôk sư wă pơhiôk đe ling-lang, ưh kơ layơ areh kơ bôl buăl, sư pơm tôm tơdrong 'lơ̆ng bôl buăl 'beh kơ sư, thoi noh na đĭ-đăng kơ bôl buăl hơdai wang băt kơ pơm 'lơ̆ng dih băl.

II Pet 3:11

Bơ̆n băt boih đĭ dôm tơmam gô hiong răm thoi noh tơpă, na mă dôm tơdrong kiơ bơ̆n athei adrin pơm đon 'lơ̆ng tơpăt 'biơ̆

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

Ju 1:3

Ơ 'nhŏng oh mă inh 'mêm kơeng, ki inh wă chih kơ iĕm kơthơ ră, chih hơpong gah tơdrong 'Bok Kei-Dei pơklaih bơ̆n jing hiôk chơt. Mă-lei dang ei inh kơtơ̆ng đei tơdrong khan đe wă pơhlŭ iĕm, na dang ei inh jing chih pơlung iĕm, wă kơ iĕm adrin 'biơ̆ păng lui mă kơjăp, kiơ̆ dôm tơdrong 'Bok Kei-Dei tơbăt ăn kơ lu bơ̆n kon Sư. Dôm tơdrong Sư tơbăt tôm boih, ưh kơ layơ tơplih dơ̆ng. Thoi noh na iĕm athei pơjah pơjăng păng lu bơngai mă pơhlŭ pơlung iĕm noh 'biơ̆.