Philip 1:20 - Sơ̆p Hlabơar Nơ̆r 'Bok Kei-Dei

²⁰ Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

Philip 1:20 Iomraidhean Croise

Horiso 119:116

Apinh Ih tơgŭm tơiung inh kiơ̆ thoi Ih pơkă wă kơ inh gơh arih; 'Nĕ ăn kơ inh mơlâu kơ tơdrong inh chang hơmĕng,

Horiso 119:80

Apinh Ih ăn kơ jơhngơ̆m inh gơh 'lơ̆ng tơpăt lăm Khôi juăt Ih; wă kơ inh huay kơ mơlâu.

Horiso 25:2

Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.

Horiso 62:5

Ơ bơhngol inh pơdơh bĕ tơ anih Kră Yang 'Bok Kei-Dei; Yua kơ inh chang hơmĕng kơ Sư.

Tơdrông Pơđơk 10:28

Tơdrong chang hơmĕng lu bơngai tơpăt băt đei chơt hiôk. Mă-lei tơdrong lu bơngai pơm kơnê̆ hơpơi ưh kơ đei.

Tơdrông Pơđơk 23:18

Sĭt tơpă ih wă gô đei apah ning-mônh. Păng tơdrong mă ih hơmĕng gô đei huay kơ tôch.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 50:7

Kră Yang Tih Hloh tơgŭm inh, inh ưh kơ mơlâu ôh. Na inh pơm kơ măt inh lăng tơ anăp, inh băt kơ inh gô ưh kơ đei tơdrong kiơ mơlâu.

Êsai 54:4

'Nĕ kơ hli; yua kơ iĕm gô ưh kơ đei mơlâu ôh. 'Nĕ kơ bơngơ̆t; yua kơ đe ưh pă pơm kơ iĕm mơlâu dơ̆ng bơih. Ih gô hiơt tơdrong mơlâu kơplah iĕm oei mơlôh sơ̆, păng ưh pă 'blŏk dơ̆ng tơdrong mơlâu kơplah iĕm adro.

Yo 21:19

Yêsu khan thoi noh Sư roi tơdrong Pêtrôs gô lôch lơliơ wă kơ bơ̆n bơnê kơ 'Bok Kei-Dei yua kơ sư gô mơ̆ng kơ 'Bok Kei-Dei wă. Klaih kơ noh na Yêsu khan: “Bĕ kiơ̆ Inh.”

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

Rom 8:19

Bĭ lu tơmam 'Bok Kei-Dei pơjing, lu sư kư̆m dang băt chang gô 'Bok Kei-Dei wă ăn kơ bơ̆n jing kon Sư hiôk jơnap ning-mônh.

Rom 9:33

'Noh thoi sơ̆p hla bơar 'Bok Kei-Dei khan lê̆ sơ̆ thoi âu: “Iĕm lăng. Tơ Pơlei Siôn Inh đei 'măn minh pôm tơmo tŏk-bŏk trong wă kơ đe kơtơih pơ̆k. Bu lui kơ tơmo noh, bơngai noh huay kơ hli minh tơdrong kiơ ôh.”

I Kor 15:31

Ơ 'nhŏng oh, inh wă roi tơbăt ăn kơ iĕm gah tơdrong đe wă pơrăm inh, na rim năr ưh kơ băt năr ayơ inh lôch, mă-lei inh hiôk tơpă lăm jơhngơ̆m inh yua kơ iĕm lui kơjăp kơ Kră Yang bơ̆n Yêsu Krist boih, na inh mah roi tơbăt ăn kơ iĕm thoi noh.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

I Kor 7:34

Na đon sư tơchĕng jing tơklah 'bar trong, minh pah sư wă adrin jang tơdrong Kră Yang, minh pah sư ưh kơhnger achăng kon akăn sư na sư chu jang kiơ̆ kon akăn sư đĕch. Mă-lei lu bơngai drŏ-kăn mă ưh kơ đei klo, sư adrin jang tơdrong Kră Yang, sư wă pơyơ̆r akâu sư kơ Kră Yang đĭ đon tơchĕng, đĭ jơhngơ̆m klơm klak sư. Mă-lei dah bơngai ayơ đei klo boih, sư tơchĕng lơ tơdrong ala teh âu, sư wă kơ klo sư lăp đon kơ sư.

II Kor 10:8

Inh kư̆m dang pơang akâu kơdih, yua kơ tơdrong âu trŏ kơ tơdrong jang inh wă bơtho tơgŭm iĕm, mă-lei inh ưh kơ đei khan wă pơrăm iĕm ôh; păng inh ưh kơ mơlâu yua kơ trŏ tơdrong jang inh thoi noh tơpă.

II Kor 3:12

Yua kơ nhôn băt kơ thoi noh, na jơhngơ̆m nhôn sơĭng bơtho nuih tơpă.

II Kor 4:10

Akâu nhôn chu iŏk tơdrong pơmat-tat, dang lôch thoi Yêsu sơ̆, noh dang akâu nhôn tơbăt kơ đe Yêsu oei arih.

II Kor 5:15

Sư lôch tang bơ̆n iung arih dơ̆ng, wă kơ bơ̆n arih huay kơ pơyua akâu bơ̆n kơdih, Sư wă kơ bơ̆n arih yua kơ tơdrong jang Sư.

II Kor 7:14

Ki nhi Tĭt kư̆m pơma dơnuh gah tơdrong iĕm mơ̆n, mă inh pơma pơang iĕm inh huay kơ mơlâu ôh, inh pơma 'bơ̆t anăp sư yua kơ inh băt kơ iĕm gô pơm trŏ tơpă. Na 'blep trŏ thoi noh tơpă, noh kư̆m thoi tơdrong nhôn juăt kơ pơma kơ iĕm tơpăt ling-lang.

II Kor 7:4

Inh lui kơ iĕm gô pơm trŏ tôm tơdrong ling-lang, inh kư̆m roi pơang tơdrong iĕm kơ đe. Jơhngơ̆m inh hiôk dêh yua kơ inh kơtơ̆ng ang tơdrong iĕm boih; mă khan nhôn đei tơdrong truh pơmat-tat dang âu dang noh, nhôn ưh pă sơ'ngon tơdrong kiơ boih.

Philip 1:14

Lu 'nhŏng oh bơ̆n mă oei tơ pơlei nhôn tơ âu, lu sư 'bôh inh bơtho đe nuih tơpă mă khan inh bơngai đe phak, mă lu sư rai đunh kư̆m rai băt gơnang kơ Kră Yang Yêsu, kư̆m rai nuih kơ bơtho đe tơdrong 'Bok Kei-Dei huay pă hli boih.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

I Pet 4:16

Mă-lei dah bu đei tơdrong gleh yua kơ sư kiơ̆ Yêsu Krist, bơngai noh thoi lĕ kơ pŭn, bơngai noh hiôk, sư huay kơ mơlâu kơ đe ôh. Sư athei adrin ră roi pơư pơang kơ đe tơdrong Yêsu Krist hăm 'Bok Kei-Dei rai pran hloh.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.