Philip 1:14 - Sơ̆p Hlabơar Nơ̆r 'Bok Kei-Dei

¹⁴ Lu 'nhŏng oh bơ̆n mă oei tơ pơlei nhôn tơ âu, lu sư 'bôh inh bơtho đe nuih tơpă mă khan inh bơngai đe phak, mă lu sư rai đunh kư̆m rai băt gơnang kơ Kră Yang Yêsu, kư̆m rai nuih kơ bơtho đe tơdrong 'Bok Kei-Dei huay pă hli boih.

Philip 1:14 Iomraidhean Croise

Markôs 3:3

Na Yêsu krao bơngai ti kue ei khan: “Năm tơ âu bĕ, dơ̆ng 'bơ̆t anăp đe tơpôl.”

Luka 1:74

wă kơ pơklaih bơ̆n đơ̆ng dôm lu bơngai mă ayăt kơ bơ̆n. Na Sư wă kơ bơ̆n jang tơdrong Sư huay kơ hli,

II Kor 3:12

Yua kơ nhôn băt kơ thoi noh, na jơhngơ̆m nhôn sơĭng bơtho nuih tơpă.

II Kor 7:4

Inh lui kơ iĕm gô pơm trŏ tôm tơdrong ling-lang, inh kư̆m roi pơang tơdrong iĕm kơ đe. Jơhngơ̆m inh hiôk dêh yua kơ inh kơtơ̆ng ang tơdrong iĕm boih; mă khan nhôn đei tơdrong truh pơmat-tat dang âu dang noh, nhôn ưh pă sơ'ngon tơdrong kiơ boih.

Êphêsô 3:13

Thoi noh na inh apinh iĕm 'nĕ kơ sơ'ngon kơ tơdrong inh pơmat yua kơ iĕm. Inh oei tơ lăm hnam phak kư̆m bưh mơ̆n yua kơ inh wă adrin bơtho tơgŭm iĕm; na iĕm athei hiôk bĕ.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

Philip 4:1

Yua kơ thoi noh, ơ lu 'nhŏng oh, iĕm athei lui kơjăp thoi noh, na gơh kiơ̆ Kră Yang Yêsu Krist. Inh 'mêm kơ iĕm tơpă păng rơnguơ̆ kơ iĕm dêh 'maih tơ'bơ̆p iĕm dơ̆ng. Yua kơ iĕm lui đơ̆ng inh bơtho oei kiơ̆ khŏm khŏm na jơhngơ̆m inh hiôk dêh dang đe apah kơ tơdrong jang inh tơmam.

Kôlôsê 4:4

Thoi noh na inh apinh iĕm krao khan kơ 'Bok Kei-Dei tơgŭm inh hơgei kơ bơtho tơdrong Sư wă kơ đe hlôh nhên. Sư wă kơ inh bơtho thoi noh.

Kôlôsê 4:7

Tisĭk truh tơ iĕm, sư gô roi ăn kơ iĕm tôm tơdrong inh dang ei thoi yơ. Sư 'nhŏng oh lu bơ̆n bơngai lui, bơ̆n 'mêm kơ sư tơpă, yua kơ sư adrin jang tơdrong Yŏng bơ̆n Yêsu Krist thoi inh.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.