Phil 1:7 - Sơ̆p Hlabơar Nơ̆r 'Bok Kei-Dei

⁷ Inh chơt hiôk tơpă kơlih kơ ih gơh 'mêm mơnat kơ 'nhŏng oh bơngai lui pơm kơ jơhngơ̆m lu sư hiôk hơiă hăm ih.

Phil 1:7 Iomraidhean Croise

I Kor 16:18

Lu sư pơm kơ jơhngơ̆m inh hiôk păng pơm kơ jơhngơ̆m iĕm hiôk lei-lăi mơ̆n. Na iĕm athei chu yom kơ dôm lu bơngai mă pơm thoi noh.

II Kor 7:13

Thoi noh na dang ei inh hiôk tơpă, kơtơ̆ng tôm tơdrong iĕm pơm 'lơ̆ng boih păng pơthim kơ nhôn 'bôh Tĭt sư hiôk wih đơ̆ng iĕm 'bôh pơm trŏ boih.

II Kor 7:4

Inh lui kơ iĕm gô pơm trŏ tôm tơdrong ling-lang, inh kư̆m roi pơang tơdrong iĕm kơ đe. Jơhngơ̆m inh hiôk dêh yua kơ inh kơtơ̆ng ang tơdrong iĕm boih; mă khan nhôn đei tơdrong truh pơmat-tat dang âu dang noh, nhôn ưh pă sơ'ngon tơdrong kiơ boih.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tes 2:19

Nhôn 'mêm kơ iĕm tơpă; ning-mônh lăp Kră Yang bơ̆n Yêsu Krist jur tơ ala teh dơ̆ng, nhôn chơt hiôk tơpă, yua kơ iĕm lui kơ Yêsu đơ̆ng lu nhôn bơtho iĕm ki. Na nhôn băt kơ Sư lăp đon kơ tơdrong jang nhôn.

I Tes 3:9

Yua kơ iĕm na nhôn bơnê kơ 'Bok Kei-Dei tơpă. Nhôn bơnê kơ Sư yua kơ Sư ăn kơ iĕm lui kơjăp. Na nhôn chhơp kơ jơhngơ̆m 'nă hal dêh.

II Tim 1:16

Inh krao khan kơ Kră Yang 'Bok Kei-Dei apinh Sư mơnat kơ hnam dơnŏ Ônêsip yua kơ lơ 'măng boih sư năm hơpong tơ inh, na jơhngơ̆m inh hiôk tơpă. Sư ưh kơ mơlâu kơ đe phak inh ôh.

Phil 1:20

Ơ Philêmôn, ba 'nhŏng oh yua kơ ba lui kơ Kră Yang Yêsu Krist, na dang ei ih đih sơng Ônêsim hŏ. Thoi noh inh bơnê kơ Kră Yang Yêsu Krist tơpă, na jơhngơ̆m inh kư̆m chơt hiôk.

II Yo 1:4

Inh hiôk chơt tơpă kơlih kơ inh kơtơ̆ng lu iĕm mơ'nah kiơ̆ tơdrong 'Bă tơm bơ̆n 'Bok Kei-Dei tơpă, noh thoi 'Bok Kei-Dei pơkă kơ bơ̆n sơ̆.