Phil 1:2 - Sơ̆p Hlabơar Nơ̆r 'Bok Kei-Dei

² Păng nhi kư̆m đei nơ̆r jet gia bre Abia hăm Achĭp. Bre sư oh nhôn yua kơ sư lui. Achĭp sư kư̆m jang tơdrong 'Bok Kei-Dei thoi bơ̆n mơ̆n. Păng nhi kư̆m jet gia đĭ-đăng 'nhŏng oh bơngai lui mă juăt năm akŭm tơ hnam iĕm.

Phil 1:2 Iomraidhean Croise

Rom 16:1

Âu duch nă bơ̆n yă Phêbê wă năm ngôi hơpong tơ iĕm. Sư bơngai jang lăm hnam 'Bok Kei-Dei tơ Pơlei Sankrê. Sư bơngai 'lơ̆ng, na inh apinh iĕm sơng iŏk sư mă trŏ 'biơ̆ hŏ, yua kơ sư kư̆m hơdai bơngai lui kơ Kră Yang Yêsu Krist thoi bơ̆n. Păng inh wă kơ iĕm tơgŭm sư tôm tơmam sư kăl yua, yua kơ sư bơngai tơgŭm đe dêh sơ̆, truh tơ inh sư kư̆m tơgŭm mơ̆n.

Rom 16:5

Inh kư̆m đei nơ̆r jet gia lu bơngai mă juăt kơ akŭm tơ hnam bre sư. Inh kư̆m đei nơ̆r jet gia Êpanet, inh 'mêm kơ sư tơpă. Lăm dêh Asi sư boih lui kơ Yêsu Krist hơdrol kơ đe.

I Kor 16:19

Lu khŭl lui kơ 'Bok Kei-Dei tơ dêh Asi đei nơ̆r jet gia iĕm. 'Bok Akila, yă Prisil păng đĭ dôm lu bơngai lui juăt kơ akŭm tơ hnam bre sư kư̆m đei nơ̆r jet gia iĕm mơ̆n yua kơ bơ̆n minh khŭl bơngai lui kơ Kră Yang.

Philip 2:25

Dang ei inh athei Êpaphôdit jah brŏk tơ iĕm, đơ̆ng iĕm wơh sư năm ăn kơ inh tơmam, hăm iĕm wă kơ sư tơgŭm inh tơ âu. Sư 'nhŏng oh bơ̆n 'lơ̆ng tơpă, jang tơgŭm inh, dang linh tơgŭm băl tơdrong tơblah.

Kôlôsê 4:15

Iĕm pơtruh kơ lu 'nhŏng oh bơ̆n tơ Pơlei Laodisê hŏ, inh kư̆m đei nơ̆r jet gia lu sư mơ̆n. Păng pơtruh kơ Nimpha hăm lu bơngai mă juăt kơ akŭm tơ hnam sư.

Kôlôsê 4:17

Păng iĕm khan kơ Achĭp athei sư jang mă keh tôm tơdrong jang sư, yua kơ Kră Yang Yêsu Krist pơjao kơ sư jang tơdrong 'noh boih.