Phil 1:10 - Sơ̆p Hlabơar Nơ̆r 'Bok Kei-Dei

¹⁰ Inh apinh ih gah Ônêsim. Sư pơm kon inh boih kơlih kơ sư lui kơ Kră Yang Yêsu Krist đơ̆ng inh bơtho oei lăm hnam phak.

Phil 1:10 Iomraidhean Croise

II Sam 18:5

pơtao jao pơkă ăn kơ Jôap, Abisai, păng Itai: “Yua kơ inh, iĕm athei pơm kơ kon inh Apsalôm lăp ai.” Đĭ-đăng khŭl linh kơtơ̆ng nơ̆r pơtao pơkă kơ bơngai chĕp kơ̆l, gah Apsalôm.

Markôs 9:17

Đei minh 'nu lăm bơngai tơpôl ei đĕch tơl wă apinh Yêsu pơklaih kon sư. Sư khan: “Ơ 'Bok Thây, inh đei anhăk kon drŏ-nglo inh tơ Ih. Sư bơngai yang kơnê̆ mơ̆t pơm kơ sư kơmlo.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

I Kor 4:14

Inh chih kơ iĕm thoi noh ưh kơ sĭ inh wă kơ iĕm mơlâu ôh. Inh wă bơtho iĕm yua kơ iĕm dang kon inh mă 'mêm kơeng.

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

Galati 4:19

Ơ lu kon inh mă 'mêm kơeng, inh wă pơtih gia kơ minh 'nu bơngai drŏ-kăn sư wă tơpŭ kơ kon sư, sư sơ'ngon tơpă mơ̆n, yua kơ sư jĭ. Hlôi sư tơpŭ boih na sư gơh hiôk. Inh kư̆m lei-lăi thoi noh mơ̆n, kơplah iĕm 'nao wă pơtơm lui sơ̆ păng dang ei mơ̆n. Inh sơ'ngon tơpă, inh hli kơ iĕm achăng lê̆ tơdrong lui iĕm. Inh wă kơ iĕm lui kiơ̆ Yêsu Krist trŏ thoi Sư wă 'mơ̆i na inh gơh hiôk chơt.

Kôlôsê 4:9

Inh kư̆m wơh Ônêsim năm hơdai hăm sư mơ̆n. Ônêsim sư kư̆m 'nhŏng oh lu bơ̆n bơngai lui; sư bơngai lui kơjăp, bơ̆n 'mêm kơ sư mơ̆n; sư bơngai pơlei iĕm, iĕm pôm pơlei. Bre sư gô roi kơ iĕm tơdrong nhôn tơ âu thoi yơ.

Phil 1:11

Sơ̆ sư đĭch ih tơpă mơ̆n, na đơ̆ng noh sư kơdâu jăk đơ̆ng ih jing ưh pă yua kơ ih. Na dang ei sư yua kơ inh păng wă yua kơ ih dơ̆ng.

Phil 1:13

Inh oei lăm hnam phak kơlih inh bơtho tơdrong 'nao 'lơ̆ng Yêsu. Inh wă ră kơ Ônêsim oei păng inh khŏm khŏm tơdŏng tơdrong jang inh, sư jang tang ih kư̆m dang ih jang mơ̆n.

III Yo 1:4

Ưh pă tơdrong kiơ mă hiôk hloh dang tơdrong âu: Inh kơtơ̆ng lu bơngai lui kơ 'Bok Kei-Dei đơ̆ng inh bơtho lu sư oei lui kơjăp khŏm khŏm.