Ob 1:3 - Sơ̆p Hlabơar Nơ̆r 'Bok Kei-Dei

³ Ơ lu khŭl bơngai oei lăm sơlam tơmo, lăm anih kơjung, lu iĕm đei khan lăm jơhngơ̆m iĕm thoi âu: Hăm đei bu kĕ tơlơ̆ inh huŏng tơ teh? Tơdrong pơang lăm jơhngơ̆m iĕm hơlĕnh kơdih akâu iĕm boih.

Ob 1:3 Iomraidhean Croise

Bl 36:8

Thoi noh, Êsâu đe krao Eđôm, oei tơ Sier.

II Pot 14:7

Amasia pơlôch mơjĭt-rơbâu 'nu linh Eđôm tơ lăm thong 'Boh, blah iŏk pơlei Sêla păng đe krao pơlei noh anăn Jôktheel truh tơ dang ei.

II Ho 25:11

Amasia iŏk tơiung pơm jơhngơ̆m nuih, chông ba lu kon pơlei năm truh tơ Thŭng 'Boh, tơblah păng pơlôch mơjĭt-rơbâu 'nu bơngai Sêir.

II Ho 25:12

Linh Juđa kư̆m đei rôp arih mơjĭt-rơbâu 'nu ba lu sư tŏk tơ kơpal kông tơmo, na tơlơ̆ lu sư đơ̆ng kơpal kông noh tơ ala, lu sư lôch akâu pơchah hĕch đĭ.

Jop 20:6

Mă khan lu bơngai noh sư pơang truh tơ plĕnh Mă kơ̆l lu sư hơtŭt kơ hơmơ̆l,

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Êsai 16:6

Lu bơ̆n đei kơtơ̆ng bơih gah tơdrong lu bơngai Môap pơang, sư pơrŏ pơang dêh, pơma pôk kơdih mă-lei, tơdrong pơang sư jing tơdrong kơ đei.

Je 21:13

Kră Yang khan: “'Nâu Inh wă blah lu iĕm, ơ pơlei tih Jêrusalem, oei kơpal tơmo tih dơnă lăm anih groi kông, lăng tơ bơngai oei lăm thŭng, Lu iĕm khan, ‘Bơngai bu gơh năm blah bơ̆n? Bơngai bu kĕ mơ̆t lăm anih kơjăp bơ̆n kơ'nơp?’ ”

Je 37:9

Kră Yang khan: “Lu iĕm 'nĕ chă hơlĕnh kơdih khan: ‘Bơngai Kalđê khan gô weh ataih đơ̆ng lu bơ̆n; lu sư ưh kơ weh ôh.’

Je 48:28

Ơ kon pơlei oei lăm char Môap, weh bĕ đơ̆ng pơlei tih, năm oei tơ lăm hơgơp tơmo thoi sem pơgâm 'nơ̆m pơm tơpu lăm trôm kông.

Je 49:16

Ih pơm kơ đe hli tơrơ, tơdrong kơnê̆ ih, tơdrong ih pơang blơ̆ ih boih; ơ bơngai mă oei lăm hơgơp tơmo. Oei kơpal wĕch kông; mă khan ih pơm tơpu kơjung thoi sem klang.” Inh gô tơhuŏng ih đơ̆ng noh, Noh Kră Yang khan.

Je 49:4

Ơ kon pơlei ưh kơ tơpăt, liơ lu iĕm pơư kơdih anih thŭng, khan teh mơ̆r 'lơ̆ng? Gơnang kơ mŭk tơmam kơdih păng khan: ‘Bu pơ̆n pơm kơ inh?’ ”

Êsêkiên 28:16

Đơ̆ng ih mơdro sa tih đei mơdrŏng ih pơm kơnê̆ păng yoch; thoi noh na, ơ chêrubim gak bơwei, Inh puh lê̆ ih đơ̆ng kông Kră Yang 'Bok Kei-Dei; păng pơlôch ih đơ̆ng lu jơmŏng rang hơdah thoi ŭnh.

Malachi 1:4

Tơdah bơngai Eđôm khan thoi âu: “Lu bơ̆n đe pơrăm đĭ boih, mă-lei lu bơ̆n gô brŏk pơjing dơ̆ng dôm lu anih đêl đe pơrăm,” thoi noh Kră Yang Tih Hloh khan: “Lu sư gô pơdơ̆ng ming, mă-lei Inh gô tơlơ̆ lê̆, dĭng mah đe krao anăn lu sư dêh char kơnê̆ păng jing kon pơlei pơla mă Kră Yang hil areh ling-lang.”