Ob 1:20 - Sơ̆p Hlabơar Nơ̆r 'Bok Kei-Dei

²⁰ Dôm lu bơngai Isơrael pơm bơnă oei lăm dêh Kanaan, gô đei bri seh teh choh sư truh tơ Sarephat. Lu bơngai bơnă Jêrusalem oei char Sephahat gô đei iŏk pơlei gah gơal.

Ob 1:20 Iomraidhean Croise

Je 13:19

Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Je 3:18

Truh tơ năr noh adrĕch Juđa gô pơgơ̆p hơdai hăm adrĕch Isơrael, lu sư gô yak hơdai weh đơ̆ng teh đak gah yă-nơ̆m na brŏk tơ dêh mă Inh đei ăn boih kơ 'bok yă lu iĕm jang sa.”

Je 32:44

Lu đe gô yua jên hu răt mir na, chih hla bơar tĕch, chơ̆m pơsĭt, chih pơklep chă bơngai kơdranh pơsĭt kơ đơ̆ng lăm char Bênjamin, lăm lu anih tăp dăr kơ pơlei tih Jêrusalem, lăm pơlei Juđa păng lăm lu pơlei tơ kông groi dah lăm tơring lăm thŭng păng lu pơlei gah gơal, yua kơ Inh gô chông anhăk bơnă wih brŏk hiôk-hian jơnap.” Noh Kră Yang khan.”

Je 33:13

Lăm lu pơlei tơring groi kông păng lu pơlei lăm tơring groi gah bơmơ̆t, lăm lu tơring glă gah gơal, lăm teh đak Bênjamin, tơ lăm rim anih tăp dăr Jêrusalem păng lăm pơlei char Juđa, khŭl triu gô yak rok ala ti đe gô jô̆ lu sư.” Noh Kră Yang khan.

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Êsêkiên 36:12

Inh gô ăn lu kon pơlei, noh kon pơlei Isơrael Inh gô yak kơpal teh ih; lu sư gô iŏk ih wei pơm tơmam lu sư, ih jing tơmam lu sư, Lu sư ưh pă kơ'bah lu kon sâu.

Luka 4:26

Mă-lei 'Bok Kei-Dei ưh kơ wơh Êli năm tơgŭm lu sư ôh. Sư wơh Êli năm tơgŭm minh 'nu yă adro tơ Pơlei Sarepta lăm dêh char Siđôn đĕch, noh kư̆m dêh char tơmoi.